ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပါတီ၏မူဝါဒ သဘောထားလုပ်ငန်းစဉ်များတင်ပြခြင်း
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအတွင်းရေးမှူး ဦးပိုက်ထွေးက ပါတီ၏ မူဝါဒ၊ သဘောထား၊ လုပ်ငန်းစဉ်များကို စက်တင်ဘာလ ၈ ရက်နေ့ညပိုင်းတွင် ရေဒီယိုနှင့်ရုပ်မြင်သံကြားအစီအစဉ်များမှ ဟောပြောတင်ပြခဲ့ပါသည်။ အဆိုပါ ဟောပြောတင်ပြချက် အပြည့်အစုံမှာ အောက်ပါအတိုင်းဖြစ်ပါသည်။
ချစ်ခင်လေးစားအပ်ပါသော မဲဆန္ဒရှင်ပြည်သူများခင်ဗျား…
ကိုယ်စိတ်နှစ်ဖြာ ကျန်းမာချမ်းသာကြပါစေလို့ ဆုမွန်ကောင်း တောင်းရင်း မင်္ဂလာပါလို့ ဂါရဝပြုနှုတ်ခွန်းဆက်သအပ်ပါတယ်။ ကျွန်တော်ကတော့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟို အတွင်းရေးမှူး ဦးပိုက်ထွေးဖြစ်ပါတယ်။
ကျွန်တော်တို့ပါတီဟာ အမျိုးသားအကျိုးစီးပွားကို ဦးထိပ်ထားတဲ့ ပါတီဖြစ်သလို ဒီမိုကရေစီအရေးနဲ့ ပြည်သူ့အခွင့်အရေးများကို စည်း စနစ်ကျနစွာ အလေးထားဖော်ဆောင်ပြီး လူ့အခွင့်အရေး၊ တန်းတူညီ မျှရေး၊ တရားမျှတရေး၊ တရားဥပဒေစိုးမိုးရေးနဲ့ အမျိုးဂုဏ်၊ ဇာတိ ဂုဏ်တိုးတက်မြင့်မားရေးအတွက် ထိန်းသိမ်းစောင့်ရှောက်နေတဲ့ပါတီ လည်းဖြစ်ပါတယ်။ နိုင်ငံတော်နဲ့နိုင်ငံသားများရဲ့ အကျိုးစီးပွားကို ပိုမို ထိရောက်စွာ ဖော်ဆောင်လိုတဲ့အတွက် ”၂ဝ၁၈ခုနှစ် ကြားဖြတ်ရွေး ကောက်ပွဲ”မှာ ဝင်ရောက်ယှဉ်ပြိုင်ပြီး မဲဆန္ဒရှင်ပြည်သူများရဲ့ အဆုံး အဖြတ်ကို ဖြောင့်မတ်မှန်ကန်စွာ ခံယူသွားမှာဖြစ်ပါကြောင်း ဦးစွာ တင်ပြလိုပါတယ်။
မဲဆန္ဒရှင်ပြည်သူများခင်ဗျား…
ကျွန်တော်တို့ပါတီဟာ ဒီမိုကရေစီနိုင်ငံတော်သစ်တည်ဆောက်ရေး မှာ မှန်ကန်တဲ့မူဝါဒများနဲ့အညီ လက်ရှိအခြေအနေများနဲ့ လိုက်လျော ညီထွေရှိတဲ့ လုပ်ငန်းစဉ်များကို ယခင်ကရရှိခဲ့တဲ့ အတွေ့အကြုံကောင်း များအပေါ် အခြေခံပြီး ပြည်သူ့အကျိုးကို