မြန်မာနိုင်ငံအနေဖြင့် လူသားဖွံ့ဖြိုးမှုဆိုင်ရာ အလယ်အလတ်အဆင့်သို့ မြင့်တက်လာသော်လည်း အာရှ ပစိဖိတ်နိုင်ငံများတွင် နိမ့်ကျနေဆဲဖြစ်ကြောင်း ကုလသမဂ္ဂ အစီရင်ခံစာ တစ်စောင်၌ ဖော်ပြ
မြန်မာနိုင်ငံအနေဖြင့် လူသားဖွံ့ဖြိုးမှုဆိုင်ရာ အလယ်အလတ်အဆင့်သို့ မြင့်တက်လာသော်လည်း အာရှ ပစိဖိတ်နိုင်ငံများတွင် နိမ့်ကျနေဆဲဖြစ်ကြောင်း ၂၀၁၆ ခုနှစ် ကမ္ဘာလုံးဆိုင်ရာ လူသားဖွံ့ဖြိုးမှု အစီရင်ခံစာနှင့် ပတ်သက်သည့် သတင်းစာရှင်းလင်းပွဲမှ သိရသည်။
မြန်မာနိုင်ငံအနေဖြင့် လူသားဖွံ့ဖြိုးမှုအညွှန်းကိန်း (HDI) သည် မြင့်တက်လာခဲ့ပြီး အဆင့်သတ်မှတ်ချက် တွင် နိုင်ငံပေါင်း ၁၈၈ နိုင်ငံတွင် ၁၄၅၊ လူသားဖွံ့ဖြိုးမှုဆိုင်ရာ အလယ်အလတ်အဆင့်သို့ ရောက်ရှိလာ ကြောင်း အဆိုပါအစီရင်ခံစာနှင့်ဆိုင်သည့် သတင်းထုတ်ပြန်ချက်တွင် ဖော်ပြထားသည်။
မြန်မာနိုင်ငံရဲ့ တိုးတက်လာတဲ့ HDI ရမှတ်တွေဟာ အရှေ့တောင်အာရှ နိုင်ငံတွေရဲ့ ပျမ်းမျှနဲ့ နှိုင်းယှဉ်မယ်ဆိုရင် ကွာဟမှုတွေ ရှိနေပါသေးတယ်။ မိခင်နဲ့ကလေး ကျန်းမာရေး၊ ငါးနှစ်အောက် ကလေး သေဆုံးမှုနဲ့ ဆိုင်တဲ့ ကိစ္စတွေ၊ လုပ်ကိုင်ဆောင်ရွက်မှု၊ အရှေ့တောင်အာရှ အတိုင်းအတာနဲ့ ကြည့်လိုက်မယ်ဆိုရင် နိမ့်ကျနေသေးတယ်၊ အားနည်းနေသေးတယ် ဆိုတာကို တွေ့ရပါတယ်။ မြန်မာနိုင်ငံရဲ့ အစဉ်အလာအရ ဖြစ်နေတဲ့ လူမှုကဏ္ဍမှာ ရင်းနှီးမြှုပ်နှံမှု အားနည်းခြင်းဟာ ဒီလို အခက်အခဲတွေ ဖြစ်နေရတဲ့ အကြောင်းရင်း ဖြစ်ပါတယ်” ဟု ကုလသမဂ္ဂဌာနေနှင့် လူသားချင်း စာနာထောက်ထားမှုဆိုင်ရာ ညှိနှိုင်းရေးမှူးနှင့် UNDP ဌာနေကိုယ်စားလှယ် ရီနားတားဒက်စ်ဆယ်လီယန်က ဆိုသည်။
အကောင်အထည်ဖော်မှုနှင့် ပတ်သက်ပြီး သတင်းအချက်အလက်များ ပေးရန် ပိုမိုကောင်းမွန်သော လေ့လာဆန်းစစ်မှုများ ပြုလုပ်ရန်နှင့် ပြည်သူများ ပူပေါင်းပါဝင်မှု ရှိခြင်းကဲ့သို့သော နယ်ပယ်များ တွင် တိုးတက်မှု ရှိလာစေရန်အတွက် အစီရင်ခံစာက တောင်းဆိုထားသည်။ နေရာ၊ ကျားမ၊ လူမှုစီးပွားရေး အဆင့်အတန်းနှင့် လူမျိုးစု စသည့် သွင်ပြင်လက္ခဏာရပ်များနှင့် ပတ်သက်ပြီး အသေးစိတ် ခွဲခြားထားသည့် အချက်အလက်များသည် HDI မှ နောက်ကျကျန်ရစ်ခဲ့သည်များကို ဖော်ထုတ်ရန် အရေးကြီးကြောင်း အစီရင်ခံစာက ဆိုထားသည်။
