ပြည်ခိုင်ဖြိုးပါတီ၏ ရွေးကောက်ပွဲများဝင်ရောက်ရန်ကိစ္စနှင့် ပတ်သက်၍ ရွေးကောက်ပွဲအကဲဖြတ်မစ်ရှင်(NAM)အဖွဲ့မှ တာဝန်ရှိသူများ လာရောက်တွေ့ဆုံ
နေပြည်တော်၊ မေ ၃၁
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ ၂၀၁၈ ကြားဖြတ်ရွေးကောက်ပွဲနှင့် ၂၀၂၀ ပါတီစုံအထွေထွေဒီမိုက်ရေစီရွေးကောက်ပွဲ ၀င်ရောက်ရန်ကိစ္စနှင့်စပ်လျဉ်း၍ ရွေးကောက်ပွဲအကဲဖြတ်မစ်ရှင်(NAM)အဖွဲ့ တာဝန်ရှိသူများမှ လာရောက်တွေ့ဆုံရာ ပါတီအထွေထွေအတွင်းရေးမှူး ဦးသက်နိုင်ဝင်း၊ ပါတီဗဟိုအလုပ်အမှုဆောင် ဦးဝဏ္ဏမောင်လွင်၊ ပါတီဗဟိုအတွင်းရေးမှူး ဒေါက်တာကျော်ကျော်ဌေးနှင့် ပါတီဗဟိုအတွင်းရေးမှူး ဦပိုက်ထွေးတို့မှ လက်ခံတွေ့ဆုံခဲ့သည်။
အဆိုပါ နယူးယောက်မြို့ အခြေစိုက် NAM အဖွဲ့မှာ မြန်မာနိုင်ငံ ပြည်ထောင်စုရွေးကောက်ပွဲကော်မရှင် (UEC)မှ ၂၀၁၈ ကြားဖြတ်ရွေးကောက်ပွဲနှင့် ၂၀၂၀ အထွေထွေရွေးကောက်ပွဲတို့တွင် သတ်မှတ်မူဘောင်အတွင်းမှ အကူအညီများ ပေးနိုင်ရန် ကမ်းလှမ်ချက်အရ မြန်မာနိုင်ငံသို့ လာရောက်ခြင်းဖြစ်ကြောင်း သိရသည်။
တွေ့ဆုံပွဲတွင် ကြားဖြတ်ရွေးကောက်ပွဲဆိုင်ရာကိစ္စရပ်များ၊ အထွေထွေရွေးကောက်ပွဲဆိုင်ရာကိစ္စရပ်များအား ရင်းနှီးပွင့်လင်းစွာ အပြန်အလှန်ဆွေးနွေးခဲ့ကြသည်။