ကျရာနေရာက ထမ်းဆောင် နေတဲ့ပါတီဖြစ်ပါတယ်။ အမိနိုင်ငံတော်ကြီးအဓွန့်ရှည်တည်တံ့ခိုင်မြဲရေး၊ အချုပ်အခြာအာဏာ တည်တံ့ခိုင်မြဲရေးနဲ့ တိုင်းရင်းသားစည်းလုံး ညီညွတ်ရေးတို့ကို အမျိုးသားရေးတာဝန်အဖြစ် ခံယူပါတယ်။ အေးချမ်း သာယာပြီး ခေတ်မီဖွံ့ဖြိုးတိုးတက်တဲ့ ဒီမိုကရေစီနိုင်ငံတော်အဖြစ် အစဉ်ထာဝရရပ်တည်နိုင်ရေးအတွက် ပြည်သူတို့ရဲ့ဆန္ဒ သဘောထား များကို ဖြည့်ဆည်းဆောင်ရွက်ပေးဖို့ အသင့်ရှိနေပါတယ်။
ကျွန်တော်တို့ပါတီ နိုင်ငံတော်တာဝန်ယူခဲ့စဉ်အခါကလည်း နိုင်ငံ ရေး၊ စီးပွားရေး၊ လူမှုရေး၊ ငြိမ်းချမ်းရေး၊ တရားဥပဒေစိုးမိုးရေး၊ အချုပ်အခြာအာဏာတည်တံ့ခိုင်မြဲရေးနဲ့ ဒီမိုကရေစီရေးစတဲ့ကဏ္ဍအသီး သီးမှာ တိုးတက်မှုတွေရရှိအောင် ဆောင်ရွက်ပေးနိုင်ခဲ့တာကို ပြည်သူ အားလုံး သိရှိခံစားခဲ့ရပြီး ဖြစ်ပါတယ်။
မဲဆန္ဒရှင်ပြည်သူများခင်ဗျား…
ယနေ့အချိန်အခါဟာ ကျွန်တော်တို့ပါတီအစိုးရလက်ထက်က အုတ် မြစ်ချပေးခဲ့တဲ့ ဒီမိုကရေစီပြုပြင်ပြောင်းလဲမှုအဆင့်ဆင့် တိုးတက်ခိုင် မာရေး၊ ပြည်တွင်းငြိမ်းချမ်းရေး အကောင်အထည်ဖော်ဆောင်ရွက်မှု ဆက်လက်တိုးတက်ရေး၊ ပြည်သူများရဲ့ လူမှုစီးပွားဘဝ ပိုမိုမြှင့်တင် နိုင်ရေးတို့ကို မျက်ခြည်မပြတ်ဆောင်ရွက်ရမယ့် အချိန်ဖြစ်ပါတယ်။ ထို့အတူ နိုင်ငံတော်ရဲ့ အချုပ်အခြာအာဏာကို ထိပါးလာမယ့် ပြည်ပ စွက်ဖက်မှုများကိုလည်း စစ်မှန်တဲ့မျိုးချစ်စိတ်ဓာတ်အခြေခံအားတွေနဲ့ တွန်းလှန်ရမယ့်အချိန်ဖြစ်ပါတယ်။
ကျွန်တော်တို့ပါတီအနေနဲ့ မဲဆန္ဒရှင်ပြည်သူများနှင့်လက်တွဲပြီး စစ်မှန်တဲ့မျိုးချစ်စိတ်ဓာတ်ကိုအခြေခံတဲ့ ပြည်ထောင်စုစိတ်ဓာတ် ရှင်သန် ထက်မြက်ရေး၊ တိုင်းရင်းသားအားလုံးရဲ့ အမျိုးသားအကျိုးစီးပွား တိုးတက်ရေး၊ အနာဂတ်ဘဝသာယာဖြောင့်ဖြူးရေးတို့ကို အထူးအလေး ပေးဆောင်ရွက်လိုပါတယ်။ မဲဆန္ဒရှင်ပြည်သူများအနေဖြင့်လည်း နိုင်ငံ တော်ကြီး အဓွန့်ရှည်တည်တံ့ခိုင်မြဲရေးအတွက် အမျိုးသားရေးကို ရှေးရှု ပြီး ရွေးချယ်ပေးကြပါလို့ မေတ္တာရပ်ခံအပ်ပါတယ်။
