တောင်-မြောက် ကိုရီးယား နှစ်နိုင်ငံ အပြန်အလှန် ယုံကြည်မှု ပိုမိုနက်ရှိုင်းအောင် ဆောင်ရွက်မည်ဖြစ်ကြောင်း တောင်ကိုရီးယားနိုင်ငံ သမ္မတ ပြောကြား
ဆိုးလ် ၊ သြဂုတ် ၁၆
တောင်ကိုရီးယားနိုင်ငံ သမ္မတ မွန်ဂျေအင် က သြဂုတ်လ ၁၅ ရက် ၌ ကျင်းပပြုလုပ်သည့် အမျိုးသား လွတ်မြောက်ရေးနေ့ အထိမ်းအမှတ် အခမ်းအနားတွင် တောင်-မြောက် ကိုရီးယား နှစ်နိုင်ငံ အပြန်အလှန် ယုံကြည်မှု ပိုမိုနက်ရှိုင်းအောင် ဆောင်ရွက်မည် ဖြစ်ပြီး ကိုရီးယား ကျွန်းဆွယ် ဘက်စုံ နျူကလီးယား ကင်းစင်ရေး နှင့် ငြိမ်းချမ်းရေး တရားဝင် တည်ဆောက်ပြီးချိန်တွင် မြောက်ကိုရီးယား နိုင်ငံ နှင့် စီးပွားရေး ပူးပေါင်းဆောင်ရွက်မှု စတင်မည် ဖြစ်ကြောင်း ပြောကြား ခဲ့သည်။
မွန်ဂျေအင် က ကိုရီးယား ကျွန်းဆွယ် နိုင်ငံရေးအရ ပေါင်းစည်းမှု က ခရီးဝေး အား လျှောက်လှမ်း ရမည် ဖြစ်ပြီး တောင်-မြောက် ကိုရီးယား ထာဝရ ငြိမ်းချမ်းရေး ဖော်ဆောင် ရမည် ဖြစ်ကြောင်း ၊ လွတ်လပ်စွာ သွားလာရေး နှင့် စီးပွားရေး အသိုက်အဝန်း တည်ဆောက်ပြီးချိန်မှ ခွဲထွက်မှုကြောင့် ပေါ်ပေါက်လာသည့် အခက်အခဲများကို ဖြေရှင်းနိုင်မည် ဖြစ်ပြီး စစ်မှန်သည့် လွတ်မြောက်ခြင်း ကို ရရှိနိုင်မည် ဖြစ်ကြောင်း ပြောကြား ခဲ့သည်။
မွန်ဂျေအင် က စက်တင်ဘာလတွင် ပြုံယမ်း မြို့၌ နှစ်နိုင်ငံ ထိပ်သီး အစည်းအဝေး တစ်ရပ် ကျင်းပရန် အကြံပြု ခဲ့ပြီး နှစ်နိုင်ငံ အပြန်အလှန် ယုံကြည်မှု တိုးမြှင့်အောင် ဆောင်ရွက်မည်ဖြစ်ကြောင်း ကတိပြုခဲ့သည်။ ထို့ပြင် မွန်ဂျေအင် က တောင်-မြောက်ကိုရီးယား ဆက်ဆံရေး ဖွံ့ဖြိုးတိုးတက်လာခြင်းသည် မြောက်ကိုရီးယားနှင့် အမေရိကန်နိုင်ငံ အကြား ဆက်ဆံရေး ပြေလည်လာခြင်းကြောင့် ဖြစ်တည်လာခြင်း မဟုတ်ဘဲ ကိုရီးယား ကျွန်းဆွယ် နျူကလီးယား ကင်းစင်ရေး ကို တွန်းအားပေး ဆောင်ရွက်ခြင်းကြောင့် ဖြစ်ကြောင်း ပြောကြားခဲ့သည်။
၁၉၄၅ ခုနှစ် သြဂုတ်လ ၁၅ ရက်တွင် ကိုရီးယား ကျွန်းဆွယ်က ဂျပန် နိုင်ငံ ၏ အုပ်ချုပ်မှုအောက် မှ လွတ်မြောက် နိုင်ခဲ့ခြင်းဖြစ်ပြီး တောင်ကိုရီးယားနိုင်ငံကလည်း ယင်းနေ့အား လွတ်မြောက်ရေးနေ့အဖြစ် သတ်မှတ်ခဲ့ပြီး နှစ်စဉ် အထိမ်းအမှတ် အခမ်းအနား ကျင်းပလေ့ရှိကြောင်း သိရှိရသည်။
(Xinhua)
