ရေနံနှင့် သဘာဝဓာတ်ငွေ့ တင်ပို့မှု ကန်ဒေါ်လာ သန်းတစ်ထောင်ကျော် လျော့ကျ
ယခု ၂၀၁၆-၂၀၁၇ ဘဏ္ဍာနှစ် ၁၁ လတာကာလအတွင်း ပြည်ပသို့ ရေနံနှင့် သဘာဝဓာတ်ငွေ့တင်ပို့မှုမှာ ယခင် ဘဏ္ဍာနှစ်အောက် ဝင်ငွေ အမေရိကန်ဒေါ်လာ သန်းတစ်ထောင်ကျော် လျော့ကျ ခဲ့ကြောင်း စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာနထံမှ သိရသည်။
ယခင်နှစ်က ပြည်ပသို့ မက်ထရစ်တန် ၁၁ သန်းနီးပါး တင်ပို့နိုင်ခဲ့ကာ အမေရိကန် ဒေါ်လာသန်း သုံးထောင်ကျော် ရရှိခဲ့ကြောင်း၊ ယခုနှစ်တွင် မက်ထရစ်တန် ကိုးသန်းနီးပါး တင်ပို့နိုင်ပြီး ကန်ဒေါ်လာ သန်းနှစ်ထောင်ကျော် ရရှိခဲ့ သဖြင့် ကာလတူ နှိုင်းယှဉ်ကြည့်ပါက ဒေါ်လာသန်း တစ်ထောင်ကျော်နီးပါး ဝင်ငွေလျော့သွားကြောင်း ယင်းဝန်ကြီး ဌာနမှ လက်ထောက်အတွင်းဝန် ဦးခင်မောင်လွင် က ပြောကြားသည်။
“လွန်ခဲ့တဲ့နှစ်ထဲက ရေနံဈေးကကျတော့ တစ်ကမ္ဘာလုံး အတိုင်းအတာအနေနဲ့ တင်ပို့မှုတွေ ကျတာတွေဖြစ်တယ်။ မြန်မာနိုင်ငံအနေနဲ့လည်း ဒီအတိုင်းပဲ ပို့တဲ့တန်ရော၊ ရရှိတဲ့ငွေပမာဏရော အရင်ကထက် လျော့ကျတယ်”ဟု ၎င်းက ဆိုသည်။
မြန်မာ့ရေနံ လုပ်ကွက်များမှာ လွန်ခဲ့သည့် ၁၀ နှစ်ကထက်စာလျှင် အထွက်နှုန်း လျော့ကျလာကြောင်း၊ ယင်းသို့ အထွက်နှုန်း ကျလာသည့်အတွက် ပြည်ပ တင်ပို့မှုမှာလည်း အထိုက် အလျောက် လျော့ကျလာကာ ပြည်တွင်း ရေနံလိုအပ်ချက်အတွက် ပြည်ပမှပင် ရေနံများကို များစွာ ပြန်လည်မှာယူနေရကြောင်း မြန်မာ့ရေနံနှင့် သဘာဝ ဓာတ်ငွေ့လုပ်ငန်းထံမှ သိရသည်။
သဘာဝဓာတ်ငွေ့ကို ထိုင်းနှင့် တရုတ်သို့ အများဆုံး တင်ပို့ပြီး တစ်ရက်လျှင် ကုဗပေသန်း ၁၆၀ဝ ကျော် တင်ပို့ လျက်ရှိကြောင်း၊ ရေနံကို ထိုင်းနိုင်ငံက အများဆုံး ဝယ်ယူပြီး တစ်နေ့လျှင် မက်ထရစ် တန် တစ်ထောင်ကျော် တင်ပို့ရကြောင်း ယင်းလုပ်ငန်းထံမှ သိရသည်။
မြန်မာ့ကုန်းတွင်း လုပ်ကွက်များမှ တစ်ရက်လျှင် သဘာဝဓာတ်ငွေ့ ကုဗပေသန်း ၆၀ ခန့်ထွက်ရှိကာ ကမ်းလွန် လုပ်ကွက်များက တစ်ရက်လျှင် ကုဗပေသန်း ၂၀ဝ၀ ကျော် ထွက်ရှိကြောင်း လျှပ်စစ်နှင့် စွမ်းအင် ဝန်ကြီးဌာနထံမှ သိရသည်။
# The Voice
