ပင်လည်ဘူးမြို့နယ် ဝါးရုံကုန်းကျေးရွာ ပြည်ခိုင်ဖြိုးပါတီ အခြေစိုက်ရုံး၌ ပါတီဆိုင်းဘုတ်သစ်တင်ပွဲပြုလုပ်
ပင်လည်ဘူး ဖေဖော်ဝါရီ ၁၇
စစ်ကိုင်းတိုင်းဒေသကြီးကသာ ခရိုင် ပင်လည်ဘူးမြို့နယ် ဝါးရုံကုန်း ကျေးရွာအုပ်စု ဝါးရုံကုန်းကျေးရွာ ပြည်ခိုင်ဖြိုးပါတီ အခြေစိုက်ရုံး၌ ပါတီဆိုင်းဘုတ်သစ်တင်ပွဲကို ယမန်နေ့ နံနက် ၈ နာရီက ကျင်းပရာ မြို့နယ်ပါတီဥက္ကဋ္ဌ ဦးဝင်းသိန်းနှင့် တာဝန်ရှိသူများကဆိုင်းဘုတ်ကို အောင်သပြေ၊ အမွှေးနံ့သာရည်များ ပက်ဖျန်းကာ ပါတီဆိုင်းဘုတ်တင် ခြင်း အခမ်းအနားပြုလုပ်ခဲ့သည်။
အဆိုပါအခမ်းအနားသို့မြို့နယ် ပါတီဥက္ကဋ္ဌ ဦးဝင်းသိန်း၊ အတွင်း ရေးမှူးဦးသောင်းဌေး၊ မြို့နယ် ပါတီကော်မတီဝင် ဦးဝင်းမောင်၊ ပါတီဝင်ရပ်မိရပ်ဖများနှင့် ပြည်ခိုင် ဖြိုးပါတီဝင် ၈ဝ ကျော်တက် ရောက်ပြီး လက်ရှိအမျိုးဘာသာ သာသနာနှင့် ဒေသအကျိုးစီးပွား ဖြစ်မြောက်ရေးအကြောင်းအရာတို့ ကို ဆွေးနွေးမှုများပြုလုပ်ခဲ့ကြ ကြောင်း သိရသည်။
မျိုးညီညီ(ပင်လည်ဘူး)
