ရခိုင်အရေး လွတ်လပ်သော စုံစမ်းစစ်ဆေးရေးကော်မရှင်ကို လုပ်ပိုင်ခွင့်ကျယ်ပြန့်စွာပေးမည်ဟု ဒေါ်အောင်ဆန်း စုကြည် ပြောကြား
ရခိုင်ပြည်နယ်ဆိုင်ရာ လွတ်လပ်သော စုံစမ်းစစ် ဆေးရေးကော်မရှင်ကို လုပ်ပိုင် ခွင့်ကျယ်ပြန့်စွာ ပေးထားမည်ဖြစ် ကြောင်း နိုင်ငံတော်၏ အတိုင်ပင် ခံပုဂ္ဂိုလ် ဒေါ်အောင်ဆန်းစုကြည်က ဩဂုတ် ၆ ရက်တွင် ပြောကြားသည်။ နေပြည်တော်ရှိ နိုင်ငံခြားရေးဝန်ကြီးဌာန၌ ဂျပန်နိုင်ငံခြားရေးဝန်ကြီးနှင့် ပူးတွဲပြုလုပ်သော သတင်းစာရှင်းလင်းပွဲ တွင် နိုင်ငံ တော်၏ အတိုင်ပင်ခံပုဂ္ဂိုလ်က ယင်းသို့ ထည့်သွင်းပြောကြားသည်။
‘‘ကျွန်မတို့ အခုစုံစမ်းစစ်ဆေးရေးကော်မရှင်အနေနဲ့တော့ သူတို့ရဲ့ လုပ်ပိုင်ခွင့်ကို ကျယ်ကျယ်ပြန့်ပြန့် ပေးထား မှာပါ။ စုံစမ်းစစ်ဆေးရေးကော်မရှင်မှာပါတဲ့ အဖွဲ့ဝင်များကလည်း အရည်အချင်း ပြည့်စုံတယ်လို့ ကျွန်မထင်ပါ တယ်။ ဂျပန်နိုင်ငံရော၊ တခြားမိတ်ဆွေနိုင်ငံများက လိုအပ်လို့ရှိရင်တော့ နည်းပညာပိုင်းဆိုင်ရာ အထောက်အကူ ပေးမယ်လို့ ကျွန်မတို့ထင်ပါတယ်’’ဟု ၎င်းကပြောသည်။ ဂျပန်အစိုးရသည် ရခိုင်ပြည် နယ်အရေးကို ရှုပ်ထွေးနက်နဲ သည့် ကိစ္စတစ်ခုအဖြစ် ရှုမြင်ထားပြီး ယင်းပြဿနာများ ဖြေရှင်းရာတွင် မြန်မာအစိုးရနှင့်အတူ စဉ်းစားသုံးသပ် ဆောင်ရွက်မည် ဖြစ်ကြောင်း နိုင်ငံခြားရေးဝန်ကြီး မစ္စတာတာရိုကိုနိုက နေပြည်တော် သတင်းစာရှင်းလင်းပွဲ၌ ပြောသည်။
ရခိုင်အရေးနှင့်ပတ်သက်၍ လွတ်လပ်သည့် စုံစမ်းစစ်ဆေး ရေးကော်မရှင်ဖွဲ့စည်းရန်၊ ကုလ သမဂ္ဂနှင့် ပူးပေါင်း၍ နားလည်မှုစာချွန်လွှာများ လက်မှတ်ရေးထိုးရန် ဂျပန်အစိုးရက တောင်းဆို အကြံပြုခဲ့ကြောင်းနှင့် မြန်မာအစိုးရက လည်း လက်တွေ့ ဆောင်ရွက်သဖြင့် တန်ဖိုးထားကြောင်း တာရိုကိုနိုက ထောက်ခံပြောကြားသည်။ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်က ‘‘အခုဆိုလို့ရှိရင် တစ်ကမ္ဘာလုံးက စိတ်ဝင်စားနေတဲ့ ရခိုင်အရေးကို လည်း ပွင့်ပွင့်လင်းလင်း ဆွေးနွေးနိုင်ခဲ့ပါတယ်။ ဒီလိုဆွေးနွေးတဲ့ အခါမှာ ဂျပန်နိုင်ငံကမိတ်ဆွေ တစ်ယောက် အနေနဲ့ ဘယ်လိုကူညီရမလဲ၊ ဘယ်လိုပြဿနာကို ဖြေရှင်းရမလဲဆိုတာကို အဓိကထား ချဉ်းကပ်တဲ့အတွက် ကျွန်မတို့ အင်မတန်မှ တန်ဖိုးထားပါတယ်’’ဟု ပြောကြားသည်။ ရခိုင်ပြည်နယ်တစ်ခုလုံး၏ တည်ငြိမ်မှု၊ ငြိမ်းချမ်းမှု၊ ဖွံ့ဖြိုးတိုး တက်မှုများသည် မြန်မာ့ဒီမိုကရေ စီထူထောင်ရေးတွင် လွန်စွာအရေးကြီးကြောင်းနှင့် ဒေါ်အောင်ဆန်း စုကြည်ဦးဆောင်သည့် အစိုးရ၏ ဆောင်ရွက်ချက်များကို တတ်နိုင်သရွေ့ ကူညီထောက်ပံ့မည်ဖြစ်ကြောင်း ဂျပန် နိုင်ငံခြားရေးဝန်ကြီးက ပြောသည်။
