သီပေါမြို့နယ် ပြည်ခိုင်ဖြိုးပါတီ တွေ့ဆုံပွဲ ကျင်းပ
သီပေါ ဇွန် ၆
ရှမ်း/မြောက် ကျောက်မဲခရိုင် သီပေါမြို့နယ် ပြည်ခိုင်ဖြိုးပါတီ ရပ်/ကျေးပါတီ အဖွဲ့ဝင်များ၏ တွေ့ဆုံပွဲကို ယမန်နေ့ နံနက် ၉ နာရီခွဲက သီပေါမြို့နယ် ပါတီရုံး ခန်းမတွင် ကျင်းပခဲ့သည်။
တွေ့ဆုံဆွေးနွေးပွဲတွင် ပြည်နယ်ပါတီ ဦးစိုင်းစိန်လင်းက ယနေ့မြန်မာ့နိုင်ငံရေးနှင့် ပါတီအောင်နိုင်ရေး အခြေအနေ များကိုလည်းကောင်း၊ မြို့နယ်ပါတီဥက္ကဋ္ဌ ဦးအောင်အောင်က ပါတီဝင်အင်အား တိုးတက်ရရှိရေးနှင့် ပါတီဝင် အင်အားစိစစ်ရာတွင် လိုအပ်ချက်များ ရှိပါက ပေါင်းစပ်ညှိနှိုင်း ဆောင်ရွက်ပေးနိုင်ရေးနှင့် ခရိုင်ပါတီဝင် ဦးအုန်းမောင်က လက်ရှိနိုင်ငံရေး ပါတီများ ရပ်တည်ဆောင်ရွက်လျက်ရှိသည့် အနေအထားများကို လည်းကောင်း ရှင်းလင်းဆွေးနွေးကြပြီး တက်ရောက်လာကြသည့် ရပ်/ကျေးပါတီ အဖွဲ့များက မဲရုံမဲပေးခွင့်ရှိသူနှင့် ပါတီဝင် အင်အားအချိုးကျနိုင်ရေး လိုအပ်ချက်များကို တင်ပြဆွေးနွေး ခဲ့ကြသည်။
ထို့နောက် လူမှုရေးဝန်ကြီးက ပေးပို့လာသော ဗလာစာအုပ်များအား ရပ်/ကျေးပါတီ မိသားစုများအတွက် ပေးအပ် လှူဒါန်းကာ အခမ်းအနားကို နံနက် ၁၁ နာရီခွဲ တွင်အောင်မြင်စွာ ပြီးမြောက်စေခဲ့သည်။ အခမ်းအနားသို့ ပြည်နယ်၊ ခရိုင်၊ မြို့နယ်၊ ရပ်/ကျေးပါတီဝင်များ တက်ရောက်ခဲ့ကြောင်း သိရသည်။
အောင်အောင်