မဲဆန္ဒရှင်ပြည်သူများခင်ဗျား…
ဖြတ်သန်းလာခဲ့တဲ့ မြန်မာ့နိုင်ငံရေးသမိုင်းကြောင်းတစ်လျှောက် မှာ ပြည်သူများအနေဖြင့် ပြည်သူ့အကျိုးသယ်ပိုးနိုင်မယ့်သူ၊ အမျိုး သားအကျိုးစီးပွား ဆောင်ရွက်နိုင်မယ့်သူများကိုသာ သုံးသပ်ဆုံးဖြတ် ပြီး ပြည်သူ့ကိုယ်စားလှယ်အဖြစ် ဆန္ဒမဲပေး ရွေးချယ်ခဲ့ကြခြင်းဖြစ် ပါတယ်။ ဒီလိုရွေးချယ်ရာမှာ လူမှန်နေရာမှန်ဖြစ်အောင် လူတော်လူ ကောင်းများကို ရွေးချယ်ပေးနိုင်မှသာ မိမိတို့ရဲ့ မျှော်လင့်ချက်များပြည့်ဝ နိုင်ပြီး မိမိတို့ရွေးချယ်မှုအတွက်လည်း အမြဲတမ်းဂုဏ်ယူနေနိုင်မှာ ဖြစ်ပါတယ်။ မဲဆန္ဒရှင်ပြည်သူများ ရွေးချယ်လိုက်တဲ့ကိုယ်စားလှယ် များဟာ ကိုယ်ကျင့်တရားကောင်းမွန်ပြီး သက်ဆိုင်ရာနယ်မြေဒေသရဲ့ အကျိုးကို အမှန်တကယ် ဆောင်ရွက်နိုင်စွမ်းရှိသူများ ဖြစ်ဖို့လိုပါတယ်။
ဒါကြောင့် ကိုယ်စားလှယ်လောင်းရွေးချယ်ရာမှာ ရွေးကောက်ပွဲ ဝင်မယ့် ကိုယ်စားလှယ်လောင်းရဲ့ အရည်အချင်းနဲ့ ကိုယ်စားပြုတဲ့ ပါတီရဲ့မူဝါဒများကို ဆန်းစစ်လေ့လာဖို့လိုပါတယ်။ အနာဂတ်ကာလ အတွက် ပစ္စုပ္ပန်နဲ့ အတိတ်ကာလဆောင်ရွက်ချက်များကိုလည်း နှိုင်း ယှဉ်လေ့လာသုံးသပ်ဖို့ လိုအပ်ပါတယ်။ မိမိဒေသအကျိုးကို မည်သည့် အဖွဲ့အစည်း၊ မည်သည့်ကိုယ်စားလှယ်က အပြောနဲ့မဟုတ်၊ လက်တွေ့ အကောင်အထည်ဖော်ဆောင်ရွက်ပေးနေတယ်ဆိုတာ ပြည်သူများ ကိုယ်တိုင်သိရှိခဲ့ကြပြီးဖြစ်ပါတယ်။ မဲဆန္ဒရှင်ပြည်သူများအနေဖြင့် စနစ် တစ်ခုနဲ့တစ်ခု၊အစိုးရတစ်ဖွဲ့နဲ့တစ်ဖွဲ့အတွင်း ပြောင်းလဲမှုများကိုနှိုင်းယှဉ် လေ့လာသုံးသပ်ပြီး ဆန္ဒ၊ဒေါသ၊ဘယာ၊မောဟဆိုတဲ့ ဂတိစွဲ၊ပုဂ္ဂိုလ်စွဲ ကင်းစွာဖြင့် ကိုယ့်နိုင်ငံတည်တံ့ခိုင်မြဲရေးနဲ့ ကိုယ့်နိုင်ငံသားအကျိုးစီးပွား ဖွံ့ဖြိုးတိုးတက်ရေးကို အကောင်းဆုံးသယ်ပိုးဆောင်ရွက်ပေးနိုင်မယ့် ကိုယ်စားလှယ်လောင်းများကိုသာ မှန်ကန်စွာ ရွေးချယ်ပေးကြပါလို့ မေတ္တာရပ်ခံအပ်ပါတယ်။
