ရော်ဂျာဖလားပွဲမှာ အမျိုးသားချန်ပီယံဆုကို နာဒယ်(၅)ကြိမ်မြောက် ရရှိ
ကနေဒါနိုင်ငံမွန်ထရီယယ်မြို့မှာ တနင်္ဂနွေနေ့က ကျင်းပပြီးစီးတဲ့ (၂၀၁၉)ရော်ဂျာဖလားတင်းနစ်ပြိုင်ပွဲမှာ စပိန်တင်းနစ်သမား နာဒယ်က ဆီဒင်အဆင့်(၈)ရရုရှားတင်းနစ်သမား မက်ဗီဒက်ကို(၆း၃၊၆းဝ)နဲ့နိုင်ပါတယ်။ အမျိုးသားချန်ပီယံဆုကို (၅)ကြိမ်မြောက်နဲ့နှစ်နှစ်ဆက် ရသွားပါတယ်။ အမျိုးသားတစ်ဦးချင်း ဗိုလ်လုပွဲမှာ ဆီဒင်အဆင့်(၁)ရ နာဒယ်က ဆီဒင် အဆင့်(၈)ရရုရှား တင်းနစ်သမား မက်ဗီဒက်ကို(၆း၃၊၆းဝ)နဲ့နိုင်ပါတယ်။ နာဒယ်ကအသက်(၃၃)နှစ်ရှိပြီး မက်ဗီဒက်က(၂၃)နှစ်ပဲရှိသေးလို့ နာဒယ်အနေနဲ့သူ့ထက်(၁၀)နှစ်ငယ်တဲ့ တင်းနစ် သမားကို မိနစ်(၇၀)တည်းနဲ့ နိုင်ခဲ့တာဖြစ်ပါတယ်။ ကမ္ဘာ့အဆင့်(၂)ဖြစ်တဲ့ နာဒယ်ဟာပြီးခဲ့တဲ့လက ၀င်ဘယ်ဒန် ဆီမီးဖိုင်နယ်မှာ ဆွစ်ဇာလန်တင်းနစ်သမားဖက်ဒရာကို ရှုံးပြီးနောက်ပိုင်းမှာ ဒီပွဲကသူပထမဆုံး ပြန်လည် ကစားတာဖြစ်ပါတယ်။ ဒီကနေဒါပြိုင်ပွဲမှာလည်း နာဒယ်ဟာဒီကနေဒါ ပြိုင်ပွဲမှာ (၂၀၀၅၊၂၀၀၈၊၂၀၁၃) တို့မှာ သုံးကြိမ်နဲ့ (၂၀၁၈နဲ့၂၀၁၉))မှာ နှစ်ကြိမ်ဆက် ဗိုလ်စွဲသွားတာဖြစ်ပါတယ်။ ဒီရော်ဂျာဖလားပွဲက ချန်ပီယံကို ရမှတ် (၁၀၀၀)ပေးတဲ့ မာစတာပြိုင်ပွဲဖြစ်လို့ နာဒယ်အနေနဲ့ မာစတာ(၁၀၀၀)အဆင့်ပြိုင်ပွဲတွေမှာတော့ (၃၅)ကြိမ်မြောက် ဗိုလ်စွဲတာဖြစ်ပါတယ်။ ဂရင်းစလမ်းချန်ပီယံဆုကိုတော့နာဒယ်ကစုစုပေါင်း(၁၈)ခုရထားပါတယ်။
