မအူပင်ပြည်ခိုင်ဖြိုးပါတီ စွမ်းရည်မြှင့် သင်တန်းဆင်းပွဲ ကျင်းပ
မအူပင် မေ ၂၂
ဧရာဝတီတိုင်းဒေသကြီး မအူပင်ခရိုင် မအူပင်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကြီးမှူးကျင်းပ သော ရပ်ကွက်နှင့် ကျေးရွာပါတီ ကော်မတီဝင်များ စွမ်းရည်မြှင့်သင်တန်း အမှတ်စဉ် (၁) သင်တန်းဆင်းပွဲကို ယမန်နေ့ ညနေ ၄နာရီက မအူပင်မြို့နယ် ပြည်ခိုင်ဖြိုးပါတီရုံး မျိုးဆက်အားမာန် ခန်းမတွင် ကျင်းပခဲ့ကြောင်း သိရသည်။
အခမ်းအနားတွင် ဧရာဝတီတိုင်းဒေသကြီး ပြည်ခိုင်ဖြိုးပါတီ ကော်မတီဝင် မအူပင်ခရိုင် တာဝန်ခံ ဦးသန်းထွန်းက သင်တန်းဆင်း အမှာစကား ပြောကြားခဲ့သည်။
အဆိုပါသင်တန်းသို့ မအူပင်မြို့နယ် အတွင်းရှိ ရပ်ကွက်နှင့်ကျေးရွာအုပ်စုများမှ ပြည်ခိုင်ဖြိုးပါတီဥက္ကဋ္ဌနှင့် ကော်မတီဝင် ၇၂ ဦး တက်ရောက်ခဲ့ပြီး ပါတီဖွဲ့စည်းပုံ အခြေခံဥပဒေအကြောင်း အပါအဝင် သိသင့်သိထိုက် သည်များအား နှစ်ရက်တာ သင်ကြားပို့ချခဲ့ကြောင်း သိရသည်။ ဖြိုးမောင်ဇော်(မအူပင်)