ကျွန်တော်တို့ပါတီအနေနဲ့ ပါတီရဲ့မှန်ကန်တဲ့မူဝါဒများကို မှတ် ကျောက်တင်ခံနိုင်သလို အကောင်အထည်ဖော်ဆောင်ရွက်ဖို့အတွက် လည်း မျိုးဆက်သစ်များနဲ့ပြင်ဆင်ဖွဲ့စည်းထားပြီးဖြစ်ပါတယ်။ ဒါ့အပြင် လုပ်နည်းလုပ်ဟန်၊ စဉ်းစားတွေးခေါ်မှုအသစ်များနဲ့ ပြည်သူ့အကျိုးကို စွမ်းစွမ်းတမံဆောင်ရွက်မယ့် အရည်အချင်းပြည့်ဝတဲ့ မျိုးဆက်သစ် ကိုယ်စားလှယ်လောင်းများကို ရွေးချယ်ထားပြီးဖြစ်ပါတယ်။
ပြည်သူကယုံကြည်လို့ ရွေးချယ်တာဝန်ပေးခဲ့တဲ့ ကျွန်တော်တို့ပါတီ ကိုယ်စားလှယ်များကလည်း လွှတ်တော်တွင်းမှာ ရှိတဲ့အင်အားနဲ့ ပြည်ပရဲ့ ဗိုလ်ကျစွက်ဖက်မှုကို ကာကွယ်နေကြပါတယ်။ နိုင်ငံသား မဟုတ်သူတွေနယ်မြေလုလာမှာကို တားဆီးနေကြပါတယ်။ ပြည်သူ့ စီးပွားဘဝအတွက် မတရားတဲ့ စီးပွားရေးပိတ်ဆို့မှုကို ရုပ်သိမ်းပေးဖို့ တောင်းဆိုတိုက်ပွဲဝင်နေကြပါတယ်။ ပြည်သူ့ဘဝလုံခြုံအေးချမ်းရေး အတွက် အကြမ်းဖက်မှုကို အမြစ်ဖြတ်ဖို့တောင်းဆိုနေကြပါတယ်။ အလားတူ ပါတီအနေဖြင့်လည်း လွှတ်တော်ပြင်ပကနေ ပြည်သူ့အကျိုး အတွက် ထောက်ပြပြောဆိုလျက်ရှိတဲ့အပြင် ပါတီရဲ့သဘောထား ကြေညာချက်များ ထုတ်ပြန်ပေးလျက်ရှိတာကိုလည်း ပြည်သူအားလုံး အသိဖြစ်ပါတယ်။
ယခုအခါ ကျွန်တော်တို့ပါတီရဲ့ဆောင်ရွက်ချက်များအပေါ် ပြည်သူ များ နားလည်သဘောပေါက်လာပြီး ကျွန်တော်တို့ပါတီကို ယုံကြည် အားကိုးမှုအပြည့်နဲ့ ပါတီဝင်အသစ်တွေ တိုင်းဒေသကြီးနဲ့ ပြည်နယ် အသီးသီးမှာ အများအပြားဝင်ရောက်လျက်ရှိပါတယ်။ ယခုလို ယုံကြည်အားပေးထောက်ခံမှုများကို လာမယ့်ရွေးကောက်ပွဲများဆီအထိ သယ်ဆောင်သွားနိုင်လိမ့်မယ်လို့ ယုံကြည်ပါတယ်။ ကျွန်တော်တို့ပါတီ အနေနဲ့ကတော့ နိုင်ငံတော်နဲ့ နိုင်ငံသားများရဲ့ အကျိုးစီးပွားအတွက် ဆိုလျှင်”မည်သည့်နိုင်ငံရေးပါတီ၊ အဖွဲ့အစည်း၊ လူပုဂ္ဂိုလ်များနှင့်မဆို လက်တွဲဆောင်ရွက်သွားဖို့အသင့်ရှိနေပါတယ်” ပြည်သူ့ကောင်းကျိုး သယ်ပိုးဆောင်ရွက်တဲ့နေရာမှာ ရန်သူမရှိ၊ မိတ်ဆွေသာရှိတယ်ဆိုတဲ့ စိတ်ဓာတ်ကိုကိုင်စွဲထားပါတယ်။ လုပ်အားပြိုင်ခြင်း၊ မျိုးချစ်စိတ် ပြိုင်ခြင်း၊ ပြည်သူ့အပေါ် သစ္စာ တရားပြိုင်ခြင်းတို့ဖြင့်သာ နည်း လမ်းတကျ ဆောင်ရွက်လျက်ရှိ ကြောင်း ထပ်လောင်းတင်ပြအပ် ပါတယ်။
မဲဆန္ဒရှင်ပြည်သူများခင်ဗျား…
ရွေးကောက်ပွဲဆိုတာ အနိုင်နဲ့အရှုံးဒွန်တွဲနေပါတယ်။ မည်သည့် ရလဒ်ပဲရပါစေ၊ ပြည်ခိုင်ဖြိုးပါတီကို ယုံကြည်စွာထောက်ခံပေးမယ့် မဲဆန္ဒရှင်ပြည်သူများကို ကြိုတင်ကျေးဇူးတင်ရှိပါတယ်။ ပြည်ခိုင်ဖြိုး ပါတီဟာ ပြည်သူတို့ရဲ့ယုံကြည်ထောက်ခံမှုနဲ့ ရှင်သန်နေတာဖြစ်လို့ နိုင်ငံတော်နဲ့ပြည်သူ့အနာဂတ်အတွက် ပိုမိုတိုးတက်ဖွံ့ဖြိုးအောင်ကြိုးပမ်း ဆောင်ရွက်သွားပါမယ်။ အမျိုးသားရေးကိုအစဉ်ထာဝရဦးထိပ်ထားတဲ့ ပါတီဖြစ်တဲ့အတွက်လည်း-
”ကမ္ဘာတည်သရွေ့ မြန်မာပြည်ရှိနေရပါမယ်
မြန်မာပြည်ရှိနေသရွေ့ ပြည်ခိုင်ဖြိုးပါတီရှိနေမှာဖြစ်သလို
ပြည်ခိုင်ဖြိုးပါတီရှိနေသမျှ
အမျိုးဂုဏ်၊ ဇာတိဂုဏ် မညှိုးနွမ်းစေရ
မြန်မာပြည်နယ်နိမိတ် မပြောင်းလဲစေရ
ပြည်ပနိုင်ငံများရဲ့ ဗိုလ်ကျစိုးမိုးမှုမခံစေရ”
လို့ လေးနက်စွာအာမခံပါတယ်။
ပြည်သူ့အတွက် စေတနာ၊ လုပ်အား၊ သစ္စာတရားနဲ့ အတွေ့အကြုံ ပြည့်ဝရင့်ကျက်တဲ့ ကျွန်တော်တို့ပါတီကို ယုံကြည်စွာပူးပေါင်းလက်တွဲ ကြပါရန် မေတ္တာရပ်ခံအပ်ပါတယ်။
ချစ်ခင်လေးစားအပ်ပါသော မဲဆန္ဒရှင် ပြည်သူများခင်ဗျား…
ရွေးကောက်ပွဲမှာပါဝင်ယှဉ်ပြိုင်ကြတဲ့ နိုင်ငံရေးပါတီများအနေနဲ့ ၄င်းတို့ရဲ့မူဝါဒများ၊ ရည်မှန်းချက်များ၊ စွမ်းဆောင်နိုင်မှုများကို ရွေးကောက်ပွဲ ကတိကဝတ်များအဖြစ် မဲဆန္ဒရှင်ပြည်သူများထံ ကြိုတင် အသိပေးအဆုံးအဖြတ်ခံယူလေ့ရှိပါတယ်။ ဒါ့ကြောင့် ကျွန်တော်တို့ လက်တွေ့ဆောင်ရွက်နိုင်တဲ့ကိစ္စများကိုသာ စိတ်ကောင်းစေတနာမှန်ဖြင့် ရိုးသားစွာကတိကဝတ်ပြုမှာဖြစ်ပါတယ်။
