Samsung Galaxy M20 စမတ်ဖုန်းရဲ့ အသေးစိတ်အချက်အလက်ဖော်ပြထားတဲ့ ပုံကြမ်းထွက်ပေါ်လာ
Samsung ရဲ့အလယ်အလတ်တန်းစား Galaxy M စီးရီးစမတ်ဖုန်းကို ဇန်နဝါရီလ ၂၈ ရက်မှာ အိန္ဒိယနိုင်ငံအတွင်း ဖြန့်ချိသွားမယ်လို့ သိရပါတယ်။ အဲဒီသတင်းကို Amazon India မှာဖော်ပြထားတယ်လို့ India Today မှာရေးသား ထားပါတယ်။ Samsung အနေနဲ့ အိန္ဒိယမှာ M10, M20 နဲ့ M30 စမတ်ဖုန်းသုံးမျိုးကို ရောင်းချသွားဖွယ်ရှိပါတယ်။ အဲဒီဖုန်းတွေမှာ Samsung ရဲ့ “Infinity-V” teardrop display ပါဝင်လာပါတယ်။ အခုဆိုရင် Samsung Galaxy M20 ရဲ့လက်စွဲစာစောင်ထဲမှာ ပါဝင်တဲ့ ဓာတ်ပုံတွေ ထွက်ပေါ်လာပါတယ်။
Samsung ရဲ့ Infinity-V display အတွက် water drop notch နဲ့ USB-C port အနားမှာ နားကြပ်ပေါက် ပါဝင်လာပါတယ်။ Galaxy M20 ကျောဘက်မှာ dual ကင်မရာစနစ်နဲ့ fingerprint scanner လည်းပါဝင်လာပါတယ်။ ဖုန်းရဲ့ညာဘက်မှာ အသံ အတိုး၊ အကျယ်ခလုတ်နဲ့ ပါဝါခလုတ် ပါဝင်လာပါတယ်။ ဟန်းဆက်မှာ ၆.၃ လက်မ LCD panel နဲ့ရုပ်ထွက်အရည်အသွေး 1080x 2340 နဲ့ 19.5:9 aspect ratio အပြင် pixel သိပ်သည်းမှု 409ppi ရှိပါတယ်။ ဘက်ထရီကတော့ 5,000mAh ဖြစ်သလို အလေးချိန်ကတော့ ၁၈၃ ဂရမ် ရှိပါတယ်။
ကျောဘက်ကင်မရာတွေကတော့ 13MP f/1.9 aperture နဲ့ 1.12μm pixels ဖြစ်သလို ဒုတိယကင်မရာကတော့ depth information အတွက် 5MP ကိုအသုံးပြုထားပါတယ်။ Samsung ရဲ့ Exynos 7855 SoC ကို RAM 3GB နဲ့ storage 64GB တို့နဲ့ တွဲဖက်ထားပါတယ်။ Samsung Galaxy M20 မှာ Android 8.1 Oreo ကိုအသုံးပြု ထားတယ်လို့ သိရပါတယ်။
စိုးထက်
Ref: GSMArena
