မိုးမိတ်ခရိုင်ပြည်ခိုင်ဖြိုးပါတီ ကျေးရွာလူငယ်အမျိုးသမီးရေးရာအဖွဲ့နှင့်တွေ့ဆုံ
မိုးမိတ်ခရိုင် ပြည်ခိုင်ဖြိုးပါတီ အတွင်းရေးမှူး ဦးမြင့်လှိုင်၊ ခရိုင် ပါတီကော်မတီဝင်ဦးတိုးမြင့်အောင်၊ မဘိမ်းမြို့နယ် ပါတီဥက္ကဋ္ဌ ဦးဇော် လွင်၊ အတွင်းရေးမှူးဦးတင်ဝယ်၊ မြို့နယ်ပါတီကော်မတီဝင် ဦးခင်မောင်ရွှေနှင့်ဦးကံရွှေတို့သည်ယမန် နေ့ မွန်းတည့် ၁၂ နာရီက မဘိမ်း မြို့နယ် ဘဟဲကျေးရွာအုပ်စု အခြေ စိုက်စခန်းတွင် ကျေးရွာလူငယ် အမျိုးသမီးရေးရာ အဖွဲ့ဝင်များနှင့် သွားရောက် တွေ့ဆုံခဲ့ကြသည်။
တွေ့ဆုံပွဲသို့ ခရိုင်အတွင်းရေး မှူး၊ မြို့နယ်ပါတီဥက္ကဋ္ဌ အတွင်း ရေးမှူးတို့က လူငယ်အမျိုးသမီး ရေးရာအဖွဲ့တို့၏ ရှေ့လုပ်ငန်းစဉ် များ၊ အထက်ပါတီအဆင့်ဆင့်၏ လမ်းညွှန်ချက်များကို ရှင်းလင်း ဆွေးနွေးခဲ့ပြီး တက်ရောက်လာ ကြသည့် လူငယ်အမျိုးသမီးများက အားကစားသင်တန်း၊ ကိုယ်လုံ အခြေခံပညာသင်တန်းဖွင့်လှစ်ပေး နိုင်ရေးကိစ္စရပ်ကို ညှိနှိုင်းဆောင် ရွက်ပေးခဲ့ကြောင်း သိရသည်။
ဇော်လွင်(မဘိမ်း)
