အိမ်ခြံမြေဈေးများ တက်လာ၍ နိုင်ငံခြားသားများကို အိမ်ရောင်းခွင့် နယူးဇီလန် ပိတ်ပင်
နိုင်ငံခြားသားများကို အိမ်ရာ ရောင်းချခွင့် တားမြစ်ရန် နယူးဇီလန် လွှတ်တော်က မဲခွဲ ဆုံးဖြတ်ခဲ့ကြောင်း သိရသည်။
ယင်းသည် နိုင်ငံအတွင်း၌ အိမ်ခြံမြေ ဈေးနှုန်းများ ကြီးမြင့်လာမှုကို တားဆီးပြီး ဈေးနှုန်း သင့်တင့်သည့် အခြေအနေကို ပြန်လည် ထိန်းညှိယူရန် ခြေလှမ်းတစ်ရပ်ဟု ဥပဒေပြု လွှတ်တော် အမတ်များက ပြောကြားခဲ့သည်။
အဆိုပါ သတ်မှတ်ချက်သည် နယူးဇီလန်တွင် အမြဲတမ်း နေထိုင်ခွင့် ရထားသည့် နိုင်ငံခြားသားများအပေါ် သက်ရောက်မည် မဟုတ်ချေ။ ထို့အပြင် နယူးဇီလန်နှင့် လွတ်လပ်စွာ ကုန်သွယ်ခွင့် စာချုပ်ထားသည့် ဩစတြေးလျနှင့် စင်ကာပူကဲ့သို့ နိုင်ငံများမှ နိုင်ငံသားများသည်လည်း ယင်းပိတ်ပင်မှုမှ ကင်းလွတ်ခွင့် ရမည် ဖြစ်သည်။
နယူးဇီလန်သည် ပြီးခဲ့သည့် နှစ်ပိုင်းများအတွင်း အိမ်ခြံမြေ ဈေးနှုန်းများ မြင့်တက်လာမှုကို အကျပ်အတည်း အခြေအနေ တစ်ရပ်သဖွယ် ရင်ဆိုင်လာရသည်။ နယူးဇီလန်တွင် နေအိမ် အခြေတကျ ဝယ်ယူလိုသော်လည်း လက်လှမ်းမမီနိုင်သူ အများအပြား ရှိလာသည်။
အိမ်ခြံမြေ ဈေးနှုန်းများ ထိန်းချုပ်ရေးအတွက် အမြဲတမ်း နေထိုင်ခွင့် ရမထားသည့် နိုင်ငံခြားသားများထံ အိမ်ရောင်းချခွင့် တားဆီးရန် လွှတ်တော်၌ အဆိုတင်ခဲ့ရာတွင် အကြိတ်အနယ် ငြင်းခုံမှုများ ရှိခဲ့ပြီး ၆၃ မဲ – ၅၇ မဲဖြင့် အနိုင်ရခဲ့ခြင်း ဖြစ်သည်။
သတ်မှတ်ချက် အသစ်အရ နိုင်ငံခြားသားများ အနေဖြင့် အိမ်နှင့် အဆောက်အအုံများ ဝယ်ယူခွင့်တွင် တားဆီး ပိတ်ပင်မှု အများအပြား ကြုံလာရသော်လည်း အိမ်ရာ စီမံကိန်း ပရောဂျက်ကြီးများတွင်မူ တိုက်ခန်းများ ဝယ်ယူရန် အတိုင်းအတာ တစ်ခုထိ ရင်းနှီးမြှုပ်နှံခွင့် ရရှိမည် ဖြစ်သည်။
နယူးဇီလန် ကုန်သွယ်ရေးနှင့် စီးပွားရေး ဖွံ့ဖြိုးမှု ဝန်ကြီး ဒေးဗစ်ပါကာကမူ ယခုအဆို အောင်မြင်မှုသည် အိမ်ခြံမြေ ဈေးနှုန်းများ ထိန်းညှိရာ၌ အရေးပါသည့် အလှည့်အပြောင်းတစ်ခု ဖြစ်လာမည်ဟု ဆိုသည်။
အဆိုကို ဆန့်ကျင်သည့် အတိုက်အခံ အင်အားစုများကမူ နိုင်ငံခြားသားများ အိမ်ဝယ်ခွင့် ပိတ်ပင်ခံရရုံနှင့် လက်ရှိ ပြဿနာများကို ဖြေရှင်းနိုင်မည် မဟုတ်ဟု ဝေဖန် ပြောဆိုထားကြသည်။
Ref: BBC
