အမ်ဘတ်ပီကို ကျော်ပြီး ပြင်သစ်တစ်နှစ်တာ အကောင်းဆုံး ကစားသမားဆုကို ကန်တီ ရရှိ
ဒီဇင်ဘာ ၂၇၊ ပြင်သစ်
ချယ်လ်ဆီး ကွင်းလယ်ကစားသမား ကန်တီ သည် ပီအက်စ်ဂျီတိုက်စစ်မှူး အမ်ဘတ်ပီကိုကျော်ဖြတ်ပြီး ၂၀၁၇ ပြင်သစ် တစ်နှစ်တာ အကောင်းဆုံး ကစားသမားဆုကို ရရှိသွားခဲ့သည်။
ကန်တီသည် အမ်ဘတ်ပီထက် မဲငါးမဲသာ အသာရပြီး အကောင်းဆုံးဆုကို ရခဲ့ခြင်းဖြစ်သည်။ ရီးယဲလ်တိုက်စစ်မှူး ဘန်ဇီမာမှာ ၎င်းတို့နှစ်ဦး၏နောက် တတိယအကောင်းဆုံး ကစားသမားအဖြစ် ရွေးချယ်ခံခဲ့ရသည်။
ကန်တီသည် လက်စတာနှင့် ပရီးမီးယားလိဂ်ချန်ပီယံဖြစ်ခဲ့ပြီးနောက် ချယ်လ်ဆီးအသင်းသို့ ပြောင်းခဲ့ပြီး ယမန်နှစ်က ချယ်လ်ဆီးအသင်းကို ပရီးမီးယားလိဂ် ချန်ပီယံဖြစ်အောင် ထပ်မံခြေစွမ်း ပြနိုင်ခဲ့သည်။ ထို့ကြောင့် ပရီးမီးယားလိဂ်၏ တစ်နှစ်တာ အကောင်းဆုံး ကစားသမားဆုကို ရရှိခဲ့သလို အားကစား ကလောင်ရှင်များက ပေးအပ်သည့် အကောင်းဆုံးဆုကိုလည်း ရရှိခဲ့သည်။
ချယ်လ်ဆီးအသင်းက ပေးအပ်သည့် တစ်နှစ်တာအကောင်းဆုံး ကစားသမားဆုကိုလည်း ရခဲ့သလို Ballon d’Or ဆုစာရင်းတွင်တော့ အဆင့် ၈ နေရာချိတ်ခဲ့သည်။
ယခုနှစ်တွင် ကန်တီသည် ချယ်လ်ဆီးအတွက် ၁၇ ပွဲပါဝင်ကစားထားပြီး ၁ ဂိုးသွင်းယူပေးထားသည်။
—Ref:Goal