၂၀၁၈ ကြားဖြတ်ရွေးကောက်ပွဲအောင်နိုင်ရေး မင်းဘူးမြို့နယ် ပြည်ခိုင်ဖြိုးပါတီ၏ မဲဆန္ဒရှင်ပြည်သူလူထုနှင့် တွေ့ဆုံပွဲအခမ်းအနားသို့ ပြည်ခိုင်ဖြိုးပါတီဥက္ကဋ္ဌ ဦးသန်းဌေး တက်ရောက်အားပေး
အောက်တိုဘာ (၄)၊ မင်းဘူး
မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ စကုမြို့ရှိ ဇာတ်ရုံခန်းမတွင် ၂၀၁၈ ကြားဖြတ်ရွေးကောက်ပွဲ အောင်နိုင်ရေး မင်းဘူးမြို့နယ် ပြည်ခိုင်ဖြိုးပါတီ၏ မဲဆန္ဒရှင်ပြည်သူလူထုနှင့် တွေ့ဆုံပွဲအခမ်းအနားအား ယနေ့နံနက် (၈) နာရီ ၃၀ မိနစ်က ကျင်းပခဲ့ရာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေး တက်ရောက်အားပေးချီးမြှင့်ခဲ့သည်။
အခမ်းအနားအား နိုင်ငံတော်အလံအားအလေးပြု၍ နိုင်ငံတော်သီချင်း သံပြိုင်သီဆိုဖွင့်လှစ်ပြီးနောက် ပြည်ခိုင်ဖြိုး ပါတီဥက္ကဋ္ဌ ဦးသန်းဌေးက နှုတ်ခွန်းဆက်အမှာစကားပြောကြားခဲ့သည်။
ထို့နောက် မင်းဘူးမြို့နယ် မဲဆန္ဒနယ်အမှတ် (၂) တိုင်းဒေသကြီး လွှတ်တော်ကိုယ်စားလှယ်လောင်း ဦးစိန်ရွှေမင်း (က) မောင်ပိုက်မှ မဲဆန္ဒရှင်ပြည်သူများအား မိတ်ဆက်စကား ပြောကြားခဲ့ကာ အခမ်းအနားကို ကြွေးကြော်သံများဖင့် ရုပ်သိမ်းခဲ့သည်။
အခမ်းအနားသို့ ပြည်ခိုင်ဖြိုးပါတီဥက္ကဋ္ဌ ဦးသန်းဌေး၊ ပါတီအထွေထွေအတွင်းရေးမှူး ဦးသက်နိုင်ဝင်း၊ ပါတီ ဗဟိုအတွင်းရေးမှူး ဦးပိုက်ထွေး၊ ပါတီဗဟိုအလုပ်အမှုဆောင်များဖြစ်ကြသော ဦးဝဏ္ဏမောင်လွင်၊ ဦးသောင်းအေး၊ ဦးလှသိန်း၊ ဦးတင်အောင်ချစ်၊ မကွေးတိုင်းဒေသကြီးပါတီဥက္ကဋ္ဌ ဒေါက်တာမောင်မောင်ဌေး၊ ဗဟိုကော်မတီဝင် ဒေါက်တာနန္ဒာလှမြင့်၊ တိုင်းဒေသကြီးပါတီကော်မတီဝင်များ၊ မင်းဘူးမြို့နယ် မဲဆန္ဒနယ် အမှတ် (၂) တိုင်းဒေသ ကြီး လွှတ်တော်ကိုယ်စားလှယ်လောင်း ဦးစိန်ရွှေမင်း (က) မောင်ပိုက်၊ ခရိုင်နှင့်မြို့နယ်များမှ ပါတီတာဝန်ရှိသူများ၊ ပါတီဝင်များ၊ မဲဆန္ဒရှင်ပြည်သူများအပါအဝင် စုစုပေါင်းအင်အား (၂၀၀၀) ဦးခန့် တက်ရောက်ခဲ့ကြောင်း သိရသည်။