ငြိမ်းချမ်းရေးကို ငြိမ်းချမ်းစွာ ဝေဖန်သုံးသပ်ခြင်း
နိုင်ငံရေးပါတီများသည် နိုင်ငံရေးလှုပ်ရှားမှုများကို ဆက်တိုက်လုပ်နေကြ ရသည်။ ”လှုပ်ရှားမှု”မလုပ်ဘဲ ရပ်၊ ရပ်ထားလျှင် နိုင်ငံရေး အီ လာပြီး ငြိမ်သက်ရာမှ’သေ’သွားတတ်သည်။
ငြိမ်းချမ်းရေးကိစ္စသည် ပွဲမဝင်ခင် ပြင်ပမှာ အကြိမ်ကြိမ် ကျင်းပကြရသည်။ လေ့ကျင့်ခန်းများများဆင်းပြီးမှ ‘ပွဲ’ကို ဆင်နွှဲကြခြင်းဖြစ်သည်။ လူကများ အပြောများပြီး ဟန်ရေးပြများနေလျှင် ငြိမ်းချမ်းရေးခရီး မနီးနိုင်ဟု ဆိုရမည်။ ‘ဆရာများ သားသေ’လည်း ဖြစ်တတ်သည်။
အတ္တလွန်ကဲသည့်ဒေသ၊ လူမျိုး၊ သယံဇာတ အကျိုးစီးပွားများဖြင့် စည်းနှောင်ထားသော နိုင်ငံရေး၊ စစ်ရေးအယူအဆများ၊ လှုပ်ရှားမှုများ၊ တိုက်ပွဲ များကို လက်တွေ့ကျကျ စဉ်းစားတွေးမြော်ချဉ်းကပ်မှသာ အမှန်တရားအစစ်၊ ငြိမ်းချမ်းရေးအစစ်ကို အနားသီနိုင်ပါမည်။ အနားကပ်နိုင်ပါမည်။ အပေါ်ယံ ရွှေမှုန်ငွေမှုန်စကားလုံးများ ကြဲနေလျှင် အတွင်းအနှစ်သာရ နိုင်ငံရေး၊ စစ်ရေး၊ လူမျိုးစုအရေး၊ ဒေသအရေး၊ သယံဇာတအရေး မှေးမှိန်သွားနိုင်သည်။ ငြိမ်းချမ်းရေးခက်ခဲသည်ထက် ခက်ခဲသွားနိုင်သည်။
ငြိမ်းချမ်းရေး အလင်းရောင် တစ်မျှင်တစ်စကို မြင်ရလျှင် အမိအရ ဖမ်းယူဆုပ်ကိုင်၍ ရေဆုံးရေဖျားလိုက်ပြီး ပြည်တွင်းပြည်ပမကျန် စိတ်ရှည် သည်းခံကာ နှစ်ဖက်လုံး ကြိမ်ဖန်များစွာ အပြန်အလှန်ဆွေးနွေးညှိနှိုင်းကြဖို့ လိုကြောင်း ရေးသားလိုက်ရပါသည်။
The Union Daily မှ ကောက်နှုတ်ဖော်ပြပါသည်။
