ထင်ပေါ်ကျော်ကြားတဲ့ ပုဂ္ဂိုလ်တွေ အမျိုးသားရေး မေ့နေတယ်လို့ ပြည်ခိုင်ဖြိုး ဥက္ကဌပြော
ထင်ပေါ်ကျော်ကြားတဲ့ ပုဂ္ဂိုလ်တွေ၊ နိုင်ငံရေးပါတီတွေနှင့် အဖွဲ့အစည်းတွေသည် ဒီမိုကရေစီရေး ကို တအား ပြောကြသော်လည်း အမျိုးသားရေးကိုမူ မေ့ထားကြောင်း ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဌ ဦးသန်းဌေးကပြောသည်။
“သိပ်ပြီးတော့ ထင်ပေါ်ကျော်ကြားလာတဲ့ ပုဂ္ဂိုလ်တွေ၊ နိုင်ငံရေးပါတီတွေ၊ အဖွဲ့အစည်းတွေ အဲ့ပုဂ္ဂိုလ်တွေအားလုံးက ဒီမိုကရေစီ တအားပြောကြတယ်။ ဘာကြောင့်လဲဆို ဒီမိုကရေစီ ဆိုတာ တအားခေတ်စားနေတာကို လူတွေ စိတ်ဝင်စားနေကြတယ်” ဟု ဦးသန်းဌေးက ဆိုသည်။
မတ်လ ၅ ရက်၊ ညနေပိုင်းက နေပြည်တော်ရှိ ပါတီဌာနချုပ်တွင် ပြုလုပ်ခဲ့သည့် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ (USDP) မှ ဗဟိုဦးဆောင်ကော်မတီ နာယကဖြစ်သူ နိုင်ငံတော် သမ္မတ(ငြိမ်း) ဦးသိန်းစိန်အား နိုင်ငံအဝှမ်းမှ ပြည်သူများ၊ ဒုတိယအကြိမ်မြောက် တွေ့ဆုံ ဂါရ၀ပြုပွဲ၌ ပါတီဥက္ကဋ္ဌ ဦးသန်းဌေးက ပြောဆိုလိုက်ခြင်းဖြစ်သည်။
ဆက်လက်၍ ပါတီဥက္ကဋ္ဌက “ကျွန်တော်ခေါင်းဆောင်တဲ့ ပြည်ခိုင်ဖြိုးပါတီက အမျိုးသားရေးကို လုံးဝ မမေ့ထားပါဘူး။ ဒါစကား အလှပြောတာမဟုတ်ပါဘူး” ဟုပြောသည်။
လာမည့် ၂၀၁၇ခုနှစ်၊ ဧပြီ(၁)ရက်နေ့တွင် ကျင်းပပြုလုပ်မည့် ကြားဖြတ် ရွေးကောက်ပွဲနှင့် ပတ်သက်၍လည်း ပြည်ခိုင်ဖြိုးပါတီသည် အနိုင်ရနေရာများ ထပ်မံပေါ်ပေါက်လာမည်ဟုလည်း ၎င်းက ပြောဆိုလိုက်သေးသည်။
“ကျွန်တော်တို့ အနိုင်ရတဲ့နေရာတွေ ပေါ်ပေါက်လာပါလိမ့်မယ်လို့ ယုံကြည်ပါတယ်လို့။ ကျွန်တော်ပြည်သူလူထုကို အထင်ကြီးလို့ပါလို့။ ကျွန်တော်တို့ ပြည်သူတွေမညံ့ကြပါဘူး” ဟု ၎င်းကဆက်ပြောသည်။
လာမည့် ကြားဖြတ်ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီက လစ်လပ် မဲဆန္ဒနယ် (၁၉)နေရာလုံးတွင် ဝင်ရောက် ယှဉ်ပြိုင်သွားမည်ဖြစ်သည်။
Mizzima