ရခိုင်ပြည်နယ်မြောက်ပိုင်းရှိ နှစ်ဖက်အသိုင်းအဝိုင်းများ၏ လူ့အခွင့်အရေး၊ လူသားချင်းစာနာ ထောက်ထားမှု သာမက ပြည်နယ်တစ်ခုလုံး၏ ဆင်းရဲနွမ်းပါးမှု လျှော့ချရန် လိုအပ်ကြောင်းနှင့် ဒေါ်အောင်ဆန်းစုကြည်က ယင်းကိစ္စရပ်များကို ခိုင်မာစွာ ဆောင်ရွက်နေသည့် အခြေအနေတွင်ရှိကြောင်း တာရိုကိုနိုကယုံကြည်သည်။ ‘‘ဒီလို ဆောင်ရွက်နေတဲ့အချိန်မှာ ပိုပြီးတော့ မြန်မြန် ဆန်ဆန်လုပ်ရမယ်ဆိုတဲ့ အသံပဲကြားပါတယ်။ သို့သော် လူ့အသိုင်း အဝိုင်းနှစ်ခုအကြား ပြေလည်မှုရရှိရေး အကောင်အထည်ဖော်ဖို့ ခိုင်ခိုင် မာမာ နှစ်ရှည်လများ ဆောင်ရွက် သွားဖို့ လိုအပ်တဲ့ ကိစ္စလည်းရှိပါတယ်’’ဟု ၎င်းက ဆိုသည်။
သို့ရာတွင် ရခိုင်ပြည်နယ် မြောက်ပိုင်းမှ နေရပ်စွန့်ခွာသူများကို ပြန်လည်လက်ခံရေးလုပ်ငန်းစဉ်နှင့် ပြန်လည် နေရာ ချထားရေးကို မြန်မာအစိုးရက သေချာစွာ ဖြည့်ဆည်း ဆောင်ရွက်စေလို ကြောင်း ဂျပန်နိုင်ငံခြားရေးဝန် ကြီးက တိုက်တွန်းပြောကြား သည်။ နိုင်ငံတော်၏ အတိုင်ပင်ခံ ပုဂ္ဂိုလ်နှင့် ဂျပန်နိုင်ငံခြားရေးဝန် ကြီးတို့ တွေ့ဆုံစဉ် ဂျပန်နိုင်ငံ၏ အကူအညီဖြင့် အကောင်အထည် ဖော်ဆောင်ရွက်နေသည့် ရန်ကုန် မြို့ပတ်ရထားလမ်း အဆင့်မြှင့် တင်ရေးနှင့် ရန်ကုန်မြို့အတွင်း လျှပ်စစ်ဓာတ်အား အလုံအလောက်ရရှိရေး ဆောင်ရွက်မည့်ကိစ္စရပ်များ ဆွေးနွေး ခဲ့သည် ဟု နိုင်ငံခြားရေးဝန်ကြီးဌာနက သတင်းထုတ်ပြန်သည်။
ထို့အပြင် ရခိုင်ပြည်နယ် ဖွံ့ဖြိုးတိုးတက်ရေး၊ လမ်းပန်း ဆက်သွယ်ရေးနှင့် လျှပ်စစ်ဓာတ် အားရရှိရေး ဂျပန်နိုင်ငံ ပံ့ပိုးမှုဖြင့်ဆောင်ရွက်နေသည့် ကိစ္စများ ဆွေးနွေးခဲ့ကြောင်း ထုတ်ပြန်ချက်၌ ဆက်လက်ဖော်ပြသည်။ နိုင်ငံတော် သမ္မတရုံးသည် ရခိုင်ပြည်နယ်အတွင်း ပြန်လည် သင့်မြတ်ရေး၊ တည်ငြိမ်အေးချမ်း ရေးနှင့် ဖွံ့ဖြိုးရေးဆောင်ရွက် ရာတွင် အမျိုးသားရေးအစီအစဉ် တစ်ရပ်အနေဖြင့် လွတ်လပ်သော စုံစမ်းစစ်ဆေးရေး ကော်မရှင်တစ်ရပ် ဖွဲ့စည်းရန် ဆုံးဖြတ်ပြီးဖြစ်ကြောင်း မေလ ၃၁ ရက်စွဲဖြင့် ထုတ်ပြန်ကြေညာပြီး နှစ်လခန့် အကြာ ဇူလိုင် ၃၀ ရက်တွင် ယင်း ကော်မရှင်ကို ဖွဲ့စည်းခဲ့သည်။
ကော်မရှင်တွင် အဖွဲ့ဝင် လေးဦးပါဝင်ပြီး ဖိလစ်ပိုင်ဒုတိယ နိုင်ငံခြားရေးဝန်ကြီးဟောင်း သံအမတ်ကြီး ရိုဆာရီကို မယ်နာလိုက ဦးဆောင်မည်ဖြစ်ကာ ဂျပန် သံအမတ်ကြီး ကင်ဇိုအိုရှိးမား၊ နိုင်ငံတော် ဖွဲ့စည်းပုံအခြေခံ ဥပဒေဆိုင်ရာ ခုံရုံးဥက္ကဋ္ဌဟောင်း ဦးမြသိန်းနှင့် ပါမောက္ခဒေါက်တာ အောင်ထွန်းသက်တို့ ပါဝင်သည်။
