တစ်နိုင်တစ်ပိုင်ကျောက်စိမ်းတူးဖော်ရောင်းဝယ်ခွင့်နှင့် လူထုကို ကာကွယ်နိုင်သော ဥပဒေပြဋ္ဌာန်းပေးရန် ရှမ်းစာယဉ်ကော်မတီ တောင်းဆို
ကျောက်စိမ်းထွက်ရှိရာ ဒေသဖြစ်သည့် ခန္တီးမြို့နယ် နန်စီ ပွန်ကျေးရွာတွင် ကျေးရွာအုပ်ချုပ် ရေးမှူးအပါအ၀င် ဒေသခံ ၁၁ ဦး ကို တရားမ၀င်ကျောက်စိမ်း ရောင်းဝယ်မှုဖြင့် အရေးယူပြီး နောက် တစ်နိုင်တစ်ပိုင် ကျောက်စိမ်း တူးဖော်ရောင်းဝယ်ခွင့်ပေးရန်နှင့် လူထုကို အကာအကွယ်ပေးနိုင်မည့် ကျောက်မျက်ဥပဒေ အမြန်ဆုံး ပြဋ္ဌာန်းပေးရန် ရှမ်းစာပေနှင့် ယဉ်ကျေးမှု ကော်မတီက စက်တင်ဘာ ၂၂ ရက်၌ တောင်းဆိုသည်။
အချက်လေးချက် ပါဝင်သော ကြေညာချက်တွင် ဒေသတွင်း တိုင်းရင်းသားများ၏ လူမှု ဘ၀ရပ်တည်ရေး တစ်နိုင်တစ်ပိုင် ကျောက်စိမ်းတူးဖော် လုပ်ကိုင်ခွင့်၊ တစ်နိုင်တစ်ပိုင် သယ်ယူရောင်းချပိုင်ခွင့် အခွင့်အလမ်း များကို နိုင်ငံတော်က စီစဉ်ဆောင်ရွက်ပေးရန်နှင့် ပြည်သူများကို အကာအကွယ်ပေးနိုင်မည့် ကျောက်မျက် ဥပဒေ အမြန်ဆုံးပြဋ္ဌာန်းပေးရန် တောင်းဆိုထားသည်။ ထို့အပြင် ခန္တီးမြို့သည် ရှေးပဝေသဏီကတည်းက ရှမ်းစော်ဘွားများ၏ ကိုယ်ပိုင်ပြဋ္ဌာန်းခွင့်၊ အုပ်ချုပ်ခွင့်နှင့် ဒေသတွင်း စီးပွားရေး၊ လုံခြုံရေးနှင့် နယ်မြေအေးချမ်း သာယာရေးကို ဖော်ဆောင်၍ ဒေသတွင်း သယံဇာတများကို ဖော်ထုတ်လုပ်ကိုင်ခဲ့ကြောင်း ပါရှိသည်။
ခန္တီးမြို့နယ်ရှမ်းစာပေနှင့် ယဉ်ကျေးမှုကော်မတီဒုတိယဥက္ကဋ္ဌ စိုင်းဝင်းထွဋ်က ‘‘ကျောက်မျက်ဥပဒေက တစ်နိုင်တစ်ပိုင် လုပ်ကိုင်စားသောက်နေတဲ့ လူထုနဲ့ ဌာနေတိုင်းရင်းသားတွေ အပေါ်မှာ လိုတစ်မျိုး၊ မလို တစ်မျိုးဖြစ် နေတယ်။ ဖမ်းချင်တဲ့အချိန် ဖမ်းတယ်။ သူတို့နဲ့ ပလဲနံပသင့်နေတာ တွေကျတော့ လွှတ်ပေးတယ်။ အဲဒီလို ဖြစ်နေတယ်’’ဟု ပြောကြားသည်။ တိုင်းဒေသကြီးအစိုးရနှင့် ရဲတပ်ဖွဲ့က နန်စီပွန်ကျေးရွာတွင် စက်တင်ဘာ ၁၇ ရက်က ဒေသခံ ၁၁ ဦးကို ဖမ်းဆီးခဲ့သည့်ဖြစ်စဉ် သည် ဒေသတွင်း တရားမ၀င် ကျောက်စိမ်းရောင်းဝယ်မှုနှင့် အထောက်အထားမရှိသော ရေမဆေးကျောက်ရှာဖွေသူများ ၀င်ရောက်လာမည့် အခြေအနေကို ထိန်းချုပ်လို၍ ဖြစ်ကြောင်း စစ်ကိုင်းတိုင်း ဒေသကြီးအစိုးရ သစ် တောနှင့် သယံဇာတ၀န်ကြီး ဦးကံ ဇာမုံက ပြောသည်။
‘‘သူ့ဥပဒေနဲ့ သူ့ဘာသာသူ လာမှာပေါ့။ တရားမ၀င် ကျောက် စိမ်းရောင်းဝယ်တာတွေ ထိန်းချုပ် ချင်လို့ပါ’’ဟု ဦးကံဇာမုံက ပြောသည်။ စစ်ကိုင်းတိုင်းဒေသကြီး ရဲတပ်ဖွဲ့မှူး ရဲမှူးကြီး လူလူသန်းက စက်တင်ဘာ ၁၇ ရက်က ဖမ်းဆီးခဲ့သူများသည် ဒေသတွင်းတရား မ၀င်ကျောက်စိမ်းရောင်းဝယ်မှုကို အဓိက လုပ်ဆောင်နေ သူများ ဖြစ်နိုင်ပြီး ရေမဆေးကျောက် ရှာဖွေသူများကို နောက်ကွယ်မှ ပံ့ပိုးပေးသူဟု ယူဆရသူများဖြစ်ကြောင်း ပြောသည်။ ယင်းနေ့က ဖမ်းဆီးရာတွင် ခန္တီးမြို့နယ်ဒေသ တွင်း ရဲတပ်ဖွဲ့ဝင်များ မပါဝင်ဘဲ နေပြည်တော်နှင့် တိုင်းဒေသကြီး အဆင့် ရဲတပ်ဖွဲ့ဝင်များ ပါဝင်သည်။ အမျိုးသားလွှတ်တော်၌ ပြီးခဲ့သည့် သြဂုတ် ၃ ရက်က အတည်ပြုသည့် ကျောက်မျက်ရတနာ ဥပဒေတွင် တစ်နိုင်တစ်ပိုင် ကျောက်စိမ်းတူးဖော်ရောင်းဝယ်လိုသူ ဒေသခံများ၏ အခွင့်အလမ်းမပါဝင်ဟုဆိုကာ ယင်းဥပဒေ အပေါ် ကန့်ကွက်မှုအချို့ရှိနေသည်။
