မြန်မာနိုင်ငံသည် ပြည်ပသြဇာခံနိုင်ငံမဟုတ်ပါ
ပြည်ပနိုင်ငံများက အမိန့်ပေးတိုင်း လိုက်လုပ်ရမည်ဟူသော ဥပဒေ၊ မည်သည့် နိုင်ငံတွင်မှ ‘ရှိ’မည် မထင်ပါ။ စစ်ရှုံးနိုင်ငံကို စစ်နိုင်နိုင်ငံက အမိန့်ပေး သော ထုံးစံအားဖြင့်ရှိပါသည်။ ကျွန်နိုင်ငံဖြစ်သောကြောင့် အပေးခံရခြင်းဖြစ်ပါသည်။ ပထမအကြိမ်၊ ဒုတိယအကြိမ်၊ တတိယအကြိမ် အင်္ဂလိပ် – မြန်မာ စစ်ပွဲများအပြီး စစ်နိုင်သူနယ်ချဲ့က စစ်ရှုံးသူ မြန်မာနိုင်ငံကို အမိန့်ပေးကျွန်ပြု အုပ်ချုပ်သွားခြင်းကို မမေ့သင့်ကြပါ။ ဒုတိယကမ္ဘာစစ်ရှုံးနိုင်ငံများကိုလည်း စစ်နိုင်သူများက ဗိုလ်ကျခဲ့သည်ချည်းဖြစ်ပါ၏။ ယနေ့အချိန်တွင် မြန်မာနိုင်ငံ သည် စစ်ရှုံးနိုင်ငံမဟုတ်ဘဲ လွတ်လပ်သောနိုင်ငံတစ်ခုသာဖြစ်ပါသည်။ မည်သည့်နိုင်ငံ၏ သြဇာခံနိုင်ငံတစ်နိုင်ငံမဟုတ်သည်ကို ကမ္ဘာကသိပါသည်။
ကုလသမဂ္ဂဥရောပအရှေ့အလယ်ပိုင်းအုပ်စုများက ကျေနပ်မှုတစ်စုံတစ်ရာ ရမှ ရခိုင်ကိစ္စပြေလည်သွားမည်ဟု ယုံကြည်နေသော နိုင်ငံတကာပညာတတ်များ၊ မြန်မာပညာတတ်များ များစွာရှိနေသည်။ အစိုးရကိုယ်တိုင် ထိုသို့သော သဘောတရားခံယူထားကြောင်း လက်တွေ့လုပ်ရပ်ဖြစ်ရပ်များက အဓိပ္ပာယ် ဖော်နေသည်။
သို့သော် ကုလသမဂ္ဂတွင် အဆင့်မြင့်ဝန်ထမ်းအရာရှိကြီးအဖြစ် နှစ်ပေါင်း သုံးဆယ်ကျော်လုပ်ခဲ့သော မြန်မာအမျိုးသမီးပညာရှင်တစ်ဦးက အလေးအနက် ထောက်ပြသည်မှာ ကမ္ဘာပေါ်ကကုလသမဂ္ဂဝင်စွက်ဖက်ခံရသောနိုင်ငံမှန်သမျှ ပြိုကွဲပျက်စီးကြရကြောင်း ထင်ရှားသော သာဓကများရှိခဲ့သည်။ အင်အားကြီး နိုင်ငံများ ဝင်ရှုပ်သောကြောင့် ယူဂိုဆလတ်၊ ဆိုဗီယက်ရုရှား၊ အီရတ်၊ ဆီး ရီးယား၊ အာဖဂန်နစ္စတန်၊ အရှေ့အလယ်ပိုင်းတို့တွင် ဗုံးအမြောက်ဆန် ဒုံးပျံ၊ ဒုံးကျည်များ ပလူပျံကာ သွေးပင်လယ်ချောင်းစီးခဲ့သည်။ ပြည်သူလူထုများ ဒုက္ခကြီးစွာရောက်ခဲ့ကြရသည်။ ဤသည်ကို အသိဖြင့် သတိရှိကြဖို့လိုသည်။
ထိုအခါ ဖိလစ်ပိုင်သမ္မတကဲ့သို့ ၄င်းအုပ်စုများကို ခါးခါးတူးတူး၊ စူးစူး ဝါးဝါး၊ ခပ်ကြမ်းကြမ်းဆန့်ကျင်သော ပုဂ္ဂိုလ်များ သဘာဝကျစွာ ပေါ်လာရ ပါသည်။ ‘လှံထက်၍ ဒိုင်းထူရ’သော ဇာတ်လမ်းဖြစ်ပါသည်။
အမေရိကန်ပြည်ထောင်စုက မြန်မာနိုင်ငံဆိုင်ရာဥပဒေ ၂ဝ၁၈ (BURMA ACT OF 2018) ဟု လုပ်ချလိုက်သည်။ မြန်မာ့သယံဇာတကိစ္စကို သွားရည် ကျပြီး ဝင်ရောက်စွက်ဖက်ဆရာလုပ် အမိန့်ပေးညွှန်ကြားခြင်းဖြစ်သည်။
