ဒေါ်နယ်ထရမ့်ကို ကဲ့ရဲ့ခဲ့သည့် မာရာဒိုနာ အမေရိကန် ပြည်ဝင်ခွင့် ငြင်းဆန်ခံရဟုဆို

ဖေဖော်ဝါရီ ၂၊ အမေရိကန်

ဒေါ်နယ်ထရမ့်နှင့်ပတ်သက်ပြီး ကဲ့ရဲ့ရှုတ်ချစကားပြောဆိုခဲ့သည့် ဒီယေဂို မာရာဒိုနာသည် အမေရိကန်ပြည်ဝင်ခွင့် ငြင်းဆန် ခံခဲ့ရသည်ဟု အေးဂျင့်ကပြောကြောင်း The Sun သတင်းတွင် ဖော်ပြထားသည်။

ဘောလုံးဂန္ထဝင်ကစားသမား၏ အမေရိကန်ဗီဇာ လျှောက်ထားမှု ပယ်ချခံရခြင်းမှာ မိခင်နိုင်ငံအာဂျင်တီးနားတွင် ပြုလုပ်သော အင်တာဗျူးတစ်ခုကြောင့်ဟု ဆိုသည်။

မာရာဒိုနာက အမေရိကန်သမ္မတကို အာဂျင်တီးနား ဘာသာစကားဖြင့် နည်းဖိုးနိမ့်ကျသူ တစ်ယောက်ဟု ပြောဆိုခဲ့ခြင်းဖြစ်သည်။ မာရာဒိုနာ၏ရှေ့နေ မက်တီရာမိုလာက “ကျွန်တော်တို့ဗီလာလျှောက်တုန်းက သူ့ကို ပြောခဲ့သေးတယ်။ ဒီယေဂိုရေ ကျေးဇူးပြုပြီး အမေရိကန်အကြောင်း မပြောနဲ့လို့။

နောက်တော့ ရုပ်သံအင်တာဗျူးအစီအစဉ်ရဲ့ ဒုတိယမြောက်မေးခွန်းမှာ ဒေါ်နယ်ထရမ့်ကိုဘယ်လိုမြင်သလဲဆိုပြီး သူ့ကို အမေးခံရတယ်။ တန်ဖိုးနိမ့်ကျသူတစ်ယောက်လို့ သူကဖြေလိုက်ပါလေရော”ဟု ဆိုသည်။

မာရာဒိုနာသည် လွန်ခဲ့သည့် နှစ် ၂၀ ကျော်က အမေရိကန်နိုင်ငံနှင့် ရာဇဝင်ရှိခဲ့သူလည်းဖြစ်သည်။ ၁၉၉၄ ကမ္ဘာ့ဖလားတွင် တားမြစ်ဆေးကျခဲ့ပြီး အာဂျင်တီးနားအသင်းမှ အိမ်ပြန်လွှတ်ခြင်းခံခဲ့ရသည်။ ဗီဇာလည်း ပယ်ဖျက်ခံရပြီး အမေရိကန်သို့ နောက်တစ်ကြိမ်ပြန်မလာဟု ပြောဆိုခဲ့သည်။

မာရာဒိုနာသည် မတ်လတွင် ဇနီးဟောင်း ကလော်ဒီယာ ဗီလာဖိန်းနှင့် မိုင်ယာမီ၌ တရားရင်ဆိုင်ချင်နေသည်။ ၎င်း၏ ဘဏ်အကောင့်ထဲမှ ဒေါ်လာ ၉ သန်းကို ကလော်ဒီယာက ခိုးထားပြီး မိုင်ယာမီတွင် အဆင့်မြင့် တိုက်ခန်းများ ဝယ်ယူခဲ့သည်ဟု မာရာဒိုနာက စွပ်စွဲထားသည်။

Ref; The Sun