ဆီယာလီယွန်တွင် စစ်အာဏာရှင် ခေါင်းဆောင်ဟောင်းတစ်ဦး ရွေးကောက်ခံ သမ္မတဖြစ်လာ

ဆီယာလီယွန် နိုင်ငံတွင် စစ်အာဏာရှင်ဟောင်းတစ်ဦး ရွေးကောက်ခံ သမ္မတ ဖြစ်လာကြောင်း သိရှိရသည်။
ယခင် စစ်အစိုးရ ခေါင်းဆောင်ဟောင်း ဂျူလီယက်စ် မာဒါး ဘီယိုသည် အကြိတ်အနယ် ရှိခဲ့သည့် ရွေးကောက်ပွဲ အပြီးတွင် အနိုင်ရခဲ့ခြင်းဟု ရွေးကောက်ပွဲ မဲရေတွက်မှု ကော်မရှင်က အတည်ပြုခဲ့သည်။

အငြိမ်းစား ဗိုလ်ချုပ်ကြီး ဘီယိုသည် ဆီယာလီယွန် ပြည်သူ့ပါတီ၏ ဥက္ကဋ္ဌအဖြစ် ဦးဆောင်ကာ ရွေးကောက်ပွဲတွင် ပါဝင် ယှဉ်ပြိုင်ခဲ့ခြင်း ဖြစ်သည်။ ၎င်းသည် အာဖရိကတိုက် အနောက်ပိုင်း ဒေသရှိ နိုင်ငံကို ကြီးစိုးခဲ့သည့် စစ်အစိုးရ၏ ခေါင်းဆောင် နေရာကို ၁၉၉၆ ခုနှစ်က ရယူခဲ့ဖူးသည်။

ဘီယိုသည် မဲအရေအတွက် ၅၁.၈၁ ရာခိုင်နှုန်း ရရှိကာ ရွေးကောက်ပွဲတွင် အောင်ပွဲခံခဲ့ခြင်း ဖြစ်သည်။ လက်ရှိ အာဏာရ အလုံးစုံပြည်သူ့ ပါတီကို ကိုယ်စားပြုသည့် ဆာမူရာ ကာမာရာသည် မဲအရေအတွက် ၄၈.၁၉ ရာခိုင်နှုန်းဖြင့် ကပ်၍ အရေးနိမ့်ခဲ့သည်။

ဘီယိုသည် လက်ရှိ သမ္မတ အားနက်စ် ဘိုင်ကိုရိုမာ၏ နေရာကို ဆက်ခံမည် ဖြစ်သည်။ ကိုရိုမာသည် ငါးနှစ်သက်တမ်း နှစ်ကြိမ် တာဝန်ယူခဲ့ပြီးနောက် သမ္မတအဖြစ် ဆက်လက် ရွေးကောက်ခံပိုင်ခွင့် မရှိတော့ချေ။

မဲရေတွက်မှု နည်းလမ်းနှင့် ပတ်သက်၍ အငြင်းအခုံများ ဖြစ်ခဲ့သည့်နောက် မဲရေရာတွင် နှောင့်နှေးမှုများလည်း ဖြစ်ပေါ်ခဲ့သည်။ 

ဘီယို သမ္မတ ဖြစ်လာချိန်တွင် ဆီယာလီယွန်နိုင်ငံ လက်ရှိ ကြုံနေရသည့် ဆိုးဆိုးရွားရွား ဆင်းရဲတွင်းနက်မှုကို ဖြေရှင်းရန် ကြီးမားသော စိန်ခေါ်မှုများနှင့် ရင်ဆိုင်ရမည် ဖြစ်သည်။ ၎င်းက ရွေးကောက်ပွဲကြို ကာလတွင် ဆီယာလီယွန်ကို အလုံးစုံ မွမ်းမံ ပြင်ဆင်မှုများဖြင့် ပြောင်းလဲ တည်ဆောက်သွားမည်ဟု ကြွေးကြော်ခဲ့သည်။

လူဦးရေ ၇.၃ သန်းမျှရှိသည့် နိုင်ငံသည် ပြီးခဲ့သည့် နှစ်က မြေပြိုမှုများကြောင့် လူရာပေါင်းများစွာ သေဆုံးမှု အပါအဝင် သဘာဝ ဘေးဆိုးများနှင့် ကြုံခဲ့သည်။ ထို့အပြင် ၂၀၁၄ ခုနှစ်ကလည်း အီဘိုလာ ရောဂါ ကူးစက်မှုများကြောင့် လူပေါင်း ၄၀၀၀ ကျော် အသက်ဆုံးရှုံးခဲ့ရသည်။

Ref: CNN