ဖက်ဒရယ်ပြည်ထောင်စု တည်ဆောက်ရေး လှုပ်ရှားမှုများ အရှိန်မြှင့်ဆောင်ရွက်ရန် တိုင်းရင်းသားပါတီများကို UNFC တိုက်တွန်း
ဖက်ဒရယ်ပြည်ထောင်စု တည်ဆောက်ရေး လှုပ်ရှားမှုကို အရှိန်မြှင့်တင်၍ ပါဝင်ဆောင်ရွက်ရန် တိုင်းရင်းသား နိုင်ငံရေးပါတီ များဖြင့် ဖွဲ့စည်းထားသော UNA ကို ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) ဥက္ကဋ္ဌ နိုင်ဟံသာက တိုက်တွန်းပြောကြားသည်။
UNFC က ကြီးမှူး၍ ထိုင်း နိုင်ငံချင်းမိုင်၌ စက်တင်ဘာ ၂၇ ရက်မှ ၃၀ ရက်အထိ လေးရက် ကြာ ကျင်းပခဲ့သည့် Stakeholder Consultation အလုပ်ရုံဆွေး နွေးပွဲ အပိတ်မိန့်ခွန်းပြောကြားရာ တွင် နိုင်ဟံသာက ယခုကဲ့သို့ ပြော ကြားခြင်းဖြစ်သည်။ အဆိုပါအ လုပ်ရုံဆွေးနွေးပွဲသို့ တိုင်းရင်းသား ပါတီ ၁၅ ခုဖြင့် ဖွဲ့စည်းထားသည့် စည်းလုံးညီညွတ်သော တိုင်းရင်းသားလူမျိုးများ မဟာမိတ်အဖွဲ့ (UNA) မှ ကိုယ်စားလှယ်များလည်း တက်ရောက်ခဲ့သည်။
နိုင်ငံရေးပြဿနာများ ဖြေရှင်းနိုင်ရေး ဆောင်ရွက်ရာတွင် လက်နက်ကိုင်တိုက်ပွဲ နည်းလမ်းထက် နိုင်ငံရေး စားပွဲဝိုင်းပေါ်၌ ဖြေရှင်းသည့် အသွင်ကူးပြောင်း လာပြီဖြစ်ကြောင်း၊ နိုင်ငံရေးအရ ဖြေရှင်းရန် ဦးတည်နေသည့် ကာလမျိုးတွင် လူထုကြားရပ်တည် နေသည့် UNA ၏ အခန်းကဏ္ဍသည် များစွာအရေးကြီးလာပြီ ဖြစ်ကြောင်း နိုင်ဟံသာကပြောသည်။ UNFC နှင့် UNA သည် မဟာ မိတ် ဆက်ဆံရေးရှိသကဲ့သို့ ဖက်ဒ ရယ် ပြည်ထောင်စု တည်ဆောက် ရေး၌လည်း တူညီသည်ဟု ၎င်းက ဆိုသည်။
‘‘ဒီအခြေအနေမျိုးမှာ လူထုနဲ့ နီးကပ်ထိတွေ့နေတဲ့ နိုင်ငံရေးပါတီတွေက ကျွန်တော်တို့ လက်နက်ကိုင် အင်အားစုတွေထက်တော့ အများကြီးကို အပြောင်းအလဲ လုပ်နိုင်တဲ့ စွမ်းအားရှိပါတယ်။ UNA ရဲ့ လှုပ်ရှားမှုက တော်တော့်ကို ထိရောက်မယ့် ကာလမျိုးဖြစ်ပါတယ်။ လိုအပ်တဲ့အနေအထားမျိုး ဖြစ်ပါတယ်။ အဲဒီတော့ UNA ရဲ့ လှုပ်ရှားမှုကို အရှိန်မြှင့်တင်ပြီးတော့ ဒီအပြောင်းအလဲမှာ ပါဝင်လှုပ်ရှားအားဖြည့်ပေးနိုင်ဖို့ ပန်ကြားလိုက် ပါတယ်’’ ဟု နိုင်ဟံသာက ဆိုသည်။
