ရုရှားနိုင်ငံ စစ်ဘက်ဆိုင်ရာ က ဆီးရီးယားနိုင်ငံ အား S-300 လေကြောင်း ကာကွယ်ရေးစနစ် ပေးအပ်ခဲ့ပြီး ဖြစ်ကြောင်း ပြောကြား
ရုရှား နိုင်ငံ ၏ S-300 လေကြောင်း ကာကွယ်ရေး စနစ် အား မြင်တွေ့ရစဉ်(ဆင်ဟွာ)
မော်စကို ၊ အောက်တိုဘာ ၃ ရက်
ရုရှား နိုင်ငံ ကာကွယ်ရေး ဝန်ကြီး Sergey Shoygu က အောက်တိုဘာ ၂ ရက် တွင် ရုရှား နိုင်ငံ စစ်ဘက်ဆိုင်ရာ အနေဖြင့် ဆီးရီးယား နိုင်ငံ လေကြောင်း ကာကွယ်ရေး စွမ်းရည် မြှင့်တင်ရန် နှင့် ရုရှား နိုင်ငံ အစိုးရ တပ်ဖွဲ့ တို့ ၏ လုံခြုံရေး အတွက် S-300 လေကြောင်း ကာကွယ်ရေး စနစ် အား ဆီးရီးယား နိုင်ငံ သို့ ပေးအပ်ခဲ့ပြီး ဖြစ်ကြောင်း ပြောကြား ခဲ့သည်။
ကရင်မလင် နန်းတော် ၏ ထုတ်ပြန်ချက်အရ ရုရှား နိုင်ငံ သမ္မတ ပူတင် ၏ ဆုံးဖြတ်ချက်အရ ရုရှား နိုင်ငံ အနေဖြင့် ဆီးရီးယား နိုင်ငံ အား S-300 လေကြောင်း ကာကွယ်ရေး စနစ် ပေးအပ်ခဲ့ပြီး လေကြောင်း ကာကွယ်ရေး စနစ် တွင် ရေဒါ ၊ တည်နေရာ အတည်ပြုစနစ် ၊ ညွှန်ကြားမှုယာဉ် နှင့် ဒုံးကျည် ပစ်လွှတ်စင် စသည့် ပစ္စည်း ကိရိယာ ပေါင်း ၄၉ မျိုးပါဝင်ပြီး အီလက်ထရောနစ် စစ်ဆင်ရေး စနစ် ကိုလည်း စွမ်းရည် မြှင့်တင်ထားကြောင်း သိရှိရသည်။
ရုရှား နိုင်ငံ ကာကွယ်ရေး ဝန်ကြီး က လေကြောင်း ကာကွယ်ရေး စနစ် တည်ဆောက်ရန်အတွက် ကိရိယာများကို ဆီးရီးယား နိုင်ငံ သို့ စတင် ထောက်ပံ့နေပြီး သက်ဆိုင်ရာ သင်တန်း ပို့ချမှု ကိုလည်း အောက်တိုဘာ ၂၀ ရက် မတိုင်မီ ပြီးစီးမည် ဖြစ်ကြောင်း ၊ ဆီးရီးယား နိုင်ငံ စစ်ဘက်ဆိုင်ရာ အနေဖြင့် S-300 လေကြောင်း ကာကွယ်ရေး စနစ် ထိန်းချုပ်မှု ဆိုင်ရာ ၃ လ ကြာ သင်တန်း ကို ဆက်လက် တက်ရောက်သွားကြမည် ဖြစ်ကြောင်း သိရှိရသည်။
စက်တင်ဘာ ၁၇ ရက် တွင် ရုရှား နိုင်ငံ ၏ Ilyushin Il-20 ကင်းထောက် လေယာဉ် က ဆီးရီးယား ၏ မှားယွင်း ပစ်ခတ်မှု ကို ခံခဲ့ရပြီး လေယာဉ် ပေါ်ရှိ ရုရှား တပ်ဖွဲ့ဝင် ၁၅ ဦး ကျဆုံး ခဲ့ရသည်။ ရုရှား နိုင်ငံ က အစ္စရေး နိုင်ငံ အနေဖြင့် ဆီးရီးယား နိုင်ငံ အတွင်း ဗုံးကြဲ တိုက်ခိုက်မှုများ ဆောင်ရွက်ရာတွင် တာဝန်မဲ့စွာ ရုရှား နိုင်ငံ လေယာဉ် အား အကာအကွယ် အဖြစ် ပြုလုပ်ခဲ့သောကြောင့် ဆီးရီးယား လေကြောင်း ကာကွယ်ရေးစနစ် ၏ ပစ်ခတ်မှုကို ခံခဲ့ရခြင်း ဖြစ်ကြောင်း ပြောကြားခဲ့သည်။
စက်တင်ဘာ ၂၄ ရက်တွင် ရုရှားနိုင်ငံ နှင့် ဆီးရီးယားနိုင်ငံ သမ္မတ တို့က ဖုန်းဖြင့် ဆက်သွယ်ပြောကြားမှု ပြုလုပ်ခဲ့ပြီး ဆီးရီးယား နိုင်ငံအတွင်းရှိ ရုရှား တပ်ဖွဲ့လုံခြုံရေး နှင့် ဆီးရီးယား လေကြောင်းကာကွယ်ရေး စနစ် စွမ်းရည် မြှင့်တင်ရန်အတွက် S-300 လေကြောင်း ကာကွယ်ရေးစနစ်အား ပေးအပ်ခဲ့ကြောင်း သိရှိ ရသည်။
(Xinhua)
