ဗဟိုအလုပ်အမှုဆောင် ရန်ကုန်တိုင်းဒေသကြီးတာဝန်ခံဦးခင်ရီ ကျောက်တန်းမြို့နယ် ပြည်ခိုင်ဖြိုးပါတီဝင်များနှင့်တွေ့ဆုံ
ရန်ကုန်တိုင်းဒေသကြီး တောင်ပိုင်းခရိုင် ကျောက်တန်းမြို့နယ် ပါဒကြီးစံပြကျေးရွာရှိ ပါဒကြီးငါးထပ်ဘုရားအာရုံခံ တန်ဆောင်းအတွင်း၌ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပါတီဗဟိုအလုပ်အမှုဆောင် ကော်မတီအဖွဲ့ဝင်များနှင့် မြို့နယ်ပြည်ခိုင်ဖြိုးပါတီဥက္ကဋ္ဌ ကော်မတီဝင်များ၊ ရပ်ကွက်ကျေးရွာများမှ စည်းရုံးရေးမှူးများ၊ ပါတီဝင်များတွေ့ဆုံပွဲကို ယနေ့နံနက် ၉ နာရီတွင် ကျင်းပခဲ့ကြောင်းသိရသည်။
အဆိုပါတွေ့ဆုံပွဲတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုအလုပ်အမှုဆောင် ရန်ကုန်တိုင်းဒေသကြီးတာဝန်ခံ ဦးခင်ရီ၊ ဗဟိုအလုပ်အမှုဆောင် ရန်ကုန်တိုင်းဒေသကြီးပါတီဥက္ကဋ္ဌ ဦးခင်မောင်စိုး၊ ဗဟိုကော်မတီဝင် ရန်ကုန်တိုင်းဒေသကြီး ပြည်ခိုင်ဖြိုးပါတီ အတွင်းရေးမှူး ဦးသာဝင်း၊ ပါတီ ဗဟိုကော်မတီဝင် တိုင်းဒေသကြီးပါတီ ဘဏ္ဍာရေးမှူး ဒေါ်အေးမင်းမိုး၊ တောင်ပိုင်းခရိုင်ပါတီ အတွင်းရေးမှူး ဦးအောင်ကျော်မင်းနှင့် ကော်မတီဝင်များ၊ သန်လျင်-ကျောက်တန်း-ခရမ်း-သုံးခွမြို့နယ်တို့မှ ဥက္ကဋ္ဌများနှင့် ကော်မတီဝင်များ၊ ကျောက်တန်းမြို့နယ် ရပ်ကွက်၊ ကျေးရွာအသီးသီးမှ ပါတီ စည်းရုံးရေးမှူးနှင့် ရပ်မိရပ်ဖများ စုစုပေါင်းအင်အား ၃၅ဝ တက်ရောက်ကြသည်။
တွေ့ဆုံပွဲတွင် ပါတီဗဟိုအလုပ်အမှုဆောင် ရန်ကုန်တိုင်းဒေသကြီးပါတီဥက္ကဋ္ဌ ဦးခင်မောင်စိုးက အဖွင့်အမှာစကားပြောကြားရာ ပါတီစည်းရုံးရေး လုပ်ငန်းများဆောင်ရွက်နိုင်ရန် လမ်းညွှန်မှာကြားပြောကြားခဲ့သည်။
ဆက်လက်၍ ဗဟိုအလုပ်အမှုဆောင် ရန်ကုန်တိုင်းဒေသကြီး တာဝန်ခံဦးခင်ရီက အမျိုးသားအကျိုးစီးပွားကာကွယ်စောင့်ရှောက်ရန်နှင့် ယနေ့နိုင်ငံရေးအခြေအနေများဆွေးနွေးပြောကြားပြီးနောက် ကျောက်တန်းမြို့နယ်ပြည်ခိုင်ဖြိုးပါတီဥက္ကဋ္ဌ ဦးမောင်မောင်တာက လုပ်ငန်းဆောင်ရွက် ထားရှိမှုအခြေအနေကို ရှင်းလင်းပြောကြားပြီး တက်ရောက်လာသော ရပ်ကွက်ကျေးရွာအသီးသီးမှ ပါတီကော်မတီဝင်များနှင့် ရပ်မိရပ်ဖတစ်ဦးက သိလိုသည်များ မေးမြန်းဆွေးနွေးကြပြီး ပြန်လည်ဆွေးနွေးခဲ့ကြောင်း သိရသည်။
ကိုကျောက်တန်း
