အာရှဖလား ခြေစစ်ပွဲအောင်မြင်ရန် အခွင့်အရေး ၅၀-၅၀ သာ ဖြစ်ကြောင်း မြန်မာနည်းပြ ဂတ်ဇီဆီ ပြော
နိုဝင်ဘာ ၁၅၊ ဂိုအာ
အိန္ဒိယအသင်းနှင့် ၂ ဂိုးစီသရေကျပြီးနောက်တွင် မြန်မာနည်းပြ ဂတ်ဇီဆီက မြန်မာအသင်းအနေဖြင့် အာရှဖလား ခြေစစ်ပွဲအောင်မြင်ရန် အခွင့်အရေး ၅၀-၅၀ သာရှိကြောင်း ပြောဆိုလိုက်သည်။
အိန္ဒိယနှင့်ပွဲတွင် ဦးဆောင်ဂိုးများသွင်းယူနိုင်ခဲ့သော်လည်း ချေပဂိုးများ ပြန်ပေးခဲ့ရပြီး သရေကျခဲ့ရသည့်အတွက် မြန်မာနည်းပြ ဂတ်ဇီဆီမှာ မကျေမနပ်ဖြစ်လျက်ရှိသည်။ ပွဲအပြီးအတွင် ဂတ်ဇီဆီက မြန်မာတိုက်စစ်မှူးများ၏ အားနည်းမှုနှင့် ကစားသမားများ၏ ကြံ့ခိုင်မှု မပြည့်ဝခြင်းများကို ဝေဖန်ပြောကြားသွားခဲ့သည်။
“ပွဲအစ ၂ မိနစ်မှာ ဒုတိယဂိုးသွင်းဖို့ အခွင့်အရေးရခဲ့ပေမယ့် အသုံးမချနိုင်ခဲ့လို့ ဒီလိုတွေ ဖြစ်လာရပါတယ်။ ကျွန်တော့်အသင်းရဲ့ တိုက်စစ်မှူးတွေ အရမ်းအားနည်းပါတယ်။ ၂-၀ သာ ဖြစ်သွားရင် အိန္ဒိယအသင်း ပြန်လာနိုင်တော့မှာ မဟုတ်ပါဘူး။ နောက်ဆုံးတော့ အိန္ဒိယက ကောင်းကောင်း ကစားသွားနိုင်ခဲ့ပါတယ်။ ကျွန်တော်တို့လည်း အခွင့်အရေးတွေရခဲ့ပါတယ်” ဟု ဂတ်က ဆိုခဲ့သည်။
ခြေစစ်ပွဲအခြေအနေနှင့်ပတ်သက်၍ မေးမြန်းခဲ့သည်ကိုမူ ဂတ်က အခွင့်အရေး ၅၀-၅၀ သာဖြစ်ကြောင်း ဆိုသည်။ “အခွင့်အရေးကတော့ ၅၀-၅၀ ပါပဲ။ ကျွန်တော့်ရဲ့ကစားသမားတွေဟာ မိနစ် ၉၀ အပြည့်ကစားဖို့ လုံလောက်တဲ့ ကြံ့ခိုင်မှု မရှိခဲ့ကြပါဘူး။ ဒါက ကျွန်တော့်အမှား မဟုတ်ပါဘူး။ သူတို့ဟာ မိနစ် ၉၀ ပြည့်ကစားဖို့ လုံလောက်တဲ့ လန်းဆန်းမှုနဲ့လျှင်မြန်မှုမျိုး မရှိခဲ့ကြပါဘူး။ ပထမပိုင်း မိနစ် ၂၀-၃၀ လောက်အထိကတော့ ခံစစ်ရော တိုက်စစ်ပါ ကောင်းမွန်ခဲ့ပါတယ်။ အရမ်းကြီးတော့ မဆိုးရွားခဲ့ပါဘူး” ဟု ဂတ်ဇီဆီက ဆိုသည်။
အိန္ဒိယအသင်းအနေဖြင့် ၁၅ စက္ကန့်မှာပင် ဂိုးပေးခဲ့ရသော်လည်း ပုံစံကောင်းဖြင့် ပြန်လာနိုင်ခဲ့သည့်အတွက် ၎င်းတို့၏ နည်းစနစ်ကို မအံ့သြမိကြောင်းလည်း မြန်မာနည်းပြဂတ်ဇီဆီက ပြောဆိုသွားခဲ့သည်။
မြန်မာအသင်းသည် ၁၉၆၈ ခုနှစ်ကတည်း အာရှဖလားပြိုင်ပွဲဝင်ခွင့်မရခဲ့သည်မှာ ယခုအချိန်အထိ ဖြစ်သည်။
