တောင်တရုတ်ပင်လယ်တွင် ပင်လယ်ရေအောက် စူးစမ်းလေ့လာမှုများပြုလုပ်မည့် တရုတ်ရေငုပ်သင်္ဘောငယ် ရေချ
တောင်တရုတ်ပင်လယ်တွင် နောက်ကျိနေသော ပင်လယ်ရေစီးကြောင်းအောက် စူးစမ်းလေ့လာမှုများ ပြုလုပ်ပေးမည့် တရုတ်နိုင်ငံ၏ လူလိုက်ပါစီးနင်းနိုင်သည့် ရေငုပ်သင်္ဘောငယ် Jiaolong ကို မေလ ၆ ရက်က ရေချခဲ့ကြောင်း သိရသည်။
အဆိုပါ Jiaolong ရေငုပ်သင်္ဘောငယ် သည် ၃၈ ကြိမ်မြောက် ပင်လယ်သမုဒ္ဒရာ သိပ္ပံပညာဆိုင်ရာ စူးစမ်း လေ့လာမှု ဒုတိယအဆင့်အဖြစ် ၇ ကြိမ် ရေငုပ်ခဲ့စဉ်အတွင်း ပင်လယ်ရေပြင်အောက် အများဆုံး အနက် ၂၉၈ဝ မီတာတွင် ကြာချိန် ၉ နာရီ ၅၄ မိနစ်ထိ လှည့်လည် မောင်းနှင်ခဲ့ကြောင်း သိရသည်။
မေလ ၆ ရက်က ရေချခဲ့သော Jiaolong ရေငုပ်သင်္ဘောပေါ်တွင် သင်္ဘောသား ၃ ဦးလိုက်ပါသွားပြီး ၎င်းတို့ သည် ပင်လယ်ရေအောက်တိုင်းတာခြင်းများ ၊ အသံလှိုင်းဖမ်းယူခြင်း နှင့် သဘာဝပတ်ဝန်းကျင် လေ့လာခြင်း များကို ပြုလုပ်ကြမည်ဖြစ်သည်။ ထို့ပြင် နုန်းအနည်အနှစ်နှင့် ပင်လယ်ရေ နမူနာများကို ယူဆောင်ပေးခြင်း၊ ပင်လယ်ရေအောက်မြင်ကွင်းဓာတ်ပုံများနှင့် ဗီဒီယိုဖိုင်များကို အရည်အသွေးမြင့် HD ပုံရိပ်များ ရိုက်ကူးပေးခြင်း တို့လည်း လုပ်ဆောင်ပေးမည်ဖြစ်သည်။
တရုတ်နိုင်ငံ၏ ပင်လယ်သမုဒ္ဒရာဆိုင်ရာ Ocean တက္ကသိုလ်မှ ပါမောက္ခ Xu Jingping က တရုတ်နိုင်ငံ အနေဖြင့် နောက်ကျိနေသော ပင်လယ်ရေစီးကြောင်းအောက် မောင်းနှင်နိုင်သည့် ရေငုပ်သင်္ဘောဖြင့် ဆွဲငင်အားနှင့် ရွေ့ ရှားမှုဆိုင်ရာ သဘာဝသိပ္ပံပညာရပ်တွင် အဓိကစိန်ခေါ်မှုတစ်ခုကို သိရှိနိုင်ရန် သုတေသန လုပ်ငန်း စတင်လုပ်ဆောင်နေပြီဖြစ်ကြောင်း ပြောကြားခဲ့သည်။
“ ရေငုပ်သင်္ဘောဟာ အရှေ့ မြောက် တောင်တရုတ်ပင်လယ်ပြင်က နောက်ကျိပင်လယ်ရေစီးကြောင်းတွေရဲ့ နုန်းအနည်အနှစ်တွေ နဲ့ ပင်လယ်ရေအောက်မြေပြင်ပုံရိပ် သက်သေအထောက်အထားတွေကို စုဆောင်းပေးဖို့  ကျနော်တို့ကို အကူအညီပေးမှာပါ။ အဲဒီဒေသမှာရှိတဲ့ သိပ္ပံပညာရှင်တွေ အတွက် ပေါကြွယ်လှတဲ့ သဘာဝ အရင်းအမြစ်တွေ၊ အဓိကအချက်အလက်တွေကို စုဆောင်းပေးမှာဖြစ်သလို အနာဂတ်သုတေသနလုပ်ငန်းတွေ အတွက်လည်း နည်းပညာဆိုင်ရာ ထောက်ပံ့မှုတွေကိုလည်း ပေးနိုင်မှာဖြစ်ပါတယ် ” ဟု Xu က ပြောကြားခဲ့ သည်။ (Xinhua)