အချုပ်အခြာအာဏာထိပါးမှုဖြစ်၍ အမျိုးဘာသာသာသနာကို ရိုးသားစွာ ကာကွယ်စောင့်ထိန်းသူများက ပြင်းထန်စွာကန့်ကွက်ပယ်ချလိုက်သည်။ အစိုးရ ကိုလည်း နိုင်ငံတော်ဂုဏ်သိက္ခာနှင့် ရေရှည်အကျိုးစီးပွား ရှေးရှု၍ ပြတ်သားစွာ ကန့်ကွက်ပယ်ချရန် တောင်းဆိုလိုက်သည်။
တစ်ဖန် မေလ ၃၁ ရက် နိုင်ငံတော်သမ္မတရုံး ထုတ်ပြန်ချက်အရ လွတ်လပ်သောစုံစမ်းစစ်ဆေးရေး ကော်မရှင်တစ်ခုကို ထပ်မံဖွဲ့စည်းသွားရန်ရှိဟု ဆိုသည်။ အကြံပေးအဖွဲ့၏ ကြားဖြတ်အကြံပြုချက်များကို ထည့်သွင်းစဉ်းစား၊ ဆုံးဖြတ်လိုက်ခြင်းဟုဆိုသည်။ အာဆာအကြမ်းဖက်အဖွဲ့၏ အကြမ်းဖက်မှုအပြီး လူ့အခွင့်အရေးချိုးဖောက်မှုများကို စုံစမ်းစစ်ဆေးမည်ဟုဆိုသည်။ နိုင်ငံတကာမှ ပုဂ္ဂိုလ်ကြီးတစ်ဦးပါသည်ဟုဆိုသည်။ အဖွဲ့ဝင်သုံးဦးပါသည်။ ပြည်တွင်းနှင့် နိုင်ငံတကာမှ ဥပဒေ၊ နည်းပညာများပံ့ပိုးမည်ဟု ဆိုထားသည်။ မြန်မာနိုင်ငံ၊ မြန်မာ့တာဝန်ရှိအပိုင်းမှ အားလုံးစစ်ဆေးပြီးဖြစ်ရာ မည်သည့်အကြောင်းနှင့်မှ နောက်ထပ် ကော်မရှင်ဖွဲ့ရန် မလိုအပ်ကြောင်း ထင်ရှားပြီးဖြစ်သည်။
ယင်းသည် ကုလသမဂ္ဂအပါအဝင် ပြည်ပနိုင်ငံများကပေးသော အမိန့် သြဇာအတိုင်း လိုက်လံဆောင်ရွက်နေခြင်းသာဖြစ်ပေသည်။ နိုင်ငံခြားသား ကမြန်မာ့အရေးတွင် မည်မျှရိုးသားမှု၊ နားလည်မှုနှင့်ပါဝင်လာသနည်း။ သို့ မဟုတ် ထိုသူများသည် သူနိုင်ငံ၏ ကိုယ်ကျိုးစီးပွားကို သွယ်ဝိုက်သည့်နည်းဖြင့် ကာကွယ်နေသည်ကိုသိဖို့လိုပါသည်။အာဆာကိုဘာကြောင့် မစစ်ဆေးသနည်း။ မြန်မာနှင့်မြန်မာအစိုးရ၊ တပ်မတော်ကိုသာ ဘာကြောင့်ဦးတည်ထားသနည်း။
ကိုဖီအာနန်ကော်မရှင်သည် အကြံပေးမျှသာဖြစ်သည်။ လိုက်နာဆောင်ရွက် ရန် နိုင်ငံတော်တွင်တာဝန်မရှိဟု တာဝန်ရှိသူများ၏ နှုတ်ထွက်စကားအရ နားလည်သိရသည်။ သို့သော် ကိုဖီအာနန်ကော်မရှင်သည် မြန်မာ့အရေးကို လမ်းပြမြေပုံပင် ရေးဆွဲပေးနေပြီဟု ကြားနေရသည်။
ဤသို့ မြန်မာ့အချုပ်အခြာအာဏာကို ထိပါးလာမှုအပေါ် ပြည်သူလူထု ကြီးတစ်ရပ်လုံးက သတိထားစောင့်ကြည့်သွားရမည်သာဖြစ်သည်။ ပြည်သူ လူထုကြီးသည် ရာဇဝင်သမိုင်း အတွေ့အကြုံအရ ‘သူခိုးအား ဓားရိုးကမ်း’ လိမ့်မည်မဟုတ်ကြောင်း ရေးသားလိုက်ရပါသည်။
The Union Daily
