ပြည်ထောင်စုနယ်မြေပြည်ခိုင်ဖြိုးပါတီ လုပ်ငန်းညှိနှိုင်းအစည်းအဝေးကျင်းပ
နေပြည်တော် ဧပြီ ၉
ပြည်ထောင်စုနယ်မြေ ပြည် ခိုင်ဖြိုးပါတီ ရုံးအစည်းအဝေး ခန်းမ၌ ယမန်နေ့ နံနက် ၉နာရီ ခွဲမှ မွန်းလွဲ ၁နာရီအထိ ပြည်ထောင်စု နယ်မြေ နေပြည်တော်ခရိုင်နှင့် မြို့နယ်ပါတီဥက္ကဋ္ဌများ လစဉ်ပုံမှန် လုပ်ငန်းညှိနှိုင်းအစည်းအဝေးကျင်းပ ခဲ့ကြောင်း သိရသည်။
လုပ်ငန်းညှိနှိုင်းအစည်းအဝေး တွင် ပြည်ခိုင်ဖြိုးပါတီ ဗဟို အလုပ်အမှုဆောင်ပြည်ထောင်စု နယ်မြေပါတီဥက္ကဋ္ဌဦးဝေလွင်က ဗဟိုအလုပ်အမှုဆောင် အစည်း အဝေး၏ပါတီလုပ်ငန်းလမ်းညွှန် ချက်များ၊ အစည်းအဝေးဆုံးဖြတ်ချက်များရှင်းလင်းဆွေးနွေးခဲ့သည်။
ထို့နောက် တက်ရောက်လာကြသော မြို့နယ်ရှစ်မြို့နယ်ဥက္ကဋ္ဌများက ဒေသဆိုင်ရာဆောင်ရွက်ထားသည်များ၊ ပါတီအောင်နိုင်ရေးလုပ်ငန်းစဉ် များ ဆွေးနွေးတင်ပြခဲ့ကြပြီး သက်ဆိုင်ရာနယ်မြေတာဝန်ခံ ပြည်ထောင်စု နယ်မြေပါတီကော်မတီဝင်၊ နေပြည်တော်ခရိုင်ကော်မတီဝင်တို့က ဖြည့် စွက်တင်ပြခဲ့ကြပြီးနောက် နေပြည်တော်ခရိုင်ပါတီဥက္ကဋ္ဌဦးအောင်နိုင်ဦးက ပါတီရှေ့လုပ်ငန်းစဉ်နှင့် လက်ရှိလုပ်ငန်းဆောင်ရွက်ချက်များ ဆွေးနွေး တင်ပြခဲ့ကြသည်။
ယင်းနောက် ဆွေးနွေးတင်ပြချက်များအပေါ် ပြည်ခိုင်ဖြိုးဗဟိုအလုပ် အမှုဆောင် ပြည်ထောင်စုနယ်မြေပါတီဥက္ကဋ္ဌနှင့် ပြည်ထောင်စုနယ်မြေ နာယကဦးမှတ်ကြီးတို့က ပေါင်းစပ်ညှိနှိုင်းဆောင်ရွက်ပေးခဲ့သည်။
အစည်းအဝေးသို့ ပြည်ခိုင်ဖြိုးဗဟိုအလုပ်အမှုဆောင် ပြည်ထောင်စု နယ်မြေဥက္ကဋ္ဌဦးဝေလွင်၊ ပြည်ထောင်စုနယ်မြေနာယက ဦးမှတ်ကြီး၊ ပြည်ထောင်စု နယ်မြေအတွင်းရေးမှူး ဦးဌေးဝင်းနှင့် ကော်မတီဝင်များ၊ နေပြည်တော်ခရိုင်ပါတီဥက္ကဋ္ဌဦးအောင်နိုင်ဦးနှင့် ကော်မတီဝင်များ၊ မြို့နယ် ရှစ်မြို့နယ် ဥက္ကဋ္ဌများတက်ရောက်ခဲ့ကြောင်းသိရသည်။
အောင်အောင်(နေပြည်တော်)
