နိုင်ငံ့အာဏာကို အနည်းဆုံး ၁၀ နှစ် ချုပ်ကိုင်ထားဦးမည်ဟု ကမ္ဘောဒီးယားဝန်ကြီးချုပ် ကြွေးကြော်
ကမ္ဘောဒီးယားဝန်ကြီးချုပ်ဟွန်ဆန်ကို မဲဆွယ်လှုပ်ရှားမှုတစ်ခုအတွင်း တွေ့ရစဉ် (TANG CHHIN Sothy/AFP)
၂၀၁၈ အထွေထွေ ရွေးကောက်ပွဲမတိုင်မီ အဓိကအတိုက်အခံပါတီကို နိုင်ငံတော် တရားရုံးချုပ်က ဖျက်သိမ်းခဲ့ပြီး သီတင်းပတ်များအကြာ ကမ္ဘောဒီးယားနိုင်ငံကို ဆယ်စုနှစ်သုံးခု ကျော်ကြာ အုပ်ချုပ်နေသူ ဝန်ကြီးချုပ် ဟွန်ဆန်က နောက်ထပ် အနည်းဆုံး ၁၀ နှစ်ကြာ အာဏာချုပ်ကိုင်ထားမည်ဟု ကြွေးကြော်ခဲ့သည်။
ဟွန်ဆန်၏ မေတ္တာရပ်ခံချက်ကြောင့် ကမ္ဘောဒီးယားအမျိုးသားကယ်တင်ရေးပါတီ (CNRP) သည် နိုဝင်ဘာက နိုင်ငံတော် တရားရုံးချုပ်၏ ဖျက်သိမ်းခြင်းခံခဲ့ရသည်။
ဟွန်ဆန်သည် ကမ္ဘောဒီးယား စီးပွားရေးဖွံ့ဖြိုးတိုးတက်မှု အောင်မြင်ရေးအတွက် ချီးမွမ်းခံရသော်လည်း အရပ်ဘက် လူမှုအဖွဲ့အစည်းများနှင့် မီဒီယာအပေါ် နှိမ်နင်းမှုကြောင့် ဝေဖန်ခံနေရသည်။
ကမ္ဘောဒီးယားအမျိုးသား လုံခြုံရေးကို ထိန်းသိမ်းရန် အစိုးရ၏ ကြိုးပမ်းမှုများကို ထောက်ခံကြောင်း ကမ္ဘောဒီးယား အကြီးမားဆုံးထောက်ခံသူ တရုတ်နိုင်ငံက ပြောကြားထားသည်။
အထည်ချုပ် လုပ်သားများသို့ ပြောကြားသော မိန့်ခွန်းတွင် ဟွန်ဆန်က ၎င်းအနေဖြင့် နောက်ထပ် ဝန်ကြီးချုပ် သက်တမ်း နှစ်ကြိမ် ဆက်လက်ထမ်းဆောင်မည်ဖြစ်ကြောင်းနှင့် ၎င်း၏ ကမ္ဘောဒီးယားပြည်သူ့ပါတီ(CPP)ကို မဲပေးရန် အလုပ်သမားများအား တိုက်တွန်းခဲ့သည်။
‘‘နောက်ထပ်သက်တမ်းနှစ်ကြိမ်အတွက် ကျွန်တော်ဟာ ရွေးကောက်ခံဝန်ကြီးချုပ်အဖြစ် ဆက်ရှိနေမှာပါ။ သက်ရှိထင်ရှား ရှိနေသေးတယ်ဆိုရင် မင်းတို့ရဲ့ မိဘတွေနဲ့ ဘိုးဘွားတွေ၊ မင်းတို့ရဲ့ မိသားစုတွေက ၂၀၁၈ ဇူလိုင် ၂၉ ရက် ရွေးကောက်ပွဲမှာ မဲပေးဖို့နဲ့ CPP ကို ထောက်ခံဖို့ မျှော်လင့်ပါတယ်’’ဟု ဟွန်ဆန်က ပြောကြားသည်။
ဟွန်ဆန်သည် ယင်းရွေးကောက်ပွဲမတိုင်မီ အထည်ချုပ် လုပ်သားများကို ဆွဲဆောင်စည်း ရုံးနေပြီး အခြားအရာများ အပြင် ကလေးမွေးဖွားသော အထည်ချုပ်သမများအား ငွေထောက်ပံ့ပေးမည်ဟု ကတိပြုခဲ့သည်။
အထည်ချုပ်လုပ်ငန်းသည် ကမ္ဘောဒီးယား၏ အကြီးဆုံး ပို့ကုန်လုပ်ငန်းဖြစ်သည်။
—Ref: Reuters
