တွဲဖက်ရွှေကျင်သာသနာပိုင်ကြီး၏ဈာပနအတွက် မန္တလေးတိုင်းဒေသကြီးပြည်ခိုင်ဖြိုးပါတီမှ အလှူငွေများလှူဒါန်း
(၂၃.၆.၂၀၁၈)ရက်နေ့ နံနက်ပိုင်းက ဘဝနတ်ထံပျံလွန်တော်မူခဲ့သော မဟာအောင်မြေမြို့နယ် မဟာဝိသုဒ္ဓါရုံတိုက်သစ် မတ္တရာသူဌေးကျောင်းဆရာတော် ရွှေကျင်နိကာယ ဥပဥက္ကဌ တွဲဖက်ရွှေကျင်သာသနာပိုင် အဂ္ဂမဟာပဏ္ဍိတ အဂ္ဂမဟာဂန္တဝါစကပဏ္ဍိတ ဘဒ္ဒန္တမာနိတသီရိဘိဝံသ၏ရုပ်ကလာပ်အား (၂၅-၆-၂၀၁၈) ရက်နေ့ (၁၁း၀၀)အချိန်တွင်မန္တလေးတိုင်းဒေသကြီးပြည်ခိုင်ဖြိုးပါတီဥက္ကဌ ဦးဝင်းမောင် တိုင်းဒေသကြီးပါတီကော်မတီဝင် ဦးမျိုးမြင့်၊ ဦးကျော်စန်း၊ မဟာအောင်မြေမြို့နယ်ပါတီအဖွဲ့တို့မှ သွားရောက်ဖူးမျှော်ကန်တော့ပြီး အန္တိမဈာပနအတွက် တိုင်းဒေသကြီးပါတီမှအလှူငွေ(၃)သိန်းကျပ်လှူဒါန်းခဲ့ပါသည်။