ပြည်ခိုင်ဖြိုးပါတီဌာနချုပ်သို့ အမျိုးသမီးညီလာခံ(၂ဝ၁၈)တက်ရောက်ရန် တိုင်းဒေသကြီးနှင့်ပြည်နယ်အသီးသီးမှ ကိုယ်စားလှယ်များရောက်ရှိ

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးညီလာခံ(၂ဝ၁၈)ကို ယခုလ ၁၁ရက်နေ့တွင်စတင်ပြုလုပ်မည်ဖြစ်ရာ ညီလာခံတက်ရောက်ကြမည့် တိုင်းဒေသကြီးနှင့် ပြည်နယ်များမှ အမျိုးသမီးညီလာခံကိုယ်စားလှယ်များ နေပြည်တော်ရှိ ပါတီဌာနချုပ်သို့ ယနေ့ရောက်ရှိလာခဲ့ကြသည်။အဆိုပါအမျိုးသမီးညီလာခံကို ယခုလ ၁၁ ရက်မှ ၁၂ ရက်အထိပြုလုပ်မည်ဖြစ်ပြီး ယင်းအမျိုးသမီးညီလာခံ(၂ဝ၁၈)သို့ တိုင်းဒေသကြီးများဖြစ်ကြသော စစ်ကိုင်း၊ တနင်္သာရီ၊ ပဲခူး၊ မကွေး၊ မန္တလေး၊ ရန်ကုန်၊ ဧရာဝတီတိုင်းဒေသကြီးများ၊ နေပြည်တော် ပြည်ထောင်စုနယ်မြေတို့မှ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးကိုယ်စားလှယ်များ၊ ပြည်နယ်များဖြစ်ကြသည့် ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်း စသည့်ပြည်နယ်များမှ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အမျိုးသမီးကိုယ်စားလှယ်များ တက်ရောက်ကြမည်ဖြစ်သည်။ သို့ဖြစ်၍ တိုင်းဒေသကြီးနှင့် ပြည်နယ်အလိုက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီများမှ အမျိုးသမီး ညီလာခံကိုယ်စားလှယ်များ နေပြည်တော်သို့ ယနေ့လာရောက်ကြခြင်းဖြစ်သည်။

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဌာနချုပ်မှ ပါတီဝင်းအတွင်း အမျိုးသမီးဆောင်၊ အမျိုးသားဆောင်များတွင် ပါတီနေရာချထားပေးရေးအဖွဲ့မှ အမျိုးသမီးညီလာခံ ကိုယ်စားလှယ်များကို နေရာချထားပေးမည်ဖြစ်ပြီး ယခုလ ၁၂ ရက်တွင်ကျင်းပမည့် အမျိုးသမီးညီလာခံ(၂ဝ၁၈)သို့ ပြည်တွင်းသတင်းမီဒီယာများအား ဖိတ်ကြားထားပြီး လွတ်လပ်စွာသတင်းရယူခွင့်ပေးသွားမည်ဖြစ်ကြောင်း သိရသည်။

သာလှ(ပျဉ်းမနား)၊ ကိုကိုလွင်