မြန်မာနိုင်ငံသားများအတွက် ဦးသန်းဌေး၏နှစ်သစ်ဆုတောင်း
မကြာမီတွင် မြန်မာသက္ကရာဇ်နှစ်ဟောင်းလွန်မြောက်၍ နှစ်သစ်တစ်ခုသို့ ကူးပြောင်းရောက်ရှိပါတော့မည်။ နှစ်ဟောင်း နှစ်သစ် ကူးပြောင်းခြင်းဆိုသည်မှာ လူတို့၏သတ်မှတ်ချက်မျှသာဖြစ်ပါ၏။ တရားကိုယ်သဘောကား မည်သို့သော တန်ခိုးရှင်၊ ဖန်ဆင်းရှင်၊ အာဏာရှင်ကမျှ ရပ်တန့်ထားနိုင်စွမ်းမရှိသည့် ”အချိန်”ဟူသော ကာလယန္တရားကြီး တိုက်စားဝါးမျိုနေခြင်းမျှသာ….။
သင်ကြိုက်သည်ဖြစ်စေ၊ မကြိုက်သည်ဖြစ်စေ ရုပ်ခန္ဓာမချုပ်ငြိမ်းသေးသမျှ နေ့သစ်များစွာ နှစ်သစ်များစွာကို မနက်ဖြန်များစွာ တွင် ကြုံရပါမည်။ ပြီးတော့ ဟောင်းအိုကုန်ဆုံးကြလေဦးမည်။
လူဆိုသည်က နေ့စဉ်ဘဝမှာ အကောင်းတကာ့ အကောင်းဆုံးတွေကိုသာ အလိုရှိကြသည်။ ဆုတောင်း ဆုယူပြုရာတွင်ပင် ”စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံပါရစေ”ဟု ဆုပေးတော့ ”စိတ်၏ချမ်းသာခြင်း ကိုယ်၏ကျန်းမာခြင်းနှင့် ပြည့်စုံပါစေ”ဟုဆိုလေ့ရှိကြသူများ၊ ကုန်လွန်တော့မည့် တစ်နှစ်တာမှာ မျှော်လင့်ခဲ့သည့် အကောင်းဆုံးတွေရခဲ့ကြပါပြီလား။ မရသေး ပါလျှင်- မနက်ဖြန်ပေါင်းများစွာ၊ နှစ်သစ်ပေါင်းများစွာ ရှေ့မှာစောင့်ကြိုနေပါ၏၊ မိမိအနာဂတ်အတွက် ဖန်ဆင်းရှင်သည် မိမိကိုယ်တိုင်သာဖြစ်ပါ၏။ လူသာမန်ထက် ထူးခြားသောကယ်တင်ရှင်လည်းအမှန်မရှိပါ။ ကိုယ်တိုင်ပညာဥာဏ်နှင့် အားထုတ်မှုကသာ အခရာကျပါသည်။ အစားထိုးမရသော ”အချိန်”တွေ လျင်မြန်စွာကုန်ဆုံးနေတာကိုလည်း သတိပြုသင့်ကြပါ၏။
”နှစ်သစ်တွင် သင်တို့ ကျွန်ုပ်တို့နေထိုင်ရာ ဤနိုင်ငံသည် လောကပါလတရားများနှင့် ပြည့်စုံသော၊ အေးချမ်းတည်ငြိမ်သော၊ ချမ်းသာကြွယ်ဝသော၊ ဇာတိဂုဏ်မြင့်မားသော၊ သာသနာရောင်ဝါ ထွန်းတောက်သော နိုင်ငံတော်ကြီးဖြစ်ပါစေဟု တောင်းဆုပြုပါ၏”၊ စုပေါင်းအားဖြင့် အကောင်အထည်ဖော်ကြမည့် ပညာ၊ သုတ၊ ဝီရိယ အားကောင်းသော နိုင်ငံသူ နိုင်ငံသားများ ဖြစ်ကြပါစေခင်ဗျား။
ဦးသန်းဌေး
မြန်မာသက္ကရာဇ် ၁၃၇၉ခုနှစ် နှစ်သစ်အတွက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးက ၄င်း၏ လူမှု ကွန်ရက်(ဖေ့စ်ဘုတ်)စာမျက်နှာတွင်ဖော်ပြထားသော နှစ်သစ်ဆုတောင်းကို ပြည်သူများဖတ်ရှုနိုင်ရန် ဖော်ပြပေးလိုက်ပါသည်။
အယ်ဒီတာ
