အတိုက်အခံက သပိတ်မှောက်ထားသည့် ကင်ညာရွေးကောက်ပွဲတွင် ကင်ယတ်တာက ၉၈ ရာခိုင်နှုန်းဖြင့် အနိုင်ရ
နိုင်ရိုဘီ၊ အောက်တိုဘာ ၃၁
သဘောထားကွဲလွဲမှုများ ကြီးမားနေသော ကင်ညာရွေးကောက်ပွဲတွင် လက်ရှိသမ္မတ ကင်ယတ်တာက မဲ ၉၈ ရာခိုင်နှုန်း ရရှိကာ အနိုင်ရကြောင်း အောက်တိုဘာ ၃၀ ရက်က ကြေညာသည်။
အတိုက်အခံများ၏ အမာခံမြေတွင် ဆူပူအကြမ်းဖက်မှုများ ထပ်ဖြစ်လာမည် စိုးရိမ်မှုများကြား ယခုထပ်မံ ကျင်းပ သော ရွေးကောက်ပွဲတွင် ကင်ယတ်တာ၏ အဓိကပြိုင်ဖက်ဖြစ်သူ ရိုင်လာအိုဒင်ဂါက သပိတ်မှောက် နုတ်ထွက်ကာ ပါဝင်ယှဉ်ပြိုင်ခဲ့ခြင်း မရှိပေ။
သြဂုတ်လအတွင်းက ကျင်းပခဲ့သည့် ကင်ယတ်တာပဲ အနိုင်ရခဲ့သော ရွေးကောက်ပွဲကို ဖွဲ့စည်းပုံနှင့် ညီညွတ်မှု မရှိဆိုကာ တရားရုံးချုပ်က ပယ်ဖျက်လိုက်ပြီး ထပ်မံရွေးကောက်ပွဲ ကျင်းပစေသောလည်း ၄င်း၏ အောင်နိုင်မှုကို မချေဖျက်နိုင်ဟု ကင်ယတ်တာက ကြွေးကြော်သည်။
မဲပေးသူ ၃၈ ရာခိုင်နှုန်းကျော်မျှသာ ရှိခဲ့သော ယခုရွေးကောက်ပွဲ၏ အနိုင်ရမှုကို တရားဥပဒေဖြစ်မှုနှင့် ပတ်သက်ပြီး မေးခွန်းထုတ်နေကြသော စောင့်ကြည့်သူများကိုလည်း ကင်ယတ်တာက ရှုတ်ချလိုက်သည်။
“မဲပေးသူတွေရဲ့ ရွေးကောက်ပွဲ လိုအင်ကို မချေဖျက်နိုင်ပါဘူး။”ဟု အနိုင်ရမိန့်ခွန်းတွင် ကင်ယတ်တာက ပြောခဲ့ သည်။
သို့သော် ၄င်း၏ အနိုင်ရလဒ်ကို “တရားခုံရုံးကတစ်ဆင့် ဖွဲ့စည်းပုံနဲ့ ညီမညီ သုံးသပ်ဖို့ ထပ်ပြီး တင်ပြရဖွယ် ရှိပါ တယ်။ ရလဒ်ဘယ်လိုပဲ ထွက်လာလာ ဒီလို တရားရုံးတင်ပြရမှာကို ကျွန်တော်အနေနဲ့ လုပ်ဆောင်မှာ ဖြစ်ပါတယ်။”ဟု ကင်ယတ်တာက ပြောခဲ့သည်။
-Ref; AFP
