ပြည်ခိုင်ဖြိုးပါတီ ဒုတိယဥက္ကဋ္ဌ ဦးလှထွန်း မတူပီမြို့နယ်နှင့် မင်းတပ်မြို့နယ်အတွင်းရှိ ကျေးရွာများမှ ဒေသခံ ချင်းတိုင်းရင်းများအား ရင်းရင်းနှီးနှီးတွေ့ဆုံ
မတ်(၅)၊မတူပီ
ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီဒုတိယဥက္ကဋ္ဌ ဦးလှထွန်းသည် မတူပီမြို့နယ်နှင့် မင်းတပ်မြို့နယ်အတွင်း ရှိ ချင်းတိုင်းရင်းသားများ နေထိုင်ရာကျေးရွာများမှ ဒေသခံများအား ယမန်နေ့ နံနက်ပိုင်းက ရင်းရင်း နှီးနှီးတွေ့ဆုံ ခဲ့သည်။ ထိုသို့တွေ့ဆုံရာတွင် ပြည်ခိုင်ဖြိုးပါတီ ဒုတိယဥက္ကဋ္ဌ ဦးလှထွန်းနှင့် အဖွဲ့သည် ရှေးဦးစွာ နံနက်၈နာရီက မတူပီမြို့နယ်အတွင်းရှိ ရမ်တိန်း (၈၆) ကျေးရွာတွင်လည်းကောင်း၊ နံနက် ၈ နာရီ ၃၀ မိနစ်တွင် ရမ်တိန်း (၈၄)ကျေးရွာတွင်လည်းကောင်း၊ ထို့နောက် နံနက် ၉ နာရီ ၃၀ မိနစ်က မင်းတပ်မြို့နယ် အတွင်းရှိ လေရှိကျေးရွာတွင် လည်းကောင်း၊ နံနက် ၁၀ နာရီ ၃၀ မိနစ်က တွီဒိန်ကျေးရွာတွင်လည်းကောင်း ဒေသခံချင်းတိုင်းရင်းသားများအား ရင်းရင်းနှီးနှီးတွေ့ဆုံကာ ပြည်ခိုင်ဖြိုးပါတီဥက္ကဋ္ဌ ဦးသန်းဌေးပုံပါ ပြက္ခဒိန်များနှင့် အိတ်ဆေင်ပြက္ခဒိန်များအား အမှတ်တရ လက်ဆောင်အဖြစ် ပေးအပ်ခဲ့သည်။
တွေ့ဆုံရာသို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဒုတိယဥက္ကဋ္ဌ ဦးလှထွန်း၊ ပါတီဗဟိုအတွင်းရေးမှူး ဦးပိုက်ထွေး၊ ပါတီဗဟိုအတိုင်ပင်ခံ ဦးဟုန်းငိုင်း၊ ပါတီဗဟိုကော်မတီဝင်များ ဖြစ်ကြသော ဦးဆန်ကျုံး၊ ချင်းပြည်နယ်ပါတီအတွင်းရေးမှူး ဦးကျုံးဘိခ်၊ မတူပီမြို့နယ် ပါတီဥက္ကဋ္ဌ ဦးဗန်လျန်မာန်း၊ မြို့နယ်ပါတီကော်မတီဝင် ဦးပေါလုတို့ လိုက်ပါခဲ့ကြောင်း သိရသည်။