မြန်မာလုပ်သားနှစ်ဦး၏ နောက်ဆုံးအယူခံကို ထိုင်းတရားရုံး လက်ခံကြားနာမည်
လိပ်ကျွန်းလူသတ်မှုဖြင့် သေဒဏ်ကျခံနေသော မြန်မာလုပ်သားနှစ်ဦး၏ အမှုအတွက် နောက်ဆုံးတင်သွင်းသည့် အယူခံကို ထိုင်းနိုင်ငံ အယူခံတရားရုံးက စက်တင်ဘာ ၁၈ ရက်တွင် လက်ခံခဲ့သည်။ မြန်မာလုပ်သား နှစ်ဦးအတွက် နောက်ဆုံး တင်သွင်းထားသော အယူခံကို လက်ခံခြင်းရှိ၊ မရှိထိုင်းနိုင်ငံ အမှတ် (၈) အယူခံတ ရားရုံးက တစ်လခန့် စစ်ဆေးပြီး နောက်ယခုကဲ့သို့ လက်ခံခြင်းဖြစ် ကြောင်း ထိုင်းနိုင်ငံရှေ့နေများ ကောင်စီမှ ထိုင်းအမျိုးသမီးရှေ့နေ ဖီအန်ဖွန်က ပြောသည်။
‘‘တင်ထားတဲ့ အယူခံကို တရားလိုဘက်ကလည်း ကန့်ကွက်တဲ့ အယူခံတင်ဖို့ရှိပါတယ်’’ ဟု ၎င်းက ပြောသည်။ သေဒဏ်ကျခံနေသော မြန်မာလုပ်သားနှစ်ဦးအမှုအတွက် နောက်ဆုံး တင်သွင်းရမည့် အယူခံကို မြန်မာ လုပ်သားနှစ်ဦး၏အကျိုးဆောင် ထိုင်းနိုင်ငံရှေ့နေများ ကောင်စီက သြဂုတ် ၂၁ ရက်တွင် ထိုင်းနိုင်ငံ ကော့စမွီ တရားရုံးသို့ တင်သွင်းထားသည်။
ထိုင်းနိုင်ငံဥပဒေသည် အပြောင်းအလဲရှိ၍ အကောင်းဆုံးမျှော်လင့်ထားကြောင်း ထိုင်းနိုင်ငံ ရှေ့နေများကောင်စီမှ ထိုင်းအမျိုး သမီးရှေ့နေ စုဖန်ဖာမရမ်က ပြောသည်။ မြန်မာလုပ်သား နှစ်ဦး၏အ ကျိုးဆောင် ရှေ့နေများ ဖြစ်သော ထိုင်းနိုင်ငံရှေ့နေများကောင်စီမှ ရှေ့နေများသည် စာမျက်နှာ ၃၁၈ မျက်နှာပါရှိသော အယူခံကို ငါးကြိမ်မြောက် အယူခံတင်ရက် တိုးတောင်း၍ တင်သွင်းခဲ့သည်။ နောက်ဆုံးအယူခံတင်သွင်းမှု အမိန့် ဆုံးဖြတ်ချက်ကို အနည်း ဆုံးတစ်နှစ်ကြာ စောင့်ဆိုင်းရမည် ဖြစ်ကြောင်း ရှေ့နေ စုဖန်ဖာမရမ်က ပြောသည်။
ယခု နောက်ဆုံးအယူခံရှုံးနိမ့်ပါက မြန်မာလုပ်သားနှစ်ဦး အနေဖြင့် ထိုင်းဘုရင်မင်းမြတ်ထံ အသနားခံစာ တင်ရန် သာရှိတော့သည်။ နောက်ဆုံးအယူခံတွင် မြန်မာအကြံပေးအဖွဲ့ကပေးပို့ သည့်အချက်နှင့်ထိုင်းနိုင်ငံ ရှေ့နေများကောင်စီက ရွေးချယ်ထားသည့် အချက်များကို စုပေါင်းတင်ပြထားသည်။ မြန်မာလုပ်သားနှစ်ဦး၏ သေဒဏ်အမိန့်နှင့် ပတ်သက်၍ ပထမဆုံး အယူခံတင်သွင်းမှုကို ထိုင်းနိုင်ငံအယူခံ အောက်တရားရုံးက ၂၀၁၇ ဖေဖော်ဝါရီ ၂၃ ရက်တွင် ပယ်ချပြီး သေဒဏ်ကို ဆက်လက်အတည်ပြုခဲ့သည်။ ယခုအခါ အဆိုပါအမိန့် အတွက် နောက် ဆုံးအယူခံတင်သွင်းမှုကို ထိုင်းအ ယူခံတရားရုံးက လက်ခံကြားနာ မည်ဖြစ်သည်။
ထိုင်းနိုင်ငံသို့ လာရောက် လည်ပတ်သော အသက်(၂၄)နှစ် အရွယ် ဗြိတိန်နိုင်ငံသား ဒေးဗစ် မီလာနှင့် (၂၃)ှစ်အရွယ် ဟန်နာ ဝစ်သာရစ်ခ်ျတို့သည် ၂၀၁၄ စက် တင်ဘာ ၁၄ ရက် ညဥ့်သန်းခေါင် တွင် ထိုင်းနိုင်ငံ တောင်ပိုင်းဆူရတ် ဌာနီခရိုင်ခိုတောင်ကျွန်း(လိပ်ကျွန်း)၌ အသတ်ခံရပြီး မြန်မာလုပ်သား ဇော်လင်းနှင့် ဝင်းဇော် ထွန်း တို့ကို လူသတ်မှု၊ မုဒိမ်းမှု၊ လုယက်မှုအပါအဝင် ပုဒ်မခုနစ်ခုဖြင့် ဖမ်းဆီးခဲ့သည်။