“အစိုးရကို တိုက်တွန်းလိုတာက ပိုမိုပြီးတော့ လူသားဖွံ့ဖြိုးတိုးတက်မှု လုပ်ငန်းတွေကို ဆောင်ရွက်ဖို့နဲ့ စဉ်ဆက်မပြတ် ဖွံ့ဖြိုးတိုးတက်ရေး လမ်းကြောင်းကို လျှောက်လှမ်းတဲ့ အခါမှာလည်း ပိုမိုပြီး အရှိန်အဟုန်မြှင့် ဆောင်ရွက်ဖို့ လိုပါတယ်။ အဲဒီလို လုပ်ကိုဖို့ မူဝါဒပိုင်းဆိုင်ရာကလည်း တိကျတဲ့ မူဝါဒတွေ ဆောင်ရွက်ဖို့လိုပြီး ဘတ်ဂျက်ခွဲဝေမှု အပိုင်း၊ အဖွဲ့အစည်းတွေရဲ့ ပူးပေါင်းပါဝင် ဆောင်ရွက်မှု ပိုမိုပြီးတော့ လုပ်ဆောင်ကာ စိန်ခေါ်မှုတွေကို ကျော်လွှားနိုင်ဖို့ လိုအပ်ပါတယ်” ဟု ကုလသမဂ္ဂဌာနေနှင့် လူသားချင်း စာနာထောက်ထားမှုဆိုင်ရာ ညှိနှိုင်းရေးမှူးနှင့် UNDP ဌာနေ ကိုယ်စားလှယ်ဖြစ်သူ ရီနားတား ဒက်စ်ဆယ်လီယန်က ပြောကြားသည်။
အဆိုပါ အစီရင်ခံစာတွင် မြန်မာနိုင်ငံ၏ HDI ရမှတ်သည် ၀ ဒသမ ၅၅၆ ဖြစ်ပြီး အရှေ့အာရှနှင့် ပစိဖိတ်ဒေသအတွက် ပျမ်းမျှရမှတ် ၀ ဒသမ ၇၂ တို့ကြားတွင် ကွာဟချက် ရှိနေဆဲဖြစ်ကြောင်း ဆိုထားသည်။ ထို့ပြင် အာရှပစိဖိတ်ဒေသရှိ တိုးတက်မှုသည် လူတိုင်း အကျိုးကျေးဇူး မခံစားရသေးကြောင်း၊ ယင်းသည် အခွင့်အရေး ဆုံးရှုံးနေသော လူအုပ်စုအချို့ အထူးသဖြင့် အမျိုးသမီးများ၊ တိုင်းရင်းသား လူနည်းစုများနှင့် ဝေးလံခေါင်သီသော နေရာဒေသများတွင် နေထိုင်သူများအပေါ် အချိုးအစား မညီမျှစွာ သက်ရောက်မှုရှိနေကြောင်း ဆိုထားသည်။
ပြီးခဲ့သည့် ငါးနှစ်အတွင်းက မြန်မာနိုင်ငံ၏ HDI ရမှတ်သည် ပုံမှန်တိုးတက်လာကြောင်း၊ တိုးတက်မှုမှာ ၅ ဒသမ ၇ ရာခိုင်နှုန်းခန့် ရှိကြောင်း၊ မြန်မာနိုင်ငံနှင့် ကမ္ဘောဒီးယား နိုင်ငံနှစ်နိုင်ငံလုံးသည် ၂၀၀၀-၂၀၁၀ ပြည့်နှစ်တာ ကာလအတွင်း နှစ်စဉ် ပျှမ်းမျှတိုးတက်မှုတွင် အတော်အသင့် တိုးတက်မှု ရှိလာကြောင်း၊ သို့သော် ၂၀၁၀-၂၀၁၅ ခုနှစ်အတွင်း သိသိသာသာ ကျဆင်းလာကြောင်း ဆိုထားသည်။
“မြန်မာနိုင်ငံဟာ ရမှတ်တိုးတက်လာတာဟာ ကောင်းမွန်တဲ့ အခြေအနေ ဖြစ်ပါတယ်။ တခြားနိုင်ငံတွေနဲ့ နှိုင်းယှဉ်ရင် မြန်မာနိုင်ငံရဲ့ အခြေအနေဟာ နည်းနည်းလေး နိမ့်ကျနေသေးတယ် ဆိုတာကို တွေ့ရပါတယ်။ မြန်မာနိုင်ငံ အနေနဲ့ တခြားအာရှပစိဖိတ် နိုင်ငံတွေကို လိုက်မီဖို့အတွက် ကြိုးပမ်းအားထုတ်မှုတွေ အများကြီး လုပ်ဖို့ လိုအပ်နေပါသေးတယ်” ဟု UNDP ၏ စီးပွားရေးအကြံပေး သောမက်စ်ကရင်းက ပြောကြားသည်။
# Eleven
