မိတ္ထီလာမြို့ လေဘေးသင့်ပြည်သူများကို မြို့နယ်ပြည်ခိုင်ဖြိုးပါတီ လှူဒါန်း
မိတ္ထီလာ သြဂုတ် ၂
မိတ္ထီလာမြို့ ဝန်ဇင်းရပ်ကွက် နယ်မြေ ၁၃၊ ၁၆ တို့တွင် ယမန်နေ့ ညနေ ၆ နာရီ ၁၅ မိနစ်တွင် လေဆင်နှာမောင်းအဖျားတိုက်ခတ် မှုကြောင့် နေအိမ်များ၊ လျှပ်စစ် မီးတိုင်များ၊ သစ်ပင်များ ကျိုးကျ သွားခဲ့ကြောင်း သိရသည်။
အဆိုပါ လေဘေးသင့်ပြည်သူ များနှင့် လုပ်အားပေးရှင်းလင်းနေ သောတပ်မတော်သားများ၊ရဲတပ်ဖွဲ့ ဝင်များ၊ မီးသတ်တပ်ဖွဲ့၊ လျှပ်စစ် ဝန်ထမ်းများ၊ လူမှုရေးအသင်းအဖွဲ့ များထံသို့မိတ္ထီလာမြို့ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီမှမြို့နယ် ပါတီဥက္ကဋ္ဌ ဦးမျိုးလွင်၊ အတွင်း ရေးမှူး ဦးချစ်ထွေး၊ မြို့နယ်ကော် မတီဝင်များ ပါတီရပ်/ကျေးဥက္ကဋ္ဌ များက မုန့်များ၊ အအေးများနှင့် သွားရောက်အားပေးကူညီကြသည်။
လေဘေးသင့်၍ ပျက်စီးသွား သောနေအိမ်များအတွက်ပြည်ခိုင် ဖြိုးပါတီလွှတ်တော်ကိုယ်စားလှယ် များက အလှူငွေ တစ်သိန်းကျပ် လှူဒါန်းသည်။ လေဘေးသင့်၍ ပျက်စီးနေမှုများကိုယနေ့တွင်တာဝန် ရှိသူများ လာရောက်ကြည့်ရှု၍ မိတ္ထီလာမြို့ မီးသတ်တပ်ဖွဲ့ဝင်များ၊ ရဲတပ်ရင်း(၃၅)မှတပ်ဖွဲ့ဝင်များ၊တပ် မတော်သားများ၊လူမှုရေးအသင်း အဖွဲ့များက ဝိုင်းဝန်းရှင်းလင်းခြင်း၊ လျှပ်စစ်ဝန်ထမ်းများကလည်း လျှပ်စစ်မီးအမြန် ပြန်လည်ရရှိရေး အတွက်အချိန်နှင့်တစ်ပြေးညီဆောင် ရွက်လျက်ရှိသည်။
ဆက်လက်၍ ပြည်ခိုင်ဖြိုး ပါတီဥက္ကဋ္ဌ ဦးမျိုးလွင်နှင့်အဖွဲ့ သည်နေအိမ်ပြိုကျပိမိသောဝန်ဇင်း ရပ်ကွက်မှဒေါ်ဌေးရီသည် မိတ္ထီလာ မြို့ပြည်သူ့ဆေးရုံတွင် တက်ရောက် ကုသနေမှုများအား သွားရောက် အားပေးစကားပြောကြားပြီး မုန့်၊ အအေးနှင့်ငွေနှစ်သောင်းကျပ် အား သွားရောက်ကူညီကြသည်။
ထို့အပြင် ၂ဝ၁၇-၂ဝ၁၈ တက္က သိုလ်ဝင်တန်းတွင် ဂုဏ်ထူးနှစ် ဘာသာပါရှိသော ပြည်ခိုင်ဖြိုးပါတီ အမှုဆောင်၏သားဖြစ်သူမောင်စော ရန်နိုင်အားမန္တလေးတိုင်းဒေသကြီး ပြည်ခိုင်ဖြိုးပါတီမှ ချီးမြှင့်သော ဂုဏ်ပြုဆုငွေကို ပေးအပ်ခဲ့သည်။
စိုးလှိုင်(ထီလာ)
