နယူးဇီလန် အမျိုးသမီးဘောလုံးသမားတွေကို အမျိုးသားဘောလုံးသမားတွေနဲ့ တန်းတူ တူညီတဲ့လစာနဲ့ အကျိုးခံစားခွင့် ပေးမည်
နယူးဇီလန်ဘောလုံးအဖွဲ့ချုပ်က မေလ ၈ ရက်နေ့မှာ ကြေညာခဲ့တဲ့ သဘောတူညီချက်အသစ်အရ နိုင်ငံလက်ရွေးစင် အမျိုးသမီးဘောလုံးအသင်းကို အမျိုးသားအသင်းလိုပဲ တူညီတဲ့လစာနဲ့ အကျိုးခံစားခွင့်တွေ ပေးသွားတော့မယ်လို့ သိရပါတယ်။
ဒီအတွက်ကြောင့် နယူးဇီလန်နိုင်ငံဟာ အမျိုးသား၊ အမျိုးသမီးဘောလုံးသမားတွေ တန်းတူလစာ အကျိုးခံစား ခွင့်တွေ ပေးတဲ့ ကမ္ဘာ့ ပထမဆုံးနိုင်ငံတွေထဲမှာ ပါဝင်လာခဲ့ပါပြီ။
အမျိုးသားနဲ့ အမျိုးသမီးဘောလုံးအသင်းတွေကို ညီတူညီမျှ ရပိုင်ခွင့်ပေးသွားမယ့် ဆုံးဖြတ်ချက်ဟာ ဒီနိုင်ငံရဲ့ ဘောလုံးလောကအတွက် သမိုင်းဝင်သဘောတူညီချက်ဖြစ်ကြောင်း နယူးဇီလန်ဘောလုံးအဖွဲ့ချုပ်ကပြောပါတယ်။
မိမိတို့ အားကစားလောကရဲ့ နယ်ပယ်အားလုံးမှာ ဆက်လက် ဖွံ့ဖြိုးတိုးတက်လာဖို့နဲ့ မိမိတို့ဟာ အမျိုးသားနဲ့ အမျိုးသမီး ကစားပွဲတွေအတွက် ညီတူညီမျှ အခြေအနေဖော်ဆောင်ပေးနိုင်ဖို့  လုပ်ဆောင်ပေးခဲ့တဲ့ အဖွဲ့အစည်း တစ်ခုအနေနဲ့ ဒီနေ့ကြေညာချက်ဟာ အရေးပါကြောင်း အမှုဆောင်ချုပ် အန်ဒီမာတင်က ပြောဆိုပါတယ်။
သဘောတူညီချက်အသစ်အရ အမျိုးသမီးကစားသမားတွေအနေနဲ့ ကမ္ဘာ့အဆင့် ၁၃၃ မှာရှိတဲ့ အမျိုးသား ကစားသမားတွေရဲ့ အနေအထားလောက် ၀င်ငွေများစွာ ရရှိလာနိုင်ဖွယ် မရှိဘဲ နိုင်ငံတကာအဆင့်မှာ ကစားနေသူတွေလောက်သာ အကျိုးခံစားရဖို့ ရှိပါတယ်။
ဒါပေမဲ့လည်း ဒီသဘောတူညီချက်ဟာ သူတို့ရဲ့ အားကစားနယ်ပယ်အသီးသီးမှာ အမျိုးသမီးတွေရဲ့ အားထုတ် ပေးဆပ်မှုတွေကို အသိအမှတ်ပြုခဲ့တဲ့ အရေးပါသော သတ်မှတ်ချက်တစ်ခုဖြစ်ခဲ့ကြောင်း နယူးဇီလန်အမျိုးသမီး လက်ရွေးစင်အသင်းရဲ့ တိုက်စစ်မှူး ဆာရာဂရီဂိုးရီးယပ်စ်က ပြောဆိုခဲ့ပါတယ်။
Ref: CNA
