ကိုယ်ဝန်ဆောင်မေမေတွေ ဘာလို့ သင်္ဘောသီး မစားသင့်တာလဲ
ကိုယ်ဝန်ဆောင်ချိန်မှာ မစားသင့်တဲ့ အစားအစာတွေရဲ့ စာရင်းထဲမှာ သင်္ဘောသီးက ထိပ်ဆုံးမှာရှိပါတယ် မေမေတို့ရေ။ သင်္ဘောသီးက ကျန်းမာရေးကို အထောက်အကူပြုတယ် မဟုတ်ဘူးလားလို့ စောဒက တက်ရင် လည်း ဟုတ်ပါတယ်။
သဘောင်္သီးအမှည့်က ကျန်းမာရေးအတွက် အထောက်အကူပြုတဲ့ ဗီတာမင်ဓာတ်တွေ ကြွယ်ကြွယ်၀၀ များများစားစား ပါဝင်ပါတယ်။ ဒါပေမယ့်လည်း ဘယ်လောက်ပဲ ဗီတာမင် ကြွယ်ဝကြွယ်ဝ မေမေတို့အနေနဲ့ သင်္ဘောသီးကို မစားသင့်တာ ဘာလို့လဲဆိုတာကို Kalay က မျှဝေပေးမယ်နော်။
သင်္ဘောသီးတွေမှာ ပပိန်း “papain” ဆိုတဲ့ ဓာတ်သဘာဝ တစ်မျိုးပါဝင်နေပါတယ်။ သင်္ဘောသီးအစိမ်း တွေမှာ ဆို ပိုဆိုးပါတယ်။ ပပိန်းက ဓာတုဗေဒ ဒြပ်ပေါင်း တစ်မျိုးဖြစ်ပြီးတော့ သူနဲ့ထိတွေ့တဲ့ အရာတွေကို နူးစေ ပျော့စေတဲ့ ဂုဏ်သတ္တိ ရှိနေတယ်တဲ့ ။ ဒါကြောင့်လည်း အိမ်မှာ ဆိတ်သားတို့၊ အမဲသားတို့လို နူးအိမလွယ်တဲ့ အသားတွေချက်ရင် သင်္ဘောသီး အစိမ်းထည့်ချက်ကြတာပေါ့။ နောက်ပြီး သင်္ဘောသီးရဲ့  ပပိန်းက ချေးချွတ် နိုင်တဲ့ အစွမ်းလည်းရှိတဲ့အတွက် သွားတွေကို ဖြူဖွေးအောင် သွားတိုက်ဆေး ထုတ်လုပ်တဲ့အခါ ကုန်ကြမ်း အဖြစ်တောင် သုံးတယ်တဲ့။
အဲ့ဒီ့လို ဓာတ်သဘာဝတွေရှိတဲ့ သင်္ဘောသီးက စားလိုက်လို့ ဗိုက်ထဲရောက်သွားရင် ၀မ်းနူးစေပါတယ်။ ၀မ်းချုပ် နေတဲ့ သူတွေအတွက် အကောင်းဆုံး ဓာတ်စာသင်္ဘောသီးက သားအိမ်ကို ကျုံ့ စေနိုင်တဲ့အတွက် ကိုယ်ဝန်လ နုတဲ့ အချိန်စားမိရင် သွေးဆင်းပြီး ကိုယ်ဝန် အဖတ်မတင် ဖြစ်တတ်ပါတယ်။ သင်္ဘောသီးအစိမ်းက ပပိန်း ပါဝင်မှု ပိုများလို့ ယိုးဒယားသင်္ဘောသီးထောင်းတို့၊ သင်္ဘောသီးသုပ်တို့ကို ကိုယ်ဝန်ရှိတဲ့ အချိန် ဘယ်လောက်ပဲ ချဉ်ခြင်းတတ်တတ် လုံးဝမစားရဘူးနော်။
မေမေတို့ အနေနဲ့လည်း ကိုယ်ဝန်ဆောင်တွေ လနုတုန်း သင်္ဘောသီး မစားသင့်ဘူးဆိုတာ ကြားဖူးနားဝ ရှိမှာပေါ့။ တခါတလေ တချို့  မေမေကြီးတွေက “အလကားပါ ငါတို့တုန်းကလည်း သင်္ဘောသီးစားတာပဲ ဘာမှ မဖြစ်ပါဘူး” ဆိုပြီးပြောတာလည်းကြားဖူးမှာပါ။ အဲ့လို ပြောတာတွေကို သွားပြီး နားမယောင်မိပါစေနဲ့ဦး။ သင်္ဘောသီးစားလို့ရှိရင် ကိုယ်ဝန်မပျက်ရင်တောင် မွေးလာတဲ့ ကလေးလေးမှာ ပြဿနာ တစ်ခုခုရှိနိုင်တယ်တဲ့။ သင်္ဘောသီးက ရမယ့် ဗီတာမင်တွေကို လိုချင်တယ်ဆိုရင်တောင် သင်္ဘောသီးစားရမှ မဟုတ်ပါဘူးနော်။ ဖြည့်စွက်ဆေးဝါးတွေကနေလည်း ဗီတာမင်မျိုးစုံကို ဖြည့်လို့ရပါတယ်။ နောက်ဆုံးမှာချင်တာကတော့ သင်္ဘော သီးကြိုက်တဲ့ မေမေတို့ ကလေးလေးအန္တရာယ်ကင်းဖို့ သင်္ဘောသီးကို ကိုယ်ဝန်လနုတုန်း ရှောင်ကြဉ်လိုက် ပါဦးလို့  မျှဝေပေးလိုက်ပါတယ်နော် ။
Credit: Duwun
