တရုတ်အစိုးရက လိပ်ပြာမှောင်ခိုသမားတွေကို ထောင်ဒဏ်နဲ့ငွေဒဏ်များ ချမှတ်

တရုတ်နိုင်ငံအတွင်း ထောင်နဲ့ချီတဲ့ လိပ်ပြာအသေများ ခိုးသွင်းခဲ့သူ ၃ ဦးကို ထောင်ဒဏ်များ အသီးသီး ချမှတ် လိုက်ကြောင်း အစိုးရသတင်းဌာနက ပြောပါတယ်။

တရုတ်အာဏာပိုင်တွေက ၂၀၁၆ ခုနှစ် အစောပိုင်းမှာ အဝတ်အထည်များ ထည့်သွင်းသယ်ဆောင်လာတယ် လို့ ထင်ခဲ့ကြတဲ့ အထုပ်တွေကို ဖွင့်ဖောက်စစ်ဆေးခဲ့ရာမှ အရောင်စုံ လိပ်ပြာအသေ အများအပြားကို ရှာဖွေ တွေ့ရှိခဲ့တာ ဖြစ်ပါတယ်။

လိပ်ပြာအသေတွေကို အွန်လိုင်းမှတစ်ဆင့် ဝယ်ယူခဲ့ခြင်းဖြစ်ကြောင်းနဲ့ တရုတ်သို့တင်ပို့ကာ မှန်ဘောင်သွင်း ပြီး ပြန်လည်ရောင်းချရန် ဖြစ်တယ်လို့ ဆိုပါတယ်။ လိပ်ပြာအသေများ မှောင်ခိုတင်သွင်းခဲ့ကြသူတွေကို ၅ နှစ်၊ ၇ နှစ် နဲ့ ၁၀ နှစ်စီ ထောင်ဒဏ်များ ချမှတ်လိုက်ကြောင်း တရုတ်အစိုးရ သတင်းဌာန ဆင်ဟွာက ဖော်ပြခဲ့ပါ တယ်။

တရုတ်အရှေ့ပိုင်း ရှန်ဒေါင်းပြည်နယ် ဂျီနန်မြို့ တရားရုံးက ၎င်းတို့ကို ထောင်ဒဏ်အပြင်  ဒဏ်ကြေးငွေလည်း ပေးဆောင်စေခဲ့ကြောင်း သိရပါတယ်။ တရုတ်နိုင်ငံအတွင်း ခိုးသွင်းခဲ့တဲ့ လိပ်ပြာအများအပြားဟာ ရှားပါးပြီး ထိန်းသိမ်းစောင့်ရှောက်ထားတဲ့ မျိုးစိတ်တွေလည်း ဖြစ်ပါတယ်။

ယခု ဖြစ်ရပ်ဟာ တရုတ်အာဏာပိုင်တွေ ဖော်ထုတ်နိုင်ခဲ့တဲ့ လိပ်ပြာမှောင်ခိုမှုများအနက် အကြီးဆုံးလည်း ဖြစ်လာပါတယ်။ မှောင်ခိုတင်သွင်းသူ ၃ ဦးက လိပ်ပြာ ၂,၈၀၀ ကို မလေးရှားနဲ့ ဖိလစ်ပိုင်နိုင်ငံတို့မှ ဝယ်ယူခဲ့ ခြင်းဖြစ်ကြောင်း ထွက်ဆိုထားပါတယ်။

ဈေးကွက်မှာ တန်ဖိုးအကြီးဆုံး လိပ်ပြာမျိုးစိတ်တစ်ခုမှာ Papilio Chikae မျိုးစိတ်ဖြစ်ပါတယ်။ တရုတ်နိုင်ငံက စုဆောင်းသူတွေက အဆိုပါမျိုးစိတ် လိပ်ပြာတစ်ကောင်ကို မြန်မာကျပ်ငွေ သိန်း၂၀ ကျော် (အမေရိကန် ဒေါ်လာ ၁,၅၀၀) အထိ ဈေးနှုန်းဖြင့် ဝယ်ယူရန် စီစဉ်ထားတယ်လို့ ဆိုပါတယ်။

တရုတ်ကို မှောင်ခိုတင်သွင်းလာပြီး သိမ်းဆည်းရမိခဲ့တဲ့ လိပ်ပြာတွေအနက် ထက်ဝက်နီးပါးဟာ အပြည်ပြည် ဆိုင်ရာ သဘောတူညီချက် Convention on International Trade in Endangered Species of Wild Fauna and Flora (Cites) အရ ထိန်းသိမ်းစောင့်ရှောက်ထားတဲ့ မျိုးစိတ်တွေဖြစ်ကြောင်း သိရပါတယ်။

တရုတ်အစိုးရက တောရိုင်းတိရိစ္ဆာန် တရားမဝင် ကုန်သွယ်မှုပြုလုပ်သူတွေကို ယခင်ကလည်း ကြီးလေးတဲ့ ပြစ်ဒဏ်များ ချမှတ်ခဲ့ပါတယ်။ ၂၀၁၅ ခုနှစ်က ၎င်းရဲ့နေအိမ်အနီး တွေ့ရှိခဲ့တဲ့ ရှားပါးစာရင်းဝင် သိမ်းငှက် တစ်ကောင်ကို ရောင်းချခဲ့တဲ့ တက္ကသိုလ်ကျောင်းသားတစ်ဦးအား ထောင်ဒဏ် ၁၀ နှစ် ချမှတ်ခဲ့ဖူးကြောင်း လည်း သိရပါတယ်။

(Duwun)