မြန်မာနဲ့ ရေးထိုးတဲ့ MoU ဘင်္ဂလားဒေ့ရ်ှကို ကုလရှင်းပြ
ရိုဟင်ဂျာ ဒုက္ခသည်တွေ သူတို့ နေရပ်ရင်းကို ဂုဏ်သိက္ခာ ရှိရှိ လုံလုံခြုံခြုံ ပြန်နိုင်မယ့် အခြေနေတွေ ဖန်တီးပေးဖို့ ကုလသမဂ္ဂအဖွဲ့စည်း နှစ်ခုနဲ့ မြန်မာတို့ကြား မကြာသေးခင်ကမှရရှိခဲ့တဲ့ နားလည်မှု စာချွန်လွှာ MoU ပါ သဘောတူညီမှုတွေနဲ့ ပတ်သက်ပြီး ကုလသမဂ္ဂ ဒုက္ခသည်များ ဆိုင်ရာအဖွဲ့ UNHCR က ဘင်္ဂလားဒေ့ရှ် အစိုးရကို အကြမ်းဖျင်း ရှင်းလင်းပြောပြခဲ့တယ်လို့ ဘင်္ဂလားဒေ့ရှ် ကလာတဲ့ သတင်းတွေမှာ ဖေါ်ပြပါတယ်။
UNHCR ရဲ့ ဘင်္ဂလားဒေ့ရှ် နိုင်ငံဆိုင်ရာဌာနေကိုယ်စားလှယ်လည်း ဖြစ် တောင်အာရှဒေသဆိုင်ရာ အကြီးအကဲ လည်း ဖြစ်တဲ့ James Lynch ဟာ အင်္ဂါနေ့က ဘင်္ဂလားဒေ့ရှ် နိုင်ငံခြားရေးဝန်ကြီး Md Shahriar Alam နဲ့ ဝန်ကြီးရဲ့ လွှတ်တော်ရုံးမှာ တွေ့ဆုံပြီး နားလည်မှုစာချွန်လွှာ MoU ကို အကြမ်းဖျင်းရှင်းပြခဲ့တာပါ။ ကုလသမဂ္ဂအဖွဲ့အစည်း ၂ခု ဖြစ်တဲ့ UNHCR နဲ့ ကုလသမဂ္ဂဖွံ့ဖြိုးရေး UNDP တို့နဲ့ မြန်မာအစိုးရတို့ကြား နေပြည်တော်မှာ မေလ ၃၁ ရက်နေ့က ၃ ပွင့်ဆိုင် နားလည်မှု စာချွန်လွှာကို လက်မှတ်ရေးထိုးခဲ့တာပါ။
ဒါဟာ ဘင်္ဂလားဒေ့ရှ် နိုင်ငံ ကော့ဇက်ဘဇား မှာ ရောက်နေတဲ့ ရိုဟင်ဂျာမူစလင်တွေ နေရပ်ရင်းကို ဂုဏ်သိက္ခာရှိရှိ လုံခြုံ စိတ်ချစွာ ရေရှည် ပြန်နိုင်ရေးအတွက် အခြေနေကောင်းတွေ ဖန်တီးပေးဖို့ ရည်ရွယ်ပြီး ပူးပေါင်းဆောင်ရွက်ဖို့ မူဘောင်ကို ချမှတ်နိုင်ခဲ့တာ ဖြစ်ပါတယ်။ အခုလို နားလည်မှု စာချွန်လွှာလက်မှတ်ရေးထိုး နိုင်ခဲ့တာအတွက် အမေရိကန် ပြည်ထောင်စုက ကြိုဆိုလိုက်ပါတယ်။ ပြီးခဲ့တဲ့နှစ် သြဂုတ်လ ကစပြီး ဗုဒ္ဓဘာသာဝင် အများစုနေထိုင်တဲ့ မြန်မာနိုင်ငံကနေ သူတို့ကိုယ် သူတို့ ရိုဟင်ဂျာလို့ ခေါ်တဲ့ မူစလင် ၇ သိန်း လောက် ဘင်္ဂလားဒေ့ရ်ှဘက် ထွက်ပြေးကြတာ ဖြစ်ပြီး သူတို့ နေရပ်ပြန်ရေးအတွက် ဘင်္ဂလားဒေ့ရ်ှဘက်က UNHCR နဲ့ရော UNDP နဲ့ပါ လက်တွဲလုပ်ဆောင်နေတာ ဖြစ်ပါတယ်။
ဗွီအိုအေ (မြန်မာပိုင်း)