ကျွန်တော်တို့ပါတီအနေနဲ့-
အမျိုးသားရေးနဲ့ အမျိုးသားအကျိုးစီးပွား တိုးတက်ခိုင်မာရေး ဦးစားပေးဆောင်ရွက်သွားပါမယ်။
* လူမျိုး၊ ဘာသာ၊ ယဉ်ကျေးမှု၊ ဓလေ့ထုံးတမ်းများကို ဖွဲ့စည်းပုံ အခြေခံဥပဒေက ပေးအပ်ထားတဲ့အတိုင်း ရရှိခံစားစေရပါမယ်။
* ကျွန်တော်တို့ပါတီအစိုးရလက်ထက်က စတင်တည်ဆောက်ခဲ့တဲ့ ပြည်တွင်း ငြိမ်းချမ်းရေးဖော်ဆောင်မှု တိုးတက်အောင်မြင်အောင် ဆက်လက်ဆောင်ရွက်သွားပါမယ်။
* ဖက်ဒရယ်စနစ်ကိုအခြေခံတဲ့ပြည်ထောင်စုစနစ် ထူထောင်နိုင်ရေး ဆက်လက်ဆောင်ရွက်သွားပါမယ်။
* နိုင်ငံတော်ရဲ့ပိုင်နက်နယ်မြေ တစ်လက်မမျှ မည်သို့သောအကြောင်း ကြောင်းကြောင့်မျှ ဆုံးရှုံးလျော့ပါးခြင်းမရှိအောင် တာဝန်ယူဆောင် ရွက်သွားပါမယ်။
* စီးပွားရေး၊ ကျန်းမာရေး၊ ပညာရေးအပါအဝင်လူမှုစီးပွားဘဝ လက်ရှိ အခြေအနေထက်ပိုမိုကောင်းမွန်အောင်ဆောင်ရွက်ပေးသွားပါမယ်။
* လက်ရှိဆောင်ရွက်နေတဲ့ အခွန်အကောက်ဆိုင်ရာမူဝါဒများကို ပြန်လည်သုံးသပ်ဆောင်ရွက်သွားပါမယ်။
* ပြည်ထောင်စုဖွားတိုင်းရင်းသားများအားလုံးပိုင်ဆိုင်ကြတဲ့ မြန်မာ တို့ရဲ့မျိုးရိုးဂုဏ်သိက္ခာမြင့်မားတိုးတက်အောင် ဆောင်ရွက်သွားပါမယ်။
* အခြေခံဥပဒေကခွင့်ပြုထားတဲ့ နိုင်ငံသားများရဲ့ မူလအခွင့်အရေး များကို အပြည့်အဝခံစားနိုင်အောင် ဆောင်ရွက်သွားပါမယ်။
* လက်ရှိအခြေအနေထက်ပိုမိုကောင်းမွန်တဲ့ပြည်သူ့လုံခြုံရေး၊ တရား ဥပဒေစိုးမိုးရေးနဲ့ ဒေသတည်ငြိမ်အေးချမ်းရေးတို့ကို ကြိုးပမ်း ဆောင်ရွက်ပေးသွားပါ့မယ် လို့ ကတိကဝတ်ပြုရင်း…
”ပြည်သူ့အနာဂတ် ပိုမိုတောက်ပဖို့
ပြည်ခိုင်ဖြိုးနဲ့လက်တွဲစို့”
လို့ တိုက်တွန်းနှိုးဆော်လိုက်ပါတယ်။
အားလုံးကိုကျေးဇူးတင်ပါတယ်ခင်ဗျား။
