ပေါ့ဂ်ဘာကိုရောင်းချမှုတွင် ဂျူဗင်တပ်အသင်း မသမာမှုပြုလုပ်ခြင်းမရှိဟု ဖီဖာဆုံးဖြတ်

ပေါ့ဂ်ဘာကို မန်ချက်စတာယူနိုက်တက်အသင်းထံ ငွေကြေးအမြောက်အများဖြင့် ရောင်းချခဲ့ရာတွင် ဂျူဗင်တပ်အသင်း မသမာမှု တစ်စုံတစ်ရာပြုလုပ်ခဲ့ခြင်းမရှိဟု အဖြေထွက်ပေါ်လာ ပြီဖြစ်သည်။

ယမန်နှစ်က တူရင်မှ ပရီးမီးယားလိဂ်သို့ ပြင်သစ်ကွင်းလယ်လူပေါ့ဂ်ဘာ ကမ္ဘာ့စံချိန်တင် ပြောင်းရွှေ့ကြေး (ယင်းနှစ်က) ပေါင် ၈၉ ဒသမ ၃ သန်းဖြင့်ပြောင်းရွှေ့ခဲ့မှုအပေါ် စစ်ဆေးနေကြောင်း မေလတွင် ဖီဖာက ကြေညာခဲ့သည်။

ယူနိုက်တက်တွင်အပြစ်ကင်းကြောင်း ဇွန်လတွင် ဖီဖာကဆုံးဖြတ်ခဲ့သော်လည်း စီးရီးအေကလပ်ဂျူဗင်တပ်မှာမူ အေးဂျင့် ရွိုင်အိုလာနှင့် စီစဉ်သည့်ကိစ္စမှာ တတိယကြားခံလူပိုင်ဆိုင်သည့်စည်းမျဉ်းနှင့် ငြိစွန်းဖွယ်ရှိသည်ဟု ဆိုကာ စုံစမ်းစစ်ဆေးခဲ့သည်။

ယခုအခါတွင် ဂျူဗင်တပ်လည်း အပြစ်ကင်းကြောင်း ဖီဖာကအတည်ပြုခဲ့ပြီး ပြောရေးဆိုခွင့်ရှိသူ တစ်ဦးက “ဂျူဗင်တပ်အသင်းနဲ့ ပတ်သက်ပြီး စုံစမ်းစစ်ဆေးမှုတွေလုပ်ခဲ့ရာမှာ ကစားသမားအပြောင်းအရွှေ့နဲ့ ပတ်သက်တဲ့ စည်းကမ်းချိုးဖောက်မှုတစ်ခုမှမရှိခဲ့လို့ စွဲချက်တွေအားလုံးကိုပယ်ဖျက်ဖို့ စည်းကမ်းထိန်းသိမ်းရေး ကော်မတီက ဆုံးဖြတ်လိုက်ပါတယ်။

ပေါ့ဂ်ဘာရဲ့အပြောင်းအရွှေ့မှာ စည်းကမ်းဖော်ဖျက်ကြောင်း လုံလောက်တဲ့သက်သေလည်း မရှိပါဘူး”ဟု ပြောသည်။

ပေါ့ဂ်ဘာသည် လက်ရှိတွင် စက်တင်ဘာ ၂ ရက်က ဘေဆယ်နှင့်ကစားခဲ့သည့် ချန်ပီယံလိဂ်အုပ်စုပွဲမှ ရရှိခဲ့သည့် ဒူးကောက်ကြောဒဏ်ရာကြောင့် အနားယူနေရသည်။

Ref; Daily Mail