ဥတ္တရသီရိမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ရပ်ကျေးပါတီဝင်များနှင့် တွေ့ဆုံ
နေပြည်တော် ဇွန် ၅
ပြည်ထောင်စုနယ်မြေ နေပြည်တော်ခရိုင် ဥတ္တရသီရိမြို့နယ်ရုံး အစည်းအဝေးခန်းမ၌ ယမန်နေ့ နံနက် ၁ဝ နာရီတွင် မြို့နယ်နှင့် ရပ်/ ကျေး လပတ်ပုံမှန် လုပ်ငန်းညှိနှိုင်း အစည်းအဝေး ကျင်းပခဲ့ကြောင်း သိရသည်။
အစည်းအဝေးတွင် ဥတ္တရသီရိ မြို့နယ်ပါတီဥက္ကဋ္ဌ ဦးဇော်လင်းက ပါတီဝင်အင်အား တောင့်တင်းခိုင်မာရေးနှင့် အောင်နိုင်ရေး ဆွေးနွေးခဲ့သည်။ ထို့နောက် ပြည်ထောင်စုနယ်မြေ ပါတီကော်မတီဝင် ဦးကျော်ဌေးနှင့် ခရိုင်ပါတီ ကော်မတီဝင် ဦးအောင်မြင့်ကြိုင်တို့က ၂ဝ၂ဝ ရွေးကောက်ပွဲအတွက် မဲရုံမှူးများ၊ မဲရုံကိုယ်စားလှယ်များ ရွေးချယ်ထားရေး ပါတီရှေ့လုပ်ငန်းစဉ်များ ဆွေးနွေးခဲ့သည်။ ယင်းနောက် နေပြည်တော် ခရိုင်ပါတီဥက္ကဋ္ဌ ဦးအောင်နိုင်ဦးက ၂ဝဝ၈ ဖွဲ့စည်းပုံ အခြေခံဥပဒေ ပြင်ဆင်မည်ဆိုသည့်ကိစ္စ၊ မေ ၃ဝ ရက်တွင် ပြည်ခိုင်ဖြိုးပါတီမှ ဦးဆောင်၍ နိုင်ငံရေးပါတီ ၂၄ပါတီမှ လက်မှတ်ရေးထိုးပြီး နိုင်ငံတော်သမ္မတနှင့် နိုင်ငံတော်၏ အတိုင်ပင်ခံ ပုဂ္ဂိုလ်ထံသို့ လိပ်မူ၍ အဘက်ဘက်မှ ယိုယွင်းကျဆင်းနေသော နိုင်ငံတော်၏ အခြေအနေ အရပ်ရပ်ကို ဝိုင်းဝန်း အဖြေရှာ ပြုပြင်တည့်မတ်နိုင်ရေး အကြံပြုချက်များ အချက် (၁၁) ချက်ကို အကျယ်တဝင့် ရှင်းလင်းဆွေးနွေး ခဲ့သည်။
ယင်းနောက် တက်ရောက်လာကြသော ရပ်/ကျေးပါတီ ကော်မတီဝင်များက ရပ်ကွက်၊ ကျေးရွာများအတွင်း ပါတီဝင်တိုးတက်မှု၊ ပြည်သူလူထုပါဝင်လာမှုနှင့် ဒေသဆိုင်ရာ ဖွံ့ဖြိုးရေး လုပ်ငန်းဆိုင်ရာများ၊ ၂၄ ပါတီက နိုင်ငံတော် သမ္မတထံ အိတ်ဖွင့်ပေးစာအပေါ် စိတ်ဝင်တစား မေးမြန်းခဲ့ကြကာ အပြန်အလှန် ဆွေးနွေးခဲ့ကြ ပြီးနောက် အစည်းအဝေးအား မွန်းတည့် ၁၂ နာရီတွင် ရုပ်သိမ်းခဲ့သည်။ အစည်းအဝေးသို့ ပြည်ထောင်စုနယ်မြေ၊ နေပြည်တော်ခရိုင်၊ မြို့နယ်နှင့် ရပ်/ကျေးပါတီ ကော်မတီဝင်များ စုံညီစွာ တက်ရောက်ခဲ့ကြောင်း သိရသည်။
အောင်အောင်
