ဟွာဝေးစမတ်ဖုန်းများ နိုင်ငံတကာသို့ တင်ပို့မှု ၆၀ ရာခိုင်နှုန်းအထိ လျော့ကျဖွယ်ရှိ
ဟွာဝေးနည်းပညာ ကုမ္ပဏီသည် နိုင်ငံတကာသို့ စမတ်ဖုန်းတင်ပို့မှု ၄၀ ရာခိုင်နှုန်းမှ ၆၀ ရာခိုင်နှုန်းအထိ လျော့ကျနိုင်သဖြင့် ကြိုတင်ပြင်ဆင်နေကြောင်း Bloomberg သတင်း ဌာနက ဖော်ပြသည်။ ယင်းတရုတ်နည်းပညာ ကုမ္ပဏီက အဓိကပြည်ပစမတ် ဖုန်း နောက်ဆုံးမော်ဒယ် Honor 20 ကို ပြန်လည် သိမ်းယူခြင်းအပါအဝင် နည်းလမ်းများ စနည်းနာနေကြောင်း ယင်းကိစ္စနှင့်ပတ်သက်၍ နီးစပ်သူများအား ကိုးကားပြီး သတင်းက ဖော်ပြ သည်။ ယင်းဖုန်းကို ဇွန်လ ၂၁ ရက် ကစ၍ ဗြိတိန်နှင့် ပြင်သစ် အပါအဝင် ဥရောပဒေသများတွင် စတင်ရောင်းချမည်ဟု သတင်းက ဖော်ပြသည်။
အမှုဆောင်အရာရှိများက ယင်းဖုန်း စတင်ရောင်းချစဉ် စောင့်ကြည့်မည်ဖြစ်ပြီး ရောင်းအား မကောင်းပါက တင်ပို့မှုရပ်တန့်ဖွယ်ရှိကြောင်း ယင်းသတင်းက ဖော်ပြသည်။ ယင်းနည်းပညာ ကုမ္ပဏီကြီး၏ ဈေးကွက်နှင့် အရောင်းမန်နေဂျာများက ယခုနှစ်အတွင်း စမတ် ဖုန်းအလုံးရေ သန်း ၄၀ နှင့် ၆၀ ကြားပမာဏကို လျှော့ချရန် မျှော်လင့်ထားသည်။ ပြည်ပရောင်းအားကျဆင်း မှုများကို ကာမိစေရေး ဟွာဝေး က ၂၀၁၉ အတွင်း တရုတ်စမတ် ဖုန်းဈေးကွက်၏ ထက်ဝက်ကို ရယူရန် ရည်ရွယ်ထားသည်။
ဟွာဝေးပစ္စည်းများကို သုံး ခြင်းက နိုင်ငံတော်လုံခြုံရေးစိုးရိမ် မှုများဖြစ်စေသည်ဟု ဝါရှင်တန် ကပြောကာ အမေရိကန် နည်း ပညာကုမ္ပဏီများနှင့် အလုပ်လုပ်ခြင်းမှ တားမြစ်သည့် ကုန်သွယ် ရေးအမည်ပျက်စာရင်း၌ အမေရိ ကန်အစိုးရက ဟွာဝေးကို မေလ အတွင်း ထည့်သွင်းခဲ့သည်။
—Ref: Reuters
