မနက်စောစော ရေနွေးပူပူတစ်ခွက် သောက်ခြင်းရဲ့ အကျိုးကျေးဇူး ၅ ခု
မနက်စောစောမှာ ရေနွေးသောက်ခြင်းရဲ့ အကျိုးကျေးဇူးတွေကို ဖော်ပြ ပေးသွားမှာဖြစ်ပါတယ်။
(၁) အိုမင်းရင့်ရော်မှုကို တားဆီးပေးခြင်း။ အရွယ်မတိုင်ခင် အိုမင်းရင့်ရော်တာကို ဘယ်သူမှတော့ မလိုချင်ကြ ပါဘူး။ အဆိပ်ဓာတ်များနေတဲ့ ခန္ဒာကိုယ်ကတော့ အိုမင်းမှုကို အလျင်အမြန်ဖြစ်ပေါ်စေပါတယ်။ ရေနွေး သောက်ခြင်းက ခန္ဒာကိုယ်မှာရှိနေတဲ့ အဆိပ်ဓာတ်အစုအဝေးကို ဖယ်ရှားပေးတဲ့အပြင် အရေပြားဆဲလ်တွေကို လည်း ပြုပြင်ပေးပြီး အသားအရေကို တင်းရင်းစေပါတယ်။
(၂) နာကျင်မှုတွေကို လျှော့ချပေးတယ်။ ကြွက်သားနာကျင်မှုတွေ ဖြစ်တဲ့အခါ ရေနွေးနဲ့ ကပ်ပေးသလိုပါပဲ။ ရေနွေးသောက်ခြင်းကလည်း ကိုယ်တွင်းနာကျင်မှုတွေ သက်သာစေပါတယ်။ အစာအိမ်ကြွက်သားတွေ တင်းမာမှုကို လျှော့ချပေးပြီး အမျိုးသမီးတွေအတွက် ဓမ္မတာလာစဉ် နာကျင်မှုကိုလည်း သက်သာစေပါတယ်။ ကြွက်သားတွင်း သွေးလည်ပတ်မှုကိုလည်း ပိုကောင်းသွားစေပါတယ်။
(၃) ကိုယ်အလေးချိန်လျော့ကျစေတယ်။ သင့်အနေနဲ့ ဝိတ်ချနေတယ်ဆိုရင်တော့ မနက်စောစော ရေနွေး တစ်ခွက်လောက်သောက်တာက အကျိုးပြုပါလိမ့်မယ်။ ရေနွေးဟာ သင့်ကိုယ်အပူချိန်ကို မြင့်လာစေလို့ ဇီဝကမ္မဖြစ်ပျက်နှုန်းကိုလည်း မြန်ဆန်စေပါတယ်။ မြန်ဆန်ခြင်းရဲ့ အကျိုးဆက်ကတော့ ကယ်လိုရီတွေကို လည်း မြန်မြန်လောင်ကျွမ်းသွားစေပါတယ်။ ဒါ့ကြောင့် ရေနွေးသောက်ခြင်းက ဝိတ်ကျစေပါတယ်။ အစာချေ ဖျက်နှုန်းကိုလည်း မြင့်တက်စေတာကြောင့် စားတိုင်း အစာကြေလွယ်ပြီး ခန္ဒာကိုယ်ကို အထောက်အကူပေး မှာပါ။
(၄) သွေးလှည့်ပတ်မှု ကောင်းစေတယ်။ အာရုံကြောတွင်း အညစ်အကြေးတွေနဲ့ အဆီတွေဟာ ရေနွေး သောက်လိုက်တဲ့အချိန်မှာ အားလုံး အပြင်ကိုစွန့်ထုတ်ဖို့ အသင့်ဖြစ်သွားပါလိမ့်မယ်။ အခုလို အဆိပ်ဓာတ်တွေ လျော့သွားတာဟာ သွေးလှည့်ပတ်မှုကို အထောက်အကူပြုပြီး ကြွက်သားတွင်းကိုလည်း သွေးများများရောက် စေပါတယ်။ ဒါ့ကြောင့် အိပ်ချင်စိတ်ကိုလည်း ထ်ိန်းပေးနိုင်တယ်လို့ သိရပါတယ်။
(၅) ဝမ်းမှန်စေတယ်။ ဝမ်းချုပ်သလို ခံစားနေရရင်တော့ ရေနွေးနှစ်ခွက်လောက် မနက်အစောပိုင်းမှာ သောက် ပေးသင့်ပါတယ်။ ဝမ်းချုပ်တယ်ဆိုတာကတော့ အစာအိမ်ဟာ ရေဓာတ်ခမ်းပြီး အလုပ်ပုံမှန် မလုပ်တော့လို့ပါ။ Bowel movement ဆိုတဲ့ လှုပ်ရှားမှုကို အစာအိမ်က မပြုလုပ်ချိန်မှာတော့ ဝမ်းချုပ်ခြင်း ဖြစ်လာပါတယ်။ ရေနွေးဟာ Bowel လှုပ်ရှားမှုကို ပုံမှန်ပြန်ဖြစ်စေပြီး ဝမ်းကို ပြန်မှန်စေပါတယ်။ အစာအိမ် ကြွက်သားတွေ အလုပ်ပုံမှန်ပြုလုပ်အောင်တော့ ရေနွေးကို ပုံမှန်သောက်သုံးပေးသင့်ပါတယ်။ အထက်ပါ အကြောင်းအရာတွေ ဟာ ဘာမှခတ်မထားတဲ့ ရေနွေး တစ်နည်းအားဖြင့် ရေနွေးဖြူကို ဆိုလိုခြင်း ဖြစ်ပါတယ်။ ( Mocha )
