ပြည်ခိုင်ဖြိုးပါတီ ဗဟိုအလုပ်အမှုဆောင် ဒေါ်နန်းနီနီအေး ပြည်နယ်ခရိုင်နှင့် မြို့နယ်လုပ်ငန်းညှိနှိုင်း အစည်းအဝေး တက်ရောက်
ဘားအံ ဖေဖော်ဝါရီ ၉
ကရင်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံး ဒေါနခန်းမတွင် ယမန်နေ့ နံနက် ၁ဝ နာရီက ပြည်နယ်၊ ခရိုင်နှင့်မြို့နယ် လစဉ်ပုံမှန်လုပ်ငန်း ညှိနှိုင်းအစည်းအဝေးနှင့် ရွေးကောက်ပွဲအောင်နိုင်ရေး လုပ်ငန်း ညှိနှိုင်း အစည်းအဝေး ကျင်းပခဲ့သည်။ အဆိုပါ လုပ်ငန်းညှိနှိုင်း အစည်းအဝေးသို့ ဗဟိုအလုပ်အမှုဆောင် ဖာပွန်မြို့နယ် အမျိုးသားလွှတ်တော်ကိုယ်စားလှယ် ဒေါ်နန်းနီနီအေးက လွှတ်တော်အတွင်း တွေ့ကြုံရသည့်အခြေ အနေများ၊ အခြေခံဥပဒေပြင်ဆင်ရေး အချက်များအား သတင်းအမှန်သိရှိရေးအတွက် တက်ရောက်လာသည့် ခရိုင်နှင့် မြို့နယ်ပါတီဥက္ကဋ္ဌများမှ မိမိတို့မြို့နယ်ရှိ ပြည်သူများအား ရှင်းလင်းပြောကြားခဲ့ သည်။
ဆက်လက်ပြီးဗဟိုကော်မတီဝင် ကရင်ပြည်နယ် ပါတီအတွင်းရေးမှူး ဦးစန်းကိုက ခရိုင်နှင့်မြို့နယ်များ အောက်ခြေ အထိ ပြည်သူများနှင့်သွားရောက်တွေ့ဆုံရန်၊ ယခုအချိန်တွင် ပြည်သူများလိုလား လက်ခံတောင်းတနေသည့် အချိန် တွင်ပြည်သူနှင့် များများထိတွေ့ ဆက်ဆံကြရန်လိုအပ်ကြောင်း၊ ရွေးကောက်ပွဲအောင်နိုင်ရေးကိစ္စများနှင့် ပတ်သက်၍ ဆောင်ရွက်ထား ရှိမှု၊ဆက်လက်ဆောင်ရွက်ရန်ကျန်၊ ကြိုတင်ပြင်ဆင်မှု အခြေအနေများကို ပြောကြား ခဲ့သည်။ ဗဟိုကော်မတီဝင် ပြည်နယ်ပါတီဘဏ္ဍာရေးမှူး (ပြည်နယ်လွှတ်တော်ကိုယ်စားလှယ်) ဦးစောဝင်းထိန်က ရွေးကောက်ပွဲအောင်နိုင်ရေးနှင့် ပတ်သက်ပြီး ညွှန်ကြားချက်များအား လိုက်နာဆောင်ရွက်ကြရန် လိုအပ်ပါ ကြောင်း ပြောကြားသွားသည်။ ဆက်လက်ပြီး တက်ရောက်လာသည့် ပြည်နယ်ပါတီ ကော်မတီဝင်များက ရေးရာ အလိုက်၊ ကဏ္ဍအလိုက်၊ နယ်မြေဒေသအခြေအနေ အားရှင်းလင်းဆွေးနွေးခဲ့ကြသည်။
တက်ရောက်လာသည့် ခရိုင်နှင့် မြို့နယ်ပါတီဥက္ကဋ္ဌများက မိမိတို့ခရိုင်နှင့် မြို့နယ်အလိုက် ရွေးကောက်ပွဲ အောင်နိုင်ရေးအတွက် ပြင်ဆင်ဆောင်ရွက်ထားရှိမှု ပြီးစီးမှုအခြေအနေ၊ ဆက်လက်ဆောင်ရွက်ရန်ကျန်နေသည့် အခြေအနေ၊ နယ်မြေဒေသတွင်တွေ့ကြုံရသည့် အခြေအနေများအား ခရိုင်နှင့် မြို့နယ်ပါတီဥက္ကဋ္ဌများက အသီး သီး တင်ပြဆွေးနွေးခဲ့ကြသည်။ ခရိုင်နှင့် မြို့နယ်ပါတီဥက္ကဋ္ဌများက တင်ပြဆွေးနွေးလာသည့်အပေါ် အမျိုးသား လွှတ်တော်ကိုယ်စားလှယ် ဒေါ်နန်းနီနီအေး၊ ကရင်ပြည်နယ်ပါတီအတွင်းရေးမှူး ဦးစန်းကို၊ ပြည်နယ်ပါတီ လွှတ်တော်ကိုယ်စားလှယ် ဦးစောဝင်းထိန်တို့က ပေါင်းစပ်ညှိနှိုင်းပြီး ဆုံးဖြတ်ပေးခဲ့ကြသည်။ အစည်းအဝေးအား မွန်းလွဲ ၃ နာရီတွင် ပြီးဆုံးခဲ့ကြောင်း သိရသည်။ ခင်နီနီအောင်