ပြဿနာများကို စစ်ရေးနည်းဖြင့် ဖြေရှင်း၍ မရခြင်းကိုအာဏာ ရထားသူများကလည်း သိရှိနေသဖြင့် နိုင်ငံရေး အရ တွေ့ဆုံဆွေးနွေး ဖြေရှင်းနိုင်ရန် ကြိုးပမ်းနေ ကြောင်း ၎င်းကပြောသည်။ ‘‘ဒါပေမဲ့ အဲဒီလိုကြိုးပမ်းနေ တဲ့ ကာလမှာပြောမယ်ဆိုရင် တချို့အင်အားစု၊ အဓိကက တပ်မတော်အင်အားစုတွေကတော့ သူ တို့အပေါ်စီးရဖို့၊ သူတို့လိုချင်တဲ့ ပုံစံဖြစ်ဖို့ တစ်ဖက်က စစ်ရေးနည်းနဲ့ ဖိအားပေးနေတယ်’’ ဟု နိုင်ဟံသာက ၎င်း၏အမြင်ကို ပြော သည်။
တိုင်းရင်းသားအင်အားစုများ အကြားတွင်လည်း ညီညွတ်ရေးအားနည်းနေကြောင်း နိုင်ဟံသာက ထောက်ပြ သည်။ ယင်းအခြေအနေက တိုင်းရင်းသားများလိုလားသည့် အခွင့်အရေးများဆုံးရှုံး စေသည်ဟု ၎င်းကဆို သည်။ ‘‘ကျွန်တော်တို့ကတော့ အချင်းချင်းကြားမှာ နားလည်မှုကို အကောင်းဆုံးတည်ဆောက်နိုင်ဖို့ ကျွန်တော်တို့ အားလုံး ကြိုးပမ်းကြရမှာဖြစ်ပါတယ်။ အဲဒီမှာအခု ကျွန်တော်တို့ UNFC က ဒါကို ဇောင်းပေးပြီး ကြိုးပမ်းနေတာဖြစ်ပါတယ်။ အားလုံးကိုလည်း ဆက်စပ်ပေးလို့ရတဲ့ အနေအထားမျိုးဖြစ်ပါတယ်။ ကျွန်တော် တို့ကိုလည်းအကြံဉာဏ်ပေးစရာရှိရင်လည်း ပေးပါ’’ ဟု UNFC ဥက္ကဋ္ဌ က ပြောသည်။
UNFC က ကြီးမှူးကျင်းပသော Stakeholder Consultation အလုပ်ရုံ ဆွေးနွေးပွဲသို့ တိုင်းရင်းသား လက်နက်ကိုင် အဖွဲ့များ၊ တိုင်းရင်းသား နိုင်ငံရေးပါတီများ၊ အမျိုးသမီးအဖွဲ့အစည်းများအပါအဝင် လူမှုအဖွဲ့စည်းများနှင့် တတ်သိပညာရှင်များ တက်ရောက်ခဲ့ကာ နိုင်ငံရေးဆွေးနွေးရေးဆိုင်ရာကိစ္စ၊ ကာကွယ် ရေးနှင့်လုံခြုံရေးကိစ္စ၊ ဖက်ဒရယ်နှင့်ပြည်နယ် အခြေခံဥပဒေကိစ္စ၊ တရားရေးမဏ္ဍိုင် ပြုပြင်ပြောင်းလဲရေး ကိစ္စ တို့ကို ဆွေးနွေးခဲ့သည်။
UNFC အဖွဲ့ဝင်ပါတီ ၁၅ ခုသည် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)၊ ရခိုင်ဒီမိုကရေစီ အဖွဲ့ချုပ် (ALD)၊ မွန်အမျိုးသားပါတီ (MNP)၊ ဇိုမီးဒီမိုကရေစီအဖွဲ့ချုပ် (ZCD)၊ ကချင်ပြည်နယ် အမျိုးသား ဒီမိုကရေစီကွန်ဂရက် (KNCD)၊ ကယန်းအမျိုးသား ပါတီ (KNP)၊ ရှမ်းပြည်ကိုးကန့် ဒီမိုကရက်တစ်ပါတီ (SSKDP)၊ ကရင်အမျိုးသားပါတီ (KNP)၊ ရခိုင်မျိုးချစ်ပါတီ (APP)၊ မြိုအမျိုးသားဒီမိုကရေစီပါတီ (MNDP)၊ ဓနုတိုင်းရင်းသားလူမျိုးများ ဒီမိုကရေစီပါတီ (DNDP)၊ ခူမီ (ခမီး)အမျိုးသားပါတီ (KNP)၊ ချင်းဒီမိုကရေစီ အဖွဲ့ချုပ် (CLD)၊ ချင်း တိုးတက်ရေးပါတီ (CPP)၊ ရှမ်းနီ (တိုင်းလိုင်) နှင့် မြောက်ပိုင်း ရှမ်းမျိုးနွယ်စုများ သွေးစည်း ညီညွတ်ရေးပါတီ SNSP) တို့ဖြစ်သည်။
