မြန်မာ-ဘင်္ဂလားဒေ့ရှ် နယ်စပ်ခြံစည်းရိုး အဆင့်မြှင့်ရန် တရုတ်နိုင်ငံအခြေစိုက်အဖွဲ့က ကမ်းလှမ်း
မြန်မာ-ဘင်္ဂလား ဒေ့ရ်ှနယ်စပ်ခြံစည်းရိုးကို China Asian စီးပွားရေးနှင့် ယဉ်ကျေးမှု ဆိုင်ရာအဖွဲ့က အဆင့်မြင့် နည်းပညာများအသုံးပြု၍ အဆင့်မြှင့် တင်ပေးရန် သက်ဆိုင်ရာတာဝန် ရှိသူများနှင့် တွေ့ဆုံညှိနှိုင်းနေကြောင်း အဆိုပါအဖွဲ့နှင့် မိတ်ဖက်အဖွဲ့ဖြစ်သည့် ဟင်္သာဧကရီ ကုမ္ပဏီ အုပ်ချုပ်မှုဒါရိုက်တာ ဒေါ်နွယ်နွယ်အေးက ပြောသည်။
ယင်းသို့ နယ်စပ်ခြံစည်းရိုး များ အဆင့်မြှင့်တင်ရေးကိစ္စနှင့် ပတ်သက်၍ တရုတ်နိုင်ငံအခြေ စိုက် China Asian အဖွဲ့ဥက္ကဋ္ဌ ဦးဆောင်သော တာဝန်ရှိသူများနှင့် ဟင်္သာဧကရီကုမ္ပဏီ တာဝန် ရှိသူများသည် ရခိုင်ပြည်နယ်အစိုး ရအဖွဲ့၊ ပြည်နယ်လွှတ်တော် ဥက္ကဋ္ဌ၊ စစ်တွေမြို့မိမြို့ဖတို့နှင့် နို ၀င်ဘာ ၇ ရက်က တွေ့ဆုံဆွေး နွေးခဲ့ကြောင်း ၎င်းကပြောကြားသည်။
‘‘နယ်စပ်ခြံစည်းရိုး ကိစ္စနဲ့ပတ်သက်ပြီးတော့ နိုင်ငံတကာအဆင့်မီ လုံခြုံစိတ်ချရတဲ့စနစ်တွေ၊ နည်းပညာတွေ သုံးပြီးတော့ လုပ်ပေးဖို့ အစီအစဉ်ရှိပါတယ်။ နယ်စပ်ခြံစည်ရိုးလုံခြုံမှုအတွက်ရော၊ ဖွံ့ဖြိုးမှုဆိုင်ရာအတွက်ရော အား လုံးကို ဖြည့်ဆည်းပေးမှာဖြစ်ပါ တယ်’’ ဟု ဒေါ်နွယ်နွယ်အေးက ပြောသည်။
သို့သော် အဆင့်မြှင့်တင် ခြင်းလုပ်ငန်းများ စတင်နိုင်မည့် အချိန်ကို မသိရသေးပေ။ မြန်မာ-ဘင်္ဂလားဒေ့ရှ် နယ် စပ်ခြံစည်းရိုးအဆင့်မြှင့်တင်မည့် ကိစ္စနှင့်ပတ်သက်၍ နိုဝင်ဘာ ၁၄ ရက်တွင် နိုင်ငံတော်အကြီးအကဲ များနှင့် တွေ့ဆုံဆွေးနွေးရန် ရှိကြောင်း ဒေါ်နွယ်နွယ်အေးက ဆက်လက်ပြောသည်။
နယ်စပ်ခြံစည်းရိုးအဆင့်မြှင့် တင်မည့်ကိစ္စနှင့်ပတ်သက်၍ ပြည်နယ် အစိုးရအဖွဲ့ သဘောထားသည် ပြည်ထောင်စု အစိုးရ၏ အစီအမံအတိုင်းသာဖြစ်သည်ဟု ပြည်နယ်ဘဏ္ဍာအခွန်၊ စီမံကိန်းနှင့် စီးပွားရေးဝန်ကြီး ဦးကျော် အေးသိန်းက နိုဝင်ဘာ ၇ ရက် တွင် ပြုလုပ်သော တွေ့ဆုံပွဲ၌ ပြောသည်။
