ပြည်ခိုင်ဖြိုးပါတီဥက္ကဋ္ဌ ဦးသန်းဌေးနှင့်အဖွဲ့ဝင်များ မိုးကုတ်မြို့ရှိ သမိုင်းဝင်တန်ခိုးကြီးဘုရားများအား ဖူးမျှော်ကြည်ညိုကန်တော့၍ အလှူငွေများအား လှူဒါန်းပူဇော်
မိုးကုတ်၊ စက်တင်ဘာ ၂၃
မန္တလေးတိုင်းဒေသကြီး၊ပြင်ဦးလွင်ခရိုင်၊မိုးကုတ်မြို့သို့ ရောက်ရှိနေသော ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌဦးသန်းဌေးနှင့်အဖွဲ့သည် ယမန်နေ့နံနက်၁၁နာ ရီ၃၀မိနစ်ခန့်က မိုးကုတ်မြို့ရှိ သမိုင်းဝင်တန်ခိုးကြီးဘုရားများဖြစ်သော ဖောင်တော်ဦးဘုရားနှင့်ချမ်းသာကြီးဘုရား တို့အား ဖူးမျှော်ကြည်ညိုကန်တော့၍ ဂေါပကအဖွဲ့များထံသို့ အလှူငွေများ ပေးအပ်လှူဒါန်းခဲ့သည်။
ထို့နောက် ပါတီဥက္ကဋ္ဌဦးသန်းဌေးနှင့်အဖွဲ့သည် မိုးကုတ်မြို့နယ် ကသဲကျေးရွာအုပ်စု ခြင်္သေ့ရေရပ်ရှိ သီရိမင်္ဂလာ စွမ်မွန်ကျောင်းတိုက်သို့ သွားရောက်၍ တိုက်အုပ်ဆရာတော်ဘဒ္ဒန္တပဏ္ဏိတအား ဖူးမျှော်ကြည်ညိုကန်တော့ကာ လှူ ဖွယ်ပစ္စည်းနှင့်အလှူငွေများအား ဆက်ကပ်လှူဒါန်းခဲ့ကြပြီး စေတီတော် ဧည့်သည်တော်မှတ်တမ်းစာအုပ်တွင် လက်မှတ်ရေးထိုးမှတ်တမ်းတင်ခဲ့ကြသည်။
ထိုသို့လှူဒါန်းရာသို့ ပါတီဥက္ကဋ္ဌဦးသန်းဌေးနှင့်ဇနီး ဒေါ်စိုးဝတ်ရည်၊ ပါတီအထွေထွေအတွင်းရေးမှူး ဦးသက်နိုင်ဝင်း၊ ပါတီဗဟိုအလုပ်အမှုဆောင် မန္တလေးတိုင်းဒေသကြီးနယ် မြေတာဝန်ခံ ဦးဝဏ္ဏမောင်လွင်နှင့် ဇနီးဒေါ်လင်းလင်းတင်၊ ပါတီဗဟိုအလုပ်အမှုဆောင်၊ မန္တလေးတိုင်းဒေသကြီးပါတီ
ဥက္ကဋ္ဌ ဦးဝင်းမောင်၊ တိုင်းဒေသကြီးပါတီအတွင်းရေးမှူး ဦးအောင်ကျော်မိုး၊ တိုင်းဒေသကြီးပါတီကော်မတီဝင်များ၊ ပြင်ဦးလွင်ခရိုင်ပါတီဥက္ကဋ္ဌ ဦးဝင်းကြည်နှင့် ခရိုင်ပါတီကော်မတီဝင်များ၊ ရှမ်းတိုင်းရင်းသားလွှတ်တော်ကိုယ်စားလှယ်လောင်း ဦးစိုင်းအောင်ကြည်၊ မိုးကုတ်မြို့နယ်ပါတီဥက္ကဌ ဦးဘဌေးနှင့်
မြို့နယ်ပါတီကော်မတီဝင်များ၊ ပါတီဝင်များ လိုက်ပါခဲ့ကြသည်။