ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအတွင်းရေးမှူး ဦးတင်အောင်ချစ် အောင်လံမြို့နယ် ရွာထောင်ရပ်ကွက် ပါတီဆိုင်းဘုတ်တင်ခြင်းနှင့် အဆိုပြုလွှာများ ပေးအပ်ပွဲသို့ တက်ရောက်
အောင်လံ စက်တင်ဘာ ၃၀
ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ ဗဟိုအတွင်းရေးမှူး ဦးတင်အောင်ချစ်သည် ၃၀-၉-၂၀၁၉ နံနက် ၈း၃၀ နာရီအချိန်တွင် မကွေးတိုင်းဒေသကြီး အောင်လံမြို့နယ် ရွာထောင်ရပ်ကွက် အောင်မြေရွှေဝါဓမ္မာရုံ၌ ရပ်ကွက်ပါတီခေါင်းဆောင်များ၊ ရပ်မရပ်ဖအဖွဲ့ဝင်များနှင့် တွေ့စုံပြီး ပါတီ၏ လုပ်ငန်းစဉ်-ရည်ရွယ်ချက်များအား ရှင်းလင်းဆွေးနွေးကာ ရပ်ကွက်တာဝန်ရှိသူများမှလည်း လိုအပ်သည့် အချက်အလက်များအား ပြန်လည်တင်ပြဆွေးနွေး ခဲ့ကြပါသည်။ ၎င်းနောက် နံနက် ၁၀း၃၀ နာရီအချိန်၌ ပါတီရုံး အစည်းအဝေး ခန်းမ၌ မြို့နယ်ပါတီကော်မတီဝင်များနှင့် တွေ့စုံကာ မြို့နယ်မှ လုပ်ဆောင်လျက်ရှိသည့် အခြေအနေများကို နယ်မြေဒေသအလိုက် တင်ပြဆွေးနွေးကြရာ လိုအပ်သည်များကို ဖြည့်စွက်ဆွေးနွေး ညှိုနှိုင်းခဲ့ကြပါသည်။ ဆက်လက်၍ ဗဟိုအတွင်းရေးမှူး ဦးတင်အောင်ချစ် မြို့နယ်ပါတီဥက္ကဌနှင့် အဖွဲ့ဝင်များသည် မွန်းလွဲ ၂း၀၀ အချိန်၌ အောင်လံမြို့နယ် ရေနံကြီးအခြေစိုက် ကြက်ရုံးလေးအုပ်စု ပါတီဆိုင်းဘုတ်တင်ခြင်းနှင့် အဆိုပြုလွှာပေးအပ်ပွဲသို့ သွားရောက်ကာ ကြက်ရုံးလေးကျေးရွာ ရွာဦးကျောင်းဆရာတော်အား ဖူးမျှော်ကြည်ညိုပြီး လှူဖွယ်ဝတ္ထုများ ဆက်ကပ်လှူဒါန်းခဲ့ကြပါသည်။ ပါတီဆိုင်းဘုတ်တင်ခြင်း အခမ်း အနားတွင် ဗဟိုအတွင်းရေးမှူး ဦးဆောင်သော ပါတီခေါင်းဆောင်များမှ အမွှေးနံသာရည်များ ဆွတ်ဖျန်းကာ အောင်မြင်စွာ စိုက်ထူခဲ့ကြပြီး အဆိုပြုလွှာပေးအပ်ပွဲ တက်ရောက်ကာ ပါတီဝင်များအား ကြိုဆိုနှုတ်ခွန်းဆက်စကား ပြောကြားပြီး အဆိုပြုလွှာများအား အုပ်စုပါတီဥက္ကဌနှင့် ကော်မတီဝင်တို့မှပေးအပ်ရာ မြို့နယ်ပါတီဥက္ကဌမှ လက်ခံရယူခဲ့ပါသည်။ ကျေးရွာအထကခွဲ ကျောင်းဆောင်ဆောက်လုပ်ရေး အတွက် ဘိလပ်မြေ (၅၀) အိတ်ကိုလည်း လှူဒါန်းခဲ့ပါသည်။