တောင်ကိုရီးယား သမ္မတ ရာထူးမှ ဖယ်ရှားခံရပြီးနောက် ပထမဆုံးအကြိမ် တရားရုံး ရောက်လာသည့် ပက်ခ်ဂွမ်ဟေး
တောင်ကိုရီးယား သမ္မတ ရာထူးမှ ဖယ်ရှားခံရပြီးနောက်ပိုင်း ပက်ခ်ဂွမ်ဟေးသည် ပထမဆုံးအကြိမ်အဖြစ် တရားရုံးတွင် စစ်ဆေးကြားနာမှု ခံယူခဲ့ကြောင်း သိရသည်။
ပက်ခ်သည် အထူးခုံရုံး ဆုံးဖြတ်ချက်အရ နိုင်ငံသမိုင်းတွင် ဒီမိုကရေစီ နည်းလမ်းဖြင့် တင်မြှောက်ခံရသည့် သမ္မတများအနက်ရာထူးမှ ပထမဆုံး ဖယ်ရှားခံရသူအဖြစ် မှတ်တမ်းဝင်ခဲ့သည်။ သူမသည် မိတ်ဆွေ ရင်းချာ တစ်ဦးဖြစ်သူ ချွိုင်ဆွန်ဆီလ်၏ လာဘ်ပေးလာဘ်ယူမှုနှင့် အကျင့်ပျက်မှု အရှုပ်တော်ပုံတွင် ဆက်စပ် မိရာမှ သမ္မတရာထူး စွန့်လွှတ်ရသည်အထိ အခြေအနေဆိုးများ ကြုံခဲ့ခြင်း ဖြစ်သည်။
အတိုက်အခံ အင်အားစုများက ပက်ခ်ကို အမြန်ဆုံး တရားစွဲဆိုရန် ဖိအားပေးတောင်းဆိုခဲ့ကြပြီးနောက် ပြီးခဲ့သည့် သီတင်းပတ်တွင် အမှုစစ်ဆေးခြင်း ခံယူရန် ဆိုးလ်မြို့ရှိ အစိုးရရှေ့နေများက ပက်ခ်ထံသို့ သမန်စာပေးပို့ခဲ့သည်။
မတ် ၂၁ ရက်တွင် ဆိုးလ်မြို့ရှိ တရားရုံးရှေ့သို့ ဆိုက်ရောက်လာချိန်၌ ပက်ခ်က ယခုအခြေအနေအပေါ် သူမအနေဖြင့် စိတ်မကောင်းဖြစ်ရကြောင်း သတင်းထောက်များကို ပြောကြားခဲ့သည်။ ပက်ခ်သည် အာဏာရ သမ္မတအနေဖြင့် စွဲချက်များမှ ကင်းလွတ်ခွင့် ရခဲ့သော်လည်း တရားရုံးက သူမကို သမ္မတရာထူး မှ ဖယ်ရှားရန် ဆုံးဖြတ်လိုက်ချိန်တွင် တရားရုံးတင် စစ်ဆေးခံရတော့မည် ဖြစ်သည်။
မတ် ၂၁ ရက် နံနက်ပိုင်းက ပက်ခ်ကို လိုလား ထောက်ခံသူများက ဆိုးလ်မြို့ ဆင်ခြေဖုံး ရပ်ကွက်ရှိ သူမ၏ နေအိမ်ရှေ့တွင် စုရုံးစောင့်ဆိုင်းနေခဲ့ကြသည်။ ပက်ခ်သည် လုံခြုံရေးယာဉ်တန်းနှင့်အတူ နေအိမ်မှ တရားရုံး သို့ ထွက်ခွာလာပြီး ရဲတပ်ဖွဲ့ဝင်များက သူမကို ခြံရံစောင့်လျှောက် ခေါ်ဆောင်လာသည်။ ပက်ခ်၏ နေအိမ်မှ တရားရုံးထိ ခရီးတိုလေးကို ပြည်တွင်းမီဒီယာများက တိုက်ရိုက် ရိုက်ကူး ထုတ်လွှင့် ပြသခဲ့ကြသည်။
ပက်ခ်သည် ချွိုင်နှင့်ဆက်စပ်၍ အမှုပွေရာမှ ပြည်သူလူထုထောက်ခံမှု ဆိုးဆိုးရွားရွား ကျဆင်းသွားခဲ့ပြီး မတ် ၁၀ ရက်တွင် သူမကို ရာထူးမှဖယ်ရှားကြောင်း အထူးခုံရုံးဆုံးဖြတ်ချက်ကို ဆိုးလ်မြို့တွင် လူပေါင်းထောင် သောင်းချီ စုရုံး အောင်ပွဲခံခဲ့ကြသည်။ သို့သော် သူမကို ထောက်ခံသူများက ဥပဒေပြု ခုံရုံးရှေ့တွင် ဆန္ဒပြ ကန့်ကွက်ရာမှ အဓိကရုဏ်း အခြေအနေအချို့ ဖြစ်ပေါ်ပြီး လူနှစ်ဦး သေဆုံးခဲ့သည်။
လတ်တလောတွင် တောင်ကိုရီးယား၌ ရွေးကောက်ခံ သမ္မတ မရှိသေးဘဲ ယာယီသမ္မတကသာ တာဝန်ယူ အုပ်ချုပ်နေပြီး မေ ၉ ရက်တွင်မူ ရွေးကောက်ပွဲ ကျင်းပရန် စီစဉ်ထားပြီး ဖြစ်သည်။ Ref: BBC
