ပုဗ္ဗသီရိမြို့နယ် ပြည်ခိုင်ဖြိုးပါတီ မြို့နယ်နှင့်ရပ်ကျေး လပတ်ညှိနှိုင်း
နေပြည်တော် ဇူလိုင် ၈
ပြည်ထောင်စုနယ်မြေ ပုဗ္ဗသီရိပြည်ခိုင်ဖြိုးပါတီရုံး အစည်းအဝေး ခန်းမ၌ ယမန်နေ့ နံနက် ၉ နာရီခွဲတွင် မြို့နယ်နှင့် ရပ်ကျေး လပတ်ပုံမှန်ညှိနှိုင်းအစည်းအဝေး ကျင်းပဆောင်ရွက် ခဲ့သည်။ အစည်းအဝေးတွင် နေပြည်တော်ခရိုင် ပါတီဥက္ကဋ္ဌ ဦးအောင်နိုင်ဦးက ယခုလ ၄ ရက်တွင် မိမိတို့ ပြည်ခိုင်ဖြိုးပါတီမှ ဦးဆောင်ပြီး နိုင်ငံရေးပါတီ ၂၃ ပါတီတို့၏ သဘောထား ထုတ်ပြန်ကြေညာချက်ပါ ဒုတိယအကြိမ် လွှတ်တော်သက်တမ်းအတွင်း ဥပဒေပြုရေး ကဏ္ဍ၊ စီမံခန့်ခွဲမှုကဏ္ဍတွေကို တာဝန်ယူရသော အစိုးရအဖွဲ့များအနေဖြင့် ဖွဲ့စည်းပုံအခြေခံဥပဒေ၊ တည်ဆဲဥပဒေ များနှင့် ဆန့်ကျင်ကွဲလွဲစွာ ဆောင်ရွက်ခဲ့မှုများနှင့် ကလေးသူငယ် မွေးစားခြင်းဆိုင်ရာ ဥပဒေကြမ်းတို့ကို အကျယ် တဝင့် ရှင်းလင်းခဲ့သည်။ ထို့နောက် မြို့နယ်ပါတီဥက္ကဋ္ဌ ဦးမြင့်ကြိုင်က ရွေးကောက်ပွဲဆိုင်ရာများ၊ မဲရုံ ကိုယ်စားလှယ်များ ကြိုတင် ရွေးချယ် လျာထားရန်နှင့် ပြည်ခိုင်ဖြိုးပါတီ ဥက္ကဋ္ဌ၏ ရှမ်းပြည်နယ် အရှေ့ပိုင်းတွင် ပြောကြားခဲ့သော ကောက်နုတ်ချက် ခုနစ်ချက်တို့ကို ဖတ်ကြားရှင်းလင်းခဲ့ပြီး မြို့နယ်အတွင်းရေးမှူး ဦးကျော်ညွန့် က ပါတီအောင်နိုင်ရေးနှင့် စည်းလုံး ညီညွတ်ရန် လိုအပ်ကြောင်း ဆွေးနွေးခဲ့သည်။
ထို့နောက် တက်ရောက်လာကြသော ရပ်/ကျေးပါတီဥက္ကဋ္ဌများ၊ ကော်မတီဝင်များမှ သက်ဆိုင်ရာ ဒေသအလိုက် ပါတီအောင်နိုင်ရေး၊ ပါတီဖွဲ့စည်းပုံရွေးကောက် ပွဲအတွက်မဲရုံ ကိုယ်စားလှယ်များ လျာထားခြင်း၊ ဒေသဖွံ့ဖြိုးရေး ဆိုင်ရာများ၊ ဆွေးနွေးတင်ပြခဲ့ကြရာ ခရိုင်ပါတီဥက္ကဋ္ဌနှင့် မြို့နယ်ပါတီတို့က ပေါင်းစပ်ညှိနှိုင်း ဆောင်ရွက်ခဲ့ကြ သည်။ အစည်းအဝေးသို့ နေပြည်တော်ခရိုင် ပါတီဥက္ကဋ္ဌ ဦးအောင်နိုင်ဦး၊ မြို့နယ်ပါတီ ဥက္ကဋ္ဌဦးမြင့်ကြိုင်၊ မြို့နယ်အတွင်းရေးမှူး ဦးကျော်ညွန့်နှင့် ကော်မတီဝင်များ၊ ရပ်ကျေးပါတီဝင်များ အင်အား ၇ဝ ခန့် တက်ရောက် ခဲ့ကြပြီး မွန်းလွဲ ၁ နာရီတွင် လုပ်ငန်းညှိနှိုင်း အစည်းအဝေး ပြီးမြောက်ခဲ့ကြောင်း သိရသည်။ Aung Aung
