မနက်စာအတွက် ငှက်ပျောလိမ္မော် Smoothie
အချိန် ၂ မိနစ်အတွင်း ပြုလုပ်နိုင်မှာဖြစ်ပြီး ကျန်းမာရေးနဲ့လည်း သင့်လျော်တဲ့ မနက်စာဖြစ်ပါတယ်။ ကျန်းမာရေး ပညာရှင်တိုင်းက မနက်စာကို အာဟာရပြည့်ဝစွာ စားသုံးဖို့ တိုက်တွန်း ကြပါတယ်။ အာဟာရရှိတဲ့ မနက်စာက တစ်နေ့တာလုပ်ငန်းတွေကို ခွန်အားရှိစွာ လုပ်ကိုင်နိုင်ဖို့အတွက် အထောက်အကူပြုပါတယ်။ ဝိတ် လျှော့လိုသူတွေနဲ့ မနက်စာချက်ပြုတ်ဖို့ အချိန်မရသူတွေအတွက် ကျန်းမာပြီး အာဟာရရှိတဲ့ သစ်သီးဖျော်ရည် တစ်ခွက်က မနက်စာအာဟာရကို တာဝန်ယူပေးပါလိမ့်မယ်။ ငှက်ပျောသီးနဲ့လိမ္မော် ပေါင်းစပ်ထားတဲ့ Smoothie က ပြုလုပ်ရလွယ်ပြီး အရသာလည်းရှိ၊ အဟာရလည်း ရှိပါတယ်။
ငှက်ပျောလိမ္မော် Smoothie လုပ်ဖို့ လိုအပ်တာက ၅ မျိုးတည်းပါ။ နို့ (ဒါမှမဟုတ် ပဲနို့) ၊ အေးခဲထားတဲ့ ငှက်ပျောသီး ၊ လိမ္မော်သီး (လတ်လတ်ဆတ်ဆတ် အရည်ညှစ်ယူထားပါ)၊ ဗနီလာနဲ့ သစ်ကြံပိုးခေါက်အမှုန့်တို့ပဲ ဖြစ်ပါတယ်။ ငှက်ပျောသီးကိုတော့ ညကတည်းက အခွံနွှာအတုံးတုံးပြီး ဇစ်ပါတဲ့အိတ်နဲ့ထည့်ကာ ရေခဲသေတ္တာ ထဲမှာ အေးခဲထားတာကို သုံးရမှာဖြစ်ပါတယ်။
ပစ္စည်း ၅ မျိုးလုံးကို Blender ထဲထည့်ပြီး စက္ကန့် ၃၀ လောက် ကြိတ်ပေးရုံပါပဲ။ ဗနီလာကိုတော့ လက်ဖက် စားဇွန်းတစ်ဝက်စာလောက်ပဲထည့်ပါ။ အနံ့အရသာအတွက် ဖြစ်ပါတယ်။ သစ်ကြံပိုးခေါက်အမှုန့်က လူကို လန်းဆန်းစေပြီး ခန္ဓာကိုယ်ရဲ့ဇီဝဖြစ်စဉ် (Metabolism) အတွက် အထောက်အကူပြုလို့ ထည့်ရတာ ဖြစ်ပါတယ်။ Blender ထဲမှာ ထည့်ဖျော်ပြီးရင် သုံးဆောင်လို့ရပါပြီ။
Credit:Duwun
